Tlaizawng pâr

_by : Fela pa_ 🧟‍♂️ Zankhat chu nula ka rim a,mahni a len nawm tawh zawkna a ni bawk a,dan pangngaiin ka phur leh viau mai a. Ka thiannu hi a nu nen chauha khawsa anni tawh a,mi khawsa thei ve pangngai tak niin ei leh barah pawh ngaihtuah awmloh tak anni a.An In hi Motor kawngpui sir mai a ding a ni a,lawiluh pawh a remchag hle a ni. Dar 10:00 pm pelhah pawh chuan kan la inkawm tui khawp mai a,Thla pawh a chhuak fel chauh a,a êng kung mai a,thlang tukverh epchiah chuan kan thu a. Thla eng rawn inkap lut sung mai ka han thlir thla chu thilmak deuh mai ka hmu ta a ni. Parda inzarlohna lam tukverh sir darthlalangah chuan mihring hmai chanve chauh lang hian minlo thlir reng mai a,Ka tawng chhuak nge chhuaklo pawh ka hrelo..mak ti taka ka en ve reng lai chuan bang phen lamah chuan a pil ta riai riai a,chu chu ka thiannu pawh chuan alo hmu ve reng a ni. Thlanglam atang chuan engti kawng mahin mihring pangngai tan a lawn theiloh hrim hrim a,bathlarah nise a din theih hekloh,hmai thla lo lang...

☠️ Kum 2020 kum bul kan tan chho chauh kha a ni,hunpui boruakah rilru ala chen deuh reuh avangin khawhran daih a awm chu lung a leng rum rum thei mai ! Hetih lai hian Aizawl veng pakhat Hostel ah ka awm a,kan hostelah hian mi pathum chauh kan awm naa khawhar erawh a ziaawm hle a ni. Kan Hostel hi mimal ta a ni a,tunhma chuan boys hostel tih pawh a ni chuang lova, kum tam aliam leh tawh,he Hostel ah hian Vanduaina rapthlak tak a thleng hlauh mai a,chu thilthlen hnu atang chuan hostel a awm an kiam ta deuh duak mai a,hun a kal zel a,pun lam aiin kiam lam an pan zel a,hmeichhia phei chu awm tur an awm ngai tawh lova,chumi hnu atang chuan Boys Hostel anti zui ta a,Hostel Senso ngai zawng zawng antih tlem fe pawhin awm tur an in hmu zo meuhlo a,a hrechiang chuan an tih ru deuh tlat a ni.Mahse,a chanchin hrechiang ve lemlo leh Sum lam harsat zawkna avangte in Thingtlang lam atang chuan awm tawk an awmve reng thin a ni. Tun tumah pawh hian Thingtlang atanga kal vek kan ni hlawm a,kan tlem baw...