Thilmak leh dangdai Lawrkhawm

Tun tumah pawh hian thil thleng dangdai tak tak chanchin lawrkhawm sawi kan tum leh dawn a,amaherawh chu chipchiar taka sawi lovin a chi hrang lawr tam deuh ka tum thung dawn a ni.

## Troy Leon Gregg chu mi rawk leh tualthah avangin man a ni a. Thi tur a achungthu rel a ni. Amah ang thova tihhlum tur a thiamloh chantir tawh Timothy Mc Corquodale, Johnny L. Johnson, leh David Jarrell te nen Ni 28 July 1980 khan Georgia State Prison, Reidsville atangin an tlan chhuak a. Tihhlum tur a chungthu rel tawh tlanchhuak hmasa ber Georgia chhinchhiahna ah anni nghe nghe a. An zalenna chu an chen thiam lo deuh nge Gregg chu Bar ah Zu a rui a, Bar nghaktu hmeichhia chu kut thawh meuh a a fiam avangin buaina a chhuak a. An vaw hlum der mai a ni.A Luck lo ve khawp mai.

.

## Kum 2012 khan John Canning leh Frances Canning te chu Manchester Town Hall ah an Innei a. An inneihna lawmpui tur hian Fiamthu deuh hlekin Queen Elizabeth II kha an sawm a. Alo awm remchang hnai bawk nen Queen Elizabeth II leh Prince Phillip chuan an inneih lawmna ah an va telpui a. Mopa leh Monu hian Inneih thutiam an lak zawh hnuah chauh Queen a tel ve tih hi an hre nghe nghe a ni. He nu hi a fel ve hrim hrim kan ti dawn nge a zau kan ti zawk dawn Nikum 2019 September thla khan American khualzin ho Scotland rama Balmoral Castle tlawhtute Pitarte satliah anga incheiin alo tihder (prank) chiam tawh bawk a ni. Hetih lai hian Kum 93 mi a ni nghe nghe...!!

.

## Atlantic Ocean a cheng sangha pakhat chu a nal zer zuar vangte pawh a ni a nge Slippery Dick tiin an vuah leh tlat mai a, Heng sangha ho hi cm 35 dawn a lian te an ni ve thei a, A Biological hming chu Halichoeres bivittatus a ni.

.

## Egypt lal Pharaoh hnuhnung ber Cleopatra kha Egypt mi leh sa a ni lo hrim hrim a, Greek lammi daih a ni. He nu thih hnu atang hian Egypt pawh hi Rom lalram khan a awp zui ve nghal bawk a ni.

.

## Heroin hi a nihna takah chuan Morphine addict ho enkawlna atana siam a ni a, Damdawi chak tak chu an ni ve ve a ni.

.

## Adolf Hitler kha a naupan lai zawng chuan Puithiam nih tum ngar ngar thin a ni a. A pa khan a vaw nasa thei hle mai a, a nu Kiara kha achhantu ber a ni nghe nghe thin a. Kum 1897 leh 1898 lai vel te kha chuan naupang fel tak niin Zai te a zir a, an Biak In zaipawlah te pawh a telve zak zak hman a ni. Kum 1939 khan Noble Peace Price dawng thei tur zinga thlanchhuah ah te khan  atel nghe nghe a ni.

.

## Saddam Hussein kha suaksual viau mahse Hmangaihna lam thawnthu (Romantic Novel) "Zabiba and the King" tih kha a ziak ve tlat mai a. He lehkhabu hi 1,500 Iraqi dinars zet nimahse US Dollar 1 pawh tling lo a ni. A hunlai chuan Iraq a lehkhabu hralh tla ber a ni ve nghe nghe a ni.

.

## Zaithiam hmingthang leh Hmeltha bawk si, "King of Rock and Roll" an tih ngat Elvis Presley khan hla 18 ngawt No. 1 ni thei a nei a. Grammy Awards dawng thei zingah pawh vawi 14 zet thlan ni tawhin, Grammy Awards pawh 3 ngawt ala tawh a ni. Mahse a A Grammy Awards lakna te hi Pathian hla vek a ni tlat thung a ni.!!

.

## The Golden Gate lei hi Khawvela Hrui hmanga lei (Cable Bridge) dawh sei ber a ni. Heta an hrui hman zawng zawng hian khawvel hi a lai kiar lai (Equator) ah vawithum a vet kual thei tur a ngaih a ni...!! He Lei hi Engineer Company lar tak John Roebling and Sons kut chhuak a ni.

.

## Hindenburg airship hi Hydrogen boruak alh duh lutuk tak mai Feet 1 bial hlir maktaduai 7 ham puar hmanga thlawk a ni a. A chhunga chuangte tan meizial zukna tur pindan anei leh tlat tho a ni.

.

## Trump khan A ram ri hung a tum thu a tlangau pui kha kan hre theuh anga. He ram ri hung thawktu Company hian US Dollar Maktaduai nga, Dan lo a US a pem te, he hnathawk tur a a chhawr avang hian an chawi (fine) leh tlat bawk a,Buaithlak ang reng tak a ni.

.

## India leh Bangladesh hian hman deuh khan Bay of Bengal ah khuan thliarkar inchuh an nei ve a. India in New Moore Island tia an koh, Bangladesh hovin South Talpatti an tih bawk chu a ni. Kum 2010 hmalam kha chuan an lo inchuh ve deuh rap rap thin a. Mahse Khawvel lum zelin tuifinriat chim chin a ti sang zel a, tunah chuan inchuh buai tur pawh awm lovin tuifinriat hnuaiah a pil daih tawh a ni.

.

## Beaked Sea Snake (Beaked Tuipui rul..??), yellow-bellied sea snake (Hydrophis platurus) an tih bawk chu Rul tûr chak ber te zing a mi a ni a, A tur farkhat lek hian mipuitling pathum ngawt a tihlum thei a ni...!! 

.

## Sazu hi rannung dam khawchhuak thei tur a insiam danglam chak ber pawl anni ngei ang. Mihring ten Tûr hmangin kan hrai nasa hle mai a. Chu chuan tunah hian Sazu te hi Tûr naran mai mai an thihpui thei tawh lo a ni ber mai a. A nihna takah chuan Sanghawngsei ai pawhin tui tel lo pawhin an damrei thei zawk tawh a ni.

.

## 1967 kum khan Nigeria ramah chuan tualchhung buaina (Civil War) nasa leh rapthlak tak mai a thleng a. Mahse chu tualchhung buaina chu Ni 2 chhung lungrual takin chawlh lailawk a ni a. A chhan pawh an ramah Pele in exhibition match a neih dawn vang a ni. 

.

## Mathematician Paul Erdos kha a thluak a tha ûchuak leh khawp mai a. Kum 4 mi a nih in Mi tu in emaw an kum zat hrilh se Second engzata upa nge tih a chhutchhuak zung zung thei a. He Hungarian pa hi a pui ve hrim hrim,a thih hma lawk darkar tlemte te khan Warsaw a Mathematician rual inhmukhawmin a Geometry chawhchhuah tur an chhawpchhuah te kha ala chawkchhuak thei tlat a ni. Kum 83 mi niin Kum 1996 khan Poland a Warsaw ah a thi a ni.

.

## Holly wood starring Fast and furius film leh film hrang hrang a hnehsawh tak a Car khalh vel thin Paul Walker kha Kum 2013 a car accident avanga a thih atanga Darkar 24 chhung khan a car 30 chuang chu warehouse atanga ruk chhuah a ni.Car chu a duh tam ve khawp mai..!!

.

## Virginia State ah chuan Sunday hian sa pêl tur a chhuah khap tlat a ni a. Mahse Raccon erawh Sunday tlai dar 2 thleng pêl erawh an phal thung a ni.

.

## Kum 1700 lai vel a London hmeichhia panga zinga pakhat zel kha chu Nawhchizuar ang an ni a. Hei hi retheih vang leh sum siamna awlsam tak a nih vang pakhat a ni.

.

## Kum 2015 khan CIA Director John Brennan AOL email account chu Naupang kum 15 miin a hack sak leh hmiah mai. A hack tu lah hi an la man lo zui a, naupang kum 15 (teenager) mi a ni tih chauh an hria a ni. AOL company lamah hian John Brennan phone number hmangin password rest alo va dil niawm tak a ni.

.

## Unsinkable Sam chu zawhte pakhat hming a ni a, a zawhte hming tak tak phei chu hriat a ni lo. Indopui 2-na lai khan German indo lawng Bismarck ah vulh tan a ni a. British ho lawng Destroyer, HMS Cossack in Bismarck lawng a tihchhiat khan he zawhte hi chhanchhuah zingah a tel hlauh mai a; Oscar tiin a hming an phuah a. Hei hi 27 May 1941 khan a ni. Hemi kum October 24 chuan HMS Cossack chu Gibraltar thliarkar bulah a hunlaia German tuihnuailawng lar zet U-563 khan a kap pil veleh thung a. Mi 159 zet thiin engngemaw zat nungdamin Gibraltar thliarkar an hleuh kai hram a, he zawhte pawh hi a tel leh hram bawk a. Unsinkable Sam tih hming an phuah a HMS Ark Royal lam ah sawn a ni ve a, zawhte hi. A awmna lawng thar hi lawng lian, thlawhna phur thei (Aircraft carrier) chi a ni a. Hei pawh hi German lam bawk chuan U-81 in an rawn kap sil âwng ve leh hlauh mai a. Thi pawh an awm a. Mahse he zawhte hi damchhuak pawlah tangin U.K lamah thawn haw in Belfast a lawngmite chenna hmun ah dah niin hetah hian Kum 1955 khan a thi ta a ni. Indopui 2-na hlimthla tam tak zinga hriatreng tawh turin a lem hi National Maritime Museum, Greenwich ah dah a ni nghe nghe a ni.

.

## Jessica Cox chu hmeichhia kut nei lo a piang a ni a, Kum 1983 khan kut nei lovin alo piang a. Mahse chu chuan piangsual nihna rilru a put tir chuang eih lo. A ke a hmang thiam hle a. Minute khatah word 25 a chhu hman a, Tuihnuai lut chi (Scuba diver) certificate a nei a. A contact lens thlengin a vuah thei. American Taekwondo Association hnuaiah amah ang a Ban nei lo ah black belt hmasa ber a ni a. 2008 khan kut nei lo thlawhtheihna khalh theihna licensed nei hmasa ber a ni bawk a ni.

.

## Sakei hi an hûr lai chuan Ni 2/3 chhung chu nikhat ah vawi 20 atanga 40 dawn te an inpawl thei a ni.

.

## Kum 2016 a Brazil ram hruaitute kha an nawi ve hlawm kan ti dawn nge an kim kan ti zawk dawn ni? Brazil National Legislature 594 te kha an in ang lo hlawm hle mai a. A then tualthat a puhte, a then Drugs tawlhruk ching, a then Football players hlui, Judo champion, A rampum huap a zaithiam a an neih bakah Clown lar ve tak Grumpy te an ni nawk hlawm mai a ni. 

.

## Car chhunga rannung emaw ramsa, tang chhan nan Car darthlalang vuak keh hi Florida ah chuan phal a ni.

.

## Kum 1933 khan Paraguay ah Jose