Tlaizawng pâr

Tun tumah pawh hian thil thleng dangdai tak tak chanchin lawrkhawm sawi kan tum leh dawn a,amaherawh chu chipchiar taka sawi lovin a chi hrang lawr tam deuh ka tum thung dawn a ni. ## Troy Leon Gregg chu mi rawk leh tualthah avangin man a ni a. Thi tur a achungthu rel a ni. Amah ang thova tihhlum tur a thiamloh chantir tawh Timothy Mc Corquodale, Johnny L. Johnson, leh David Jarrell te nen Ni 28 July 1980 khan Georgia State Prison, Reidsville atangin an tlan chhuak a. Tihhlum tur a chungthu rel tawh tlanchhuak hmasa ber Georgia chhinchhiahna ah anni nghe nghe a. An zalenna chu an chen thiam lo deuh nge Gregg chu Bar ah Zu a rui a, Bar nghaktu hmeichhia chu kut thawh meuh a a fiam avangin buaina a chhuak a. An vaw hlum der mai a ni.A Luck lo ve khawp mai. . ## Kum 2012 khan John Canning leh Frances Canning te chu Manchester Town Hall ah an Innei a. An inneihna lawmpui tur hian Fiamthu deuh hlekin Queen Elizabeth II kha an sawm a. Alo awm remchang hnai bawk nen Queen Elizabet

𝐍𝐀𝐑𝐂𝐎 – 𝐏𝐚𝐛𝐥𝐨 𝐄𝐬𝐜𝐨𝐛𝐚𝐫 ! 𝐊𝐡𝐮𝐡𝐡𝐚𝐰𝐧𝐧𝐚 (Thawi lawkna) :Netflix hian Tv series Narcos an siam a. Columbia leh Mexico a\anga US-a ruihhlo tawlhrûk a nih dan, chu mia inhnamhnawih mi pahnihte chanchin, a hran ve vein a siam a. Tuna ka han tarlan tur zawk hi, Columbia Druglord Pablo Escobar-a chanchin a ni. Ral khat a\anga kan lo hriat khan, a nihna hi a kawr pawh kan lo la hmu fiah lo zawk hi a lo ni a! Escobar-a chanchin hi chu thawnthu ngaihnawm ber berte ai pawhin a ngaihnawm zawk, an lo tih dikzia ka hmu ve ta a ni.    𝐀 𝐭𝐢𝐫𝐚𝐡 𝐜𝐡𝐮𝐚𝐧 (A bul) : Chile ram chu US puihnain General Pinochet-a’n a awp ta kha a ni a. Lalna a han chan phat a\angin Chile ramah thihnain thla a zar duai a, Hremhmun kawngka chu zau taka hawnin a awm ta nghal a. Kum 1973 khan khawvel hian Chile chu khawvela cocaine siam chhuaktu lian ber a la ni dawn tih a hre hauh lo. A rama thlaler leh vaukam ruak huai maiah chuan, duh thâlin cocaine siam niin hmar lam ramah an hralh c

Tun tum chu mi danglam bik chanchin sawi kan tum dawn a ni. Mitin hian midangte lak atangin danglamna theuh kan nei vek nachungin tuna kan sawi tur hi chu mi pangngai ni tho si danglamna tak nei bik chanchin a ni.  Amah hi Israel mi niin a hming chu Uri Geller a ni. Kum 1946 December ni 20 a piang a ni.    Uri Geller hian mak danglam tak maiin a ngaihtuahna ringawt hmangin thil a ti thei tlat mai a ni.Hetianga ngaihtuahna hmanga thiltithei hi Psychic power anti. Kum 1973 khan Uri hi London-ah kalin hetah hian BBC TV show buatsaihtute chuan show pakhat ' Jim Young Show' an neih tir ve a. Chu Show chu TV a an han tihchhuah meuh chuan thil danglam a thleng ta. TV atanga lo thlirtute Ina an bungrua chi hrang hrang Chabi, Chemte, Thirkut leh Fiante chu an kawi kual ta rum mai a. Miten mak an tih em avangin TV show zawh hnu lawk chuan BBC TV Centre chuan Phone hmangin zawhna chhan senloh an dawng zui nghal mawlh mawlh mai a ni.    Vawi khat leh pawh Norway khawpui Oslo-ah

