Cocaine lalpa Pablo Escobar (Khawvel a mihausa ber!!)
๐๐๐๐๐ – ๐๐๐๐ฅ๐จ ๐๐ฌ๐๐จ๐๐๐ซ !
๐๐ก๐ฎ๐ก๐ก๐๐ฐ๐ง๐ง๐ (Thawi lawkna) :Netflix hian Tv series Narcos an siam a. Columbia leh Mexico a\anga US-a ruihhlo tawlhrรปk a nih dan, chu mia inhnamhnawih mi pahnihte chanchin, a hran ve vein a siam a. Tuna ka han tarlan tur zawk hi, Columbia Druglord Pablo Escobar-a chanchin a ni. Ral khat a\anga kan lo hriat khan, a nihna hi a kawr pawh kan lo la hmu fiah lo zawk hi a lo ni a! Escobar-a chanchin hi chu thawnthu ngaihnawm ber berte ai pawhin a ngaihnawm zawk, an lo tih dikzia ka hmu ve ta a ni.
๐ ๐ญ๐ข๐ซ๐๐ก ๐๐ก๐ฎ๐๐ง (A bul) : Chile ram chu US puihnain General Pinochet-a’n a awp ta kha a ni a. Lalna a han chan phat a\angin Chile ramah thihnain thla a zar duai a, Hremhmun kawngka chu zau taka hawnin a awm ta nghal a. Kum 1973 khan khawvel hian Chile chu khawvela cocaine siam chhuaktu lian ber a la ni dawn tih a hre hauh lo. A rama thlaler leh vaukam ruak huai maiah chuan, duh thรขlin cocaine siam niin hmar lam ramah an hralh chhuak chur chur a.
Mahse, rei lo tรช-ah cocaine siamtu lian ber zinga mi, Chukchu-a (Cockroach) an tih leh a hote chu Chilean sipaite’n luh chhuahin, an that ta phiar a. Nuclear indona a lo thlen chuan, chukchu leh rannung chhiava tรช tรช bak an dam khaw chhuak ngai lo ang, an lo tih ang takin Chukchu-a chu he insuatna lakah hian vanneihthlak zetin a dam khaw chhuak ta hlauh mai a. Khawvelin a la hmelhriat ngai loh mihring, Columbia a awm chhรปnga a hming dai tawh ngai lo tur, Pablo Escobar-a a rawn inlรขr phah ta a ni.
๐๐จ๐ฅ๐ฎ๐ฆ๐๐ข๐ ๐ซ๐๐ฆ๐๐ก ๐๐ก๐ฎ๐๐ง (A piang ta) : Columbia rama Medellin khuaah chuan Escobar-a leh a unaupa Gustavo te chu bungraw tawlhrรปk kawngah an che thei ang reng hle a. He khuaa Police zatve zette pawh thamna hmangin an thuhnuaiah an dah fel diam tawh a. Chukchu-a pawhin he mite unau hi bel chatin, khawvel buaina rรขpthlak, mi sang chuang fe thihna thawnthu ropui leh ngaihnawm, sawrkar duh loh zawnga inti mi lian zinga amah ang reng piang leh ngai tawh lo tur chanchin chu i han chhiar dawn teh reng ang.
๐๐ข๐๐ฆ๐ข, ๐๐ ๐ฅ๐๐ฆ๐๐ก : Pablo Escobar-a chuan Chukchu-a laboratory hmangin Cocaine a siam chhuahte chu, Miami lamah thehthang dan a buaipuiin, Lion-a tia khawvelin a hriat reng tawh tur nen inhmelhriatin, US khawpui nuam leh changkang ber pakhat chu, cocaine ruihhlo hmangin a han rรปn ta a. A sumdawnna a hlawhtling chho tih a han hriat hnuah chuan, Columbia rama mi sual rual, thiltithei leh rothap rual thurualpuiin, cocaine-a an sumdawnna chu a let za aia lianin a kal chhohpui a, khawvelin a hriat reng fo tur, Medellin Cartel chu a lo piang ta a ni.
๐๐ฎ๐๐ข๐ง๐ – Inthen faina : Rin ai daiha cocaine sumdawnna a lo hlawk chhoh takah chuan, a tira cocaine siamtu Chukchu-a kha lo duham chhovin Escobar-a a phatsan a. An sumdawnna ramri huam chhรปnga thuneitu ber Colonel Herrera hnenah an ruihhlo tawlhrรปk dan hrilhin, cocaine kg 390 lawih mai a lo mansak ta a. A hmain Colonel Herrera hi an tham lungawi zingah tel mah se, ani pawh a lo duham chho ve zel nen, Escobar-a hian he sipai hi a pisa lamah a len chilh ta a.
A tir lamah an indawr fuh loh avangin, Escobar-a tรขna pawi kumkhua turin, Police lam hian ruihhlo kaihhnawihah lo manin, an thla an lo laksak ta hlauh mai a ni. He thlalak pawi turzia chu nakin lamah kan la ziak ang. Tichuan, he Colonel duham tak hi dollar maktaduai 1-a inremna neihpuiin, Escobar-a hian amah hektu chu Chukchu-a dah \hain, cocaine sumdawnna chu a ta liau liauah a siam ta a. Chu mai ni lovin, Miami lama Chukchu-a sumdawnpuite lร min a that chimit ta \hak mai a ni!
๐๐ ๐ฅ๐๐ฆ๐ ๐๐ฎ๐๐ข๐ง๐ : Miami lama cocaine supply-tu ber nih inchuhna avang ringawt hian, kum 1979-84 chhรปng khan mi 3,245 chuang an thih phah a. Chuti chung pawh chuan, he ruihhlo hian US sawrkar a beng harh zo chuang lo. US sawrkar beng verh zartu zawk chu, he ruihhlova sumdawnnain pawisa tam tham lutuk mai a ken tel chu a ni ta a ni! A chhan pawh kum tin, dollar tluklehdingawn chuang zel US a\angin Columbia ramah thawn kir a ni ta a ni!
๐๐ซ๐๐ฌ๐ข๐๐๐ง๐ญ ๐๐๐๐ ๐๐ง-๐ : Tichuan, US President rothap Reagan-a leh a sangawizawnpui mi thiltithei rualte chuan, Miami economy chu ruihhlovin a hmawm zo mai hlauthawngin, ruihhlo do beihpui thlak zai an rel ta a. He mi \um hian alawm khawvelin Nancy Reagan-i leh a \awngkam pakhat, khawvelin a hriat reng fo tawh tur, ‘Say yes to your life, say no to drugs and alcohol’ tih thu sawi chhuaha a awm tak ni.
๐๐ฎ๐ฆ๐๐๐ฐ๐ง๐ง๐ ๐ก๐ฅ๐๐ฐ๐ค ๐๐๐ซ ๐๐ก๐ฎ: Escobar-a leh a unaupa sumdawnna a han vung chho ta tak tak a! Kรขr khat chhรปng lekin cocaine kg 10,000 an siam chhuak a. Kg 1 hi dollar 50,000 zela hralhin kum khata an sum lakluh chu, dollar tluklehdingawn 5 a tling der! A unaupa Gustavo chuan Germany a\angin Chemist thiam tak, cocaine thlitfim leh zual dan tur ngaihtuahtu tur a chah thleng ta bawk a. Chung an siam chhuahte chu coffee, coca-cola, zu leh thil dangah pawh ruih theih turin an pawlh leh ta zel a. US a\anga pawisa lo lut tam tham lutuk avang leh, Columbia hriata engmah thawh nei a nih si loh avangin, buaina an tawk ta. Hausak lutuk vanga buaina!
๐๐๐ฑ๐ข ๐ฌ๐ฎ๐ฆ๐๐๐ฐ๐ง๐ง๐ : Tih vak ngaihna hre ta lo chu, Escobar-a chuan Taxi company ka din e, tiin taxi pathum a service tir a! He taxi service tluka lirtheia sumdawnna hlawk zawk khawvelah a la awm ngai lo! Kรขr tina an sum thawh chhuah zat chu, dollar maktaduai 60 chuang zel zuk nia! Pawisa han dah \hat maina hre ta lo leh, bank reng reng a huat tlat si avangin, ram zau tak tak leh in ropui tak tak leiin, lawng, lirthei, thlawhna, pawisain a lei theih zawng zawng chu lei zo vek mah se, pawisa lo lut tam lutuk avangin, tihngaihna reng reng an hre ta chuang lo!
๐๐๐ฎ๐ฌ๐๐ค ๐ฅ๐ฎ๐ญ๐ฎ๐ค ๐ฏ๐๐ง๐ ๐ ๐๐ฎ๐๐ข๐ง๐ : Thuneitute’n a accountant an man a\anga an hmuh chhuah chu, cocaine-a sumdawnna a beih tak tak laia a sum lak luh zat chu, ni khatah ringawt dollar maktaduai 6 zel ang lalutin an chhutsak a. Site \ha leh rintlak Infographic phei chuan, khatih hun lai khan Escobar-a hausakna hi US $ tluklehdingawn 180 chuang ni turah an ngai a, khawvela mi hausa bera ngai kha an tam reng a. Kum 1980-89 chhovah khan Forbes mi hausa thlan chhuah 6-nate khan $ tluklehdingawn 5-6 vel emaw lek an nei tih hre ta ila! Medellin Cartel-a a thurualpui mi pathumte pawh Forbes chuan khawvela mi hausa 15 a thlan chhuah zingah an la tel ta bawk.
Gacha-a chu 9-na niin, Ochoa unaute pawh 14-naah an awm hial a ni. Pawisa lo luanglut hi a tam tham รชm avangin, ram zau tak tak a leiahte chuan, a maktaduai telin an phum ta \euh mai a ni! A in lei bangahte chuan a theihna lai laiah pawisa a dah \hattir a. An \hutthleng leh khum zawng zawngte pawh pawisain a rem khat vek a ni ber! A nu \hutna dup bik pakhatah ringawt pawh $ maktaduai 1 a dah \ha nia! Accountant ruaiin chung a pawisa dah \hatna chu map-in a siamtir hial a ni. Vawi khat an uma, an tlanchhiatna a inah รชng leh thing tuah tur a awm loh avangin, banga a pawisa chheprelh $ maktaduai 1 an hal a, an ai hmiah! & tluklehdingawn khat hu zel sazu-in an eisak kum tin bawk!
๐๐ข๐ฉ๐ฎ๐ข ๐ญรข๐ง๐ ๐ฅ๐ฎ๐๐ง๐ ๐๐ก๐ก๐ฎ๐๐ค ๐ฆ๐ข ๐ญ๐ก๐ข๐ฅ๐ฉ๐ก๐๐ฅ : Escobar-a hi rethei taka lo sei lian niin, a pa pawh bawng vulhtu mai a ni a. Chuvangin mi rethei leh harsa zawkte \anpui duhna a thinlungah a awm reng \hin. Hetia sawi ngaihna pawh awm lo khawpa a lo hausak hma leh hausak hnu pawh hian, Columbia mipuite leh, a bik takin a chenna khua Medellin mipuite tรขn a luang chhuak nasa รชm รชm a. Sikul a dinin damdawi in leh mipui mamawh apiang a siam bakah, mimal angin pawisa a theh chhuah nasa thei hle a. Hei vang hian mipuite chu a lam\ang nghet takah siamin, nakin zelah a tรขn malsawmna an ni ve thung dawn a ni.
๐๐๐๐๐ฅ๐ฅ๐ข๐ง ๐๐๐ซ๐ญ๐๐ฅ ๐ ๐ฉ๐ข๐๐ง๐ ๐ญ๐ – He Medellin Cartel hnuaiah hian khatih laia Columbia rama ruihhlo hmanga sumdawng inti hausa rual; Carlos Lehder, Ochoa Brothers, Fernando Galeano, Gacha leh Escobar-a leh a unaupa an awm a. Sawrkar tรขn an zinga pakhat ringawt pawh beih a harsat laiin, an han inzawm khawm phei chu, eng thuneihna mahin a chelh zo lo a ni ber. Hetih lai hian Columbia University lama an zirtirtu awpna hnuaiah, Communist chawisรขn tumtu M-19 an tih pawl pakhat an awm a. Ruihhlova sumdawng hausate hi lo thlir ru rengin, Ochoa-te farnu Marta-i an kidnap ta a.
An tifuh lo chai chai hle. Escobar-a hian heng mite hi ko khawmin, he pawl hi a dinpui ta a. An pawisa thawh khawm hmangin sipaia \ang tur an training-in, tham ngai an tham a. Chu mai bakah kidnap a thlen leh tawh ngai lohna turin, ‘Death to kidnappers’ tih hming an invuah tel ta a ni. Marta-i hmuh let a tum dan chu, M-19 mi leh sa tawh phawt a mal te tea tihhlum vek a ni. Tichuan, ramhnuai lama M-19 tawmbuk luh chhuahin a that ta nghauh nghauh mai a.
Rei rial lovah M-19 chuan Marta-i chu an rawn chhuah ta mai reng a. Mahse, Escobar-a duh tawk a la tling lo, a umzui zel a. A tawpah an hotu Ivan Terrible hming invuah meuh pawh, a hnenah a rawn in surrender ta a ni. Escobar-a hian he mi hi hrem mai lovin, a lam\angah M-19 hi a siam ta hmak a. Nakinah a la \angkaipui hle dawn a ni. Heta chinah phei chuan Escobar-a dodal ngam leh tibuai ngam Columbia ramah an awm tawh lo. Mipuite lah a lam\ang deuh vek niin, pathian angin chibai an bรปk lo chauh a ni ber. Ruihhlova sumdawnna kawngah hian duh tawk mai se, buaina leh chhiatna a tawk lo tur. Mahse, tum dang a la nei tlat a ni.
๐๐จ๐ฅ๐ข๐ญ๐ข๐ค ๐ฅ๐๐ฆ๐๐ก : A naupan lai hian a nu hnenah, ‘Nakinah chuan Columbia President ka la ni dawn’ tiin a lo sawi tawh reng a. Columbia reporter chhe lo, Valeria-a kawm ngeihin, raorรชl lai New Liberal Party hruaitu, Ukil Fernando Duque a bel ta a. Awlsam takin he pa hi $ 300,000 hmangin a tham lungawi a, Columbia rama Press lah sum hmangin a lei fel ta bawk nen, Politician nih a hlat ta lo kher mai. Valeria-i leh Duque-a hi a nuna mi pawimawh tak pahnih an ni zui ta nghe nghe a ni. Duque-a hian an Party hruaitu leh Minister of Justice ni lai meuh pawh, Escobar-a chu mi fel takah chhuahin an pawla la lut tur hian a hmin thei ta a ni. Mahse, he Minister avanga buaina a tawh tur hi hre ta se, a kawng zawh lai a thlak duh ngei ang!
๐๐จ๐ฅ๐ฎ๐ฆ๐๐ข๐ ๐๐จ๐ง๐ ๐ซ๐๐ฌ๐ฌ ๐ฅ๐๐ฆ๐๐ก : Politik-a a luh dan hi a maksak ang reng a. New Liberal Party aiawh Ortega chu thlawpin, a campaign-pui ta a. Inthlannah pawh hneh takin Ortega hi thlan tlin a ni ta reng a. Thlan tlin a han ni fel te te a, tichuan mipui hriatah a nihna a bansan thu leh, a aiah Escobar-a chuan mipui ai a awh tur thu a puang a, tichuan Columbia rorรชl khawlah a lut fel ta der a ni. Khati khawpa eirรปkna leh inthamna Columbia rama a hluar chung pawhin, mi dik leh \ha, sual do ngam leh dรขn \anchhan ngam an awm ve tlat a. Tun hma zawnga buaina tawk ngai lo Escobar-a chuan, a hringnunah harsatna a tawk chho dawn ta a ni.
๐๐ฎ๐๐ฅ๐ฉ๐ก๐จ๐ง๐ : Mipui aiawh a han nih takah chuan, Congress \hutkhawm hmasak berah phรปr takin rorรชlna hmun a pan ta a. Mahse, a rin loh lutuk thil a thleng ta tlat! A hma lama an Party-a lawmlut a, an pawl tรขna pawisa thawh phalsaktu Minister of Justice, Rodrigo Lara Bonilla ngei khan, hmana Escobar-a ruihhlo vanga Colonel Herrera-a’n a man \uma a thlalak ngei mai kha rawn phawrh chhuakin, Columbia rorรชlna hmunah ruihhlo hmanga sumdawng inla lian tรขn hmun a awm loh thu sawiin, Escober-a chu a nihna ata bang turin a phu ta a!
๐๐๐ฐ๐ซ๐ค๐๐ซ ๐ง๐๐ง๐ ๐ข๐ง๐๐๐ข๐ก๐ง๐ : A hma zawnga a duh apiang nei thei Escobar-a’n dodaltu a han nei zet chu, a nun a inthlak thรขwk a ni ber. A ukil-te nen Lara hi bei letin, darkรขr 24 chhรปng ngeia ruihhlova sumdawng a nihna tarlang tur leh, Minister of Justice a nihna ata bang turin, Press hmaah a inhrosa ta a. Lara lah mi dik tih takah, hnungtawlh a tum bik der lo. A hma zawng aia nasain ruihhlo hmanga sumdawnna demin, a do let ta zawk a. Tun hma lama tu mahin an tih ngam loh pawh tingam zelin, Columbia rama football Club 6 lai neitu chu ruihhlova sumdawng an nih dante thlengin a phawrh lang ta a.
๐๐๐๐๐ฅ๐ฅ๐ข๐ง ๐๐๐ซ๐ญ๐๐ฅ ๐ฏ๐ฌ ๐๐จ๐ฅ๐ฎ๐ฆ๐๐ข๐ ๐ฌ๐๐ฐ๐ซ๐ค๐๐ซ : Minister Lara hian Cartel hotu Gocha chu a Club neitu nihna ata bantirin, Ochoa unaute thlawhtheihna 57 lai license a chhuhsak bawk. Escobar-a pawh phalna nei lova Africa a\anga ramsa a lak luh avangin pawisa a chawitir ta a ni. Escobar-a pawhin hmelma lian tak, Dรขn a han hmachhawn tak tak takah chuan, a duh thu sam pakhat, Columbia President nihna kawng pinzia a hre ta a ni. Hetih lai hi chuan Columbia ramah Minister Lara aia hmelma ngah an awm kher lo ang. Sawrkar pawhin hei hi hriain, a sahimna turin Czechoslovakia ramah Ambassador ni turin tirh a tum ta a.
Czechoslovakia pan turin kรขr hnih hun a la nei a. A sahimna ngaihtuahtute’n fimkhur tura an tihna pawh a pawisa duh bik lo. Tichuan, Lara leh sawrkar nawrna leh dodalna a nasat tak รชm avangin Escobar-a chuan mipui hmaah Press mite a kawm ta a. A nihna a bansan tur thu leh, ngawi renga a awm mai mai loh tur thu bakah, Escobar-a hi tu ma dodal mai mai chi a nih lohzia a sawi ta a. Chuta \anga hun rei lo tรช-ah, Minister Lara chu a pisa kaina kawngah kahhlum a ni zui ta a ni! Sawrkar pawhin nรข taka khingletin, lรป man $ 100,000 neihtirin, man tumin a bei let ta a ni. Tin, ruihhlo hmanga sumdawngte hlauh ber, Extradition – US tanin lama tangte thawn phalna Dรขn an siamzui ta a ni!
๐๐ ๐ฅ๐๐ก ๐๐๐ ๐๐ง ๐ฅ๐จ ๐ฅ๐๐ง๐ : US hi englai pawha mi ram rorรชlna kawnga inrawlh reng, Communist do reng renga hmanhlel an nih avangin, a nihna takah chuan Minister Lara-a’n Congress hmaa Escobar-a thlalak a pho chhuah theih chhan pawh, US vang a ni. Extradition dรขn a han siam hnu phei chuan, DEA-ho hi Escobar-a tรขn an hnawksakin, a tawpa a thihna chhanah pawh thui tak an inrawlh reng a. Escobar-a pawhin Columbia rama US inrawlhna chu nรข taka demin an ram President Luis Carlos Galan-a hnenah pawh lehkhathawn rumra tak a thawn ta a ni.
Narcos (ruihhlo tawlhtute) pawhin nasa takin an rama inthlan lo awm turah \an an la a. Tham theih an tham a, rum\haih theih an rum khum a. Mahse, Galan-a erawh a dinna ngaiah a ding tlat thung a. Ruihhlo vanga an mante US lama an thawn zel avangin, Escobar-a pawhin an rama Judge-te lehkha thawnin a vau ta hmiah hmiah a. A thah theih apiang a that hmiah hmiah a, rorรชlna hmuna Judge-te chuan hmaikรขwr vuah chungin ro an rรชl phah ta hial a ni. A vawi khat nรขn Columbia ramah mi sualte ni lo, mi fel zawkte’n an hmai an thup a ngai ta hial a ni!
๐๐ง ๐ฎ๐ฆ๐ณ๐ฎ๐ข๐ง๐ ๐ก๐๐ฎ๐ญ๐๐ค : US a lo lan takah chuan, Escobar-a tรขn fimkhur a ngai ta hle a. In 800 chuang a neihte chu a tรขn an him ta lo. An um an um tlan ta mai a, thuneitu lam pawh an che fuh ta hlauh mai. A pawisa vawngtu leh thurรปk venghimtu ber, Hmuihmul Duma an tih mai chu manin, lehkha pawimawh tam tham tak, Palace of Justice-a Evidence pindana leng lo khawp an maksak ta a. Hei vang hian Escobar-a sum lakluh zat pawh a hriat theih phah ta a ni. Ni khatah ringawt $ maktaduai 60 a la lut hem mai nia! Kum khata a sum lakluh zat chu $ tluklehdingawn 21 chuang lawih a ni! Chu mai bakah Medellin Cartel-a mi Lehder-a pawh man a ni ta a, US lamah an thawn ta a ni.
๐๐ฎ๐ฆ ๐๐๐๐ ๐ ๐ฅ๐จ ๐ง๐ข ๐ : Deh loh sakei huaia an sawi Medellin Cartel meuh pawh an thlaphang ta. Rang taka inhmukhawmin, hmalak dan tur an rรชl ta a. engkim Escobar-a kutah an dah leh ta a ni. Escobr-a rawn er let leh chu nรข tak a ni ta. M-19 sipaiho ruaiin, Columbia Supreme Court a beihtir ta hmiah a. Mi 100 chuang hrengin, sawrkar lakah phut eng eng emaw an nei nangin, chu ngawt chu Escobar-a thil tum a ni lo.
Amah thiam loh chantir theitu lehkha pawimawh an kawlte zawk kha, a zavaiin a pindan chawpin a haltir ta hmiah mai a ni. Supreme Court Justice chanve ngawt an boral bakah mi tam takin nunna an chรขn phah ta bawk. US lamah chuan Mafia-te’n thuhretu (witness) an dah bo hmiah hmiah laiin, Columbia ramah ve thung chuan, rorรชlna hmun chawpin Escobar-a hian a thai bo hmaih mai a ni!
๐๐ฎ๐ฆ ๐๐๐๐ ๐ ๐ฅ๐จ ๐ง๐ข ๐ : Columbia inthlan puiah New Liberal Party chuan hnehna changin, Galan-a chu President a rawn ni ta a. Cartel duh loh ber, Extradition chu chak takin a kalpui ta a ni. Escobar-a leh a \huihhruaite chu Panama lamah an tlanchhe ta a. Panama ram hruaitu Manuel Noriega lah thamna ngaina mi a lo ni ve nen, an him thaw khat ta phawt chu a ni.
๐๐ฆ๐๐ข๐๐ก๐ก๐ ๐ญ๐ก๐ข๐ฅ๐ญ๐ข๐ก๐ญ๐ก๐๐ข๐ก๐ง๐ ๐ฆ๐๐ค ๐ญ๐๐ค ๐๐ก๐ฎ : Panama ram nuam takah, duh tawka hman tur pawisa nei mah se, a nupuiin Panama chu nuam a ti tlat lo. ‘Pawisa heng zozai nei mah ila, mahni inah kan hawn theih si loh chuan, eng nge sawtna a neih?’ tih zawhna a dawng ta a. ‘Columbia rama ka kir leh a nih chuan, indona ka hmachhawn a ngai dawn a ni’ tiin a nupui a chhang ta a. Columbia ram hmelhmang thlak danglam dawrhtu chu he hmeichhe \awngkam, ‘A nih chuan \ul i tih apiang chu ti ang che’ tih hi a ni ta a ni! He \awngkam avang hian hnehna lawma thu a sawi laiin, Columbia President Galan-a chu silai hmanga thah a nih phah ta a ni!
๐๐ฎ ๐ง๐ ๐ ๐ฆ๐๐ก๐ง๐ข ๐ฅรป ๐ณ๐ฎ๐๐ซ ๐ง๐ ๐๐ฆ ๐ญ๐ ๐๐ง๐ : President Galan-a thihna chuan hmun ruak a rawn siam ta a. Mahse, mahni lรป zawrhna dinhmunah tu nge ding ngam ta ang? Tuin nge Narco-ho chu do ngam ta ang? A hmel han ena derdรชp hmel tak, a pumrua pawh thlamuanpui tur ni lo, Dr Cesar Gaviria chu Galan-a fapa hian a pa hniakhnung zui turin a ngen ta chawt a, tichuan Columbia ram hruai tum ngai reng reng lo President Gaviria a lo lang ta a ni.
๐๐ฉ๐๐๐ข๐๐ฅ ๐๐ฅ๐จ๐ ๐๐ข๐ง ๐ ๐ง๐ข ๐ญ๐ : President Gaviria hnuaiah sipai pawl pakhat, tu ma tham theih loh, mi huaisen chin \haha ngaih din a ni ta a. He pawl hi ngaihmawh tham an nih avangin, Escobar-a pawhin an hotu Colonel Carillo chu $ maktaduai 6 lawihin tham a tum a, a hlawhchham chiang hle. Tichuan, Colonel Carillo-a hi dah \hat a tum ta rawk mai a. A nupui nen restaurant an chawlh laiin, thah a tum ta a. Mahse, Colonel Carillo-a hi chuti maia thah chi a ni tlat lo! Sawrkar a ling ta phat mai a ni.
๐๐๐๐ก๐ ๐ญ๐ก๐๐ก ๐ ๐ง๐ข ๐ญ๐ : Medellin Cartel-a mi pawimawh Gacha chu, a hnuaia mi pakhatin phatsanin, a chenna hmun Special Bloc hian an hre thei ta hlauh mai a. Cacha kutah Police engzat nge thah an nih chhiar sen loh a nih avangin Colonel Carillo leh a hote hian phuba lak an chรขk et et reng a. A chenna hmun an va luh chhuah ta a. Silai hmanga inbeihna leh, mi tam takin nunna an chรขn phah hnuah, Gacha leh a fapa pawh kahhlum an ni ta a ni.
#Lalremliana Pachuau
Comments
Post a Comment