- Lungduhsanga Serchhip He ka chanchin ziah hi ka thian tha te leh mi tam tak chuan in la hre chiang viauin ka ring a, mahse chhiartu tur tam zawk chuan an hre ve kher lo ang. Tun thleng hian he mi chanchin hi min zawt tu  ka la tawng fo a, thilsawi nuam a nih loh avangin ka sawi zen zen lo.Mahse hei kum 20 a nit a reng mai. Tu pawimah kan sawi em lo ang chu maw... Kum 1994, Mizo Driver Lalsangzuala,  Silchar a hnamdang kut tuar a, a boral kum kha a nia, vai dawr enge maw zat hal a nih khan kan thenawm vai sumdawng ten  an  hardware  bungrua  an zawrh lai te chu tlawm te te in an thlar a, keini pawhin man man takin kan inhnuai siamna tur chu kan lei ve a. Heng ka chak lei khawmsa te leh  kan inthiahna thawmmawl leh chak hlui hmangin kan inhnuai chu luah theihin  rei lo te chhungin ka khawr pum ve a. He mi kum hian kan piahral tarpi tlang leh a chheh vel chu nasa mang kheng a minin  he lai mual leh a chheh vel a chenna In sawmnga vel zet chu  he leimin  avang hian  thiah nii

- Samsona Hmar Nun pangngai pûta nung mâwl ve mai mai an awm laiin an thiltihte a vanga khawvêl pum nghawr nghîng danglam rawih pawh an awm a. Îtsîkna, elrelna, huatna, chaponate hneh theitu chu pasal țha an ni zêl mai a ni. Khawvêl thlâk danglamtute zinga hmeichhe ropui panga chungchang sawi dawn ta ila a țha awm e.  1. Anne Frank-i Germany ram, Frankfurt khawpuia Bank businessman Otto Frank-a leh Edit Frank-ite nupa karah June 12, 1929 khân a lo piang a. Juda hnam an ni. Amah aia kum 3-a û laizawn Margot Frank-i a nei a ni. 1932 kum a lo her chhuak a, Hitler-a kaihhruai Nazi party-in thuneihna an rawn pum hmawm chhoh khan (kan hriat țheuh angin) Juda huatin a hua a, a suat puk puk mai a, an chhungkaw nunnain a tawrh dawn a vangin Pu Otto Frank-a chuan a chhûngte chu Netherlands ram, Amsterdam khawpui lamah a pêmpui ta a. An vanduai a kal tluang zel a, May 10, 1940-ah Hitler-a'n Netherlands, Luxembourg, Belgium ramte kuk thluin a rawn la ta hmiah hmiah mai a, Netherlan

Ziaktu -  James Steward Gordon Sir Sydney Smith-a hi New Zealand ram, Roxburgh khuaah kum 1883 kha’n a lo piang a, Edinburgh ah medical science a zir a, a graduate hnu chuan Doctor hna thawk ve lauh lauh a, amaherawhchu loneitu nupui raipuar thichhawngin a na a, a enkawl tur chuan an rawn ko a, mahse a nunna chu a chhan hman ta lo a, a rilru a nat em vang chuan  Doctor hna bansanin hnuchhui lamah a inhmang ta zawk a ni. Department of Forensic Medicine ah Asst hna an pe a, a hlawh a tlem viau na in a tuichilh hneh em avang chuan a damchhung zawngin  a thawk ta ngar ngar mai a ni. Cairo khawpuia a awm laiin a hnathawh lai chuan Parcel pakhata ruhro pathum awmna hi an rawn thawn a, ngun tak mai chuan a han en vel a, heti hian a result chu a puang chhuak ta a.  “He ruhro hi hmeichhia kum 23 leh 25 inkar, nau vawikhat chhiat tawh, kebai lehnghal a ni a, tualchher silai hmanga kahhlum a ni a, kah a nih atanga ni 7/8 vel chu  a la dam” a tit a mai a, Police pakhat chuan awih lo ta

Kum 1997 kum kha a ni a,ka pa hian min boral san hma avangin ka nu hovin ka u leh naute nen kan khawsa a,kan unau hi mipa hlir pathum kanni a,ka nu hian nu leh pa nih a fawm thung a, a hah theih hle awm e. Kan In ah hian mi hrang hrang inleng/incheng hi kan nei ve nual thin a,kan khawharna leh kan harsatna tam tak pawh  anni avang hian chhawkin kan awm tam hle a ni.Tleirawl chhuak hlawt chauh ka la ni a,ka u hi lehkha zirin hmun dangah a awm bawk si , Kan tih leh thawhtheih loh tam takte chu kan inchengte hian minpui fo thin a ni. Zankhat chu dan pangngai angin kan inchengte pawh an rawn chuangkai leh sap sap tawh a,an zingah chuan Pa Kaia (Kaibuaia) pawh a hun ngaite ah alo thleng ve leh bawk a,Chik tak chuan khami zan khan lo belchiang ila lungngaihna engemaw tak a nei  anih pawhin kan hre ngeiin ka ring a ni. Kan inlengte chuan engeng emaw sawiin annui leh dar dar thin a,thil chi hrang hrangah an pakai lawr a,anrilru a thu rawn lang ang angte chu an thawhkhawm tlang ni b

Nunna hi thisenah a awm tiha mawi khawpa kan nunna atana pawimawh chu thisen hi a ni. Keini kristian te thurinah phei chuan, Isua thisen avangin kan thlarau nun chena chhandam kan ni a, kan society ah pawh pi leh pu te hunlai atang tawhin buaina hrang hrang; tualthahna leh pawi tawpkhawk ah pawh ran thisen a luan tawh chuan inremlo thianglo anga ngaih hial a ni. Bible-a thuthlung hlui hunah pawh thisen pawimawhna leh thil tihtheihna hi hmuh tur a tam hle bawk. Thisen hi kan taksa  piahlamah kan thlarau nunna leh, mihring inkara buaina chena chingfeltu a ni. Thisen hi a hlut leh thil a tih theih tluk zetin lehlamah chuan a rapthlak pawh kan ti thei bawk ang, mihring thisen phei hi chuan huhang a ngah leh zual a ni. Thisen pai teuh e tilo hian, thisen chhuak leh thisen tam tham deuh han hmuh zet chuan a rapawm lamah a kal a, mi thenkhat *"thisuk nei"* an tih ho phei chu an thauah a man a, an lu te tihaiin che thei reng rengloin a  a ti chau vek thei hlawm a

KHAWVELA THIL THLENG MAK ZUAL DEUH TE: Thuhma hi han nei thla ve zen ila, tuna ka lakkhawm aia mak leh pui pawh hi a awm thei a....hei hi chu mak ka tih ve deuh ho mai mai an ni a, a ber an ni tih a nilo anih chu. -R.F 1. THE TOXIC LADY : February Ni 19, 1994 khan nu pakhat, Gloria Ramirez chu Riverside General Hospital Emergency Room ah, Advanced Cervical Cancer (Eng natna ber chu niang maw ) avangin hmanhmawh taka dah luh a ni a. Hetih lai hian Ramirez-i hi a na a deuh ruai tawh a. Thawktu lo awm te chuan an thiam ang tawk chuan an han buaipui zung zung a.  Diazepam, midazolam, leh lorazepam te chuan an han chiu phawt a, mahse an thil pek ten awmzia a nei thui loh bakah, a dinhmun chu a hniam chak em avangin....a lung chu Defribrilate (Electric hmanga an shock thin hi, film ah pawh kan hmu ngun ang chu ) an tum ta ngawt a. Chutih hunlai vel chuan thawktu thenkhat chuan Pi Ramirez-i taksa ah chuan thil hnang engemaw ni hi an hmu a, a lu lama awm te pawh chuan, thei (fruit)

Tumloh leh beisei loh dan deuh a kan chung a thil alo thlen tawh lak lawh hi chuan duhdan danin a awm theih tawh lo a,kan dam chhung pawh a kan hmuh leh hriat duh miahloh tawhloh tur tawn leh hriat changte pawh a awmve chawk thin reng a ni. Engtik ni bawr vel nge ka chiang ngam tawhlo, a kum erawh ka la chiang hle thung,a thla pawh Sept. emaw Nov. emaw a ni ngei ang,buhseng a hun tan chho tawh a ni. Buh hmawr a êng tan a,Lo bing a neite tan chuan buh ven a hun tan chho viau tawh reng a,keini pawh hemi kum hian a bing a kan neih kum a ni si a,buh lu chuh a liam ve thuai  chu a hun hle tawh a ni. Thingtlang lamah chuan hna dang em em a leng vak tawhlo,buhseng tur chuan kan inbuatsaih mek tawh hlawm a.Keini chhung pawh a hma lama riahluh thuai chu kan tum a,a bing a neih hi chuan a zuva zawh mai a hlauthawn awm deuh thin a ni.  Tichuan,riak tur chuan kan inbuatsaih ta a, buhlak em lian a,a leng theihtawk phurin Lo lamah chuan kan inawi lut ta hluau hluau a. Riak tur kannih ava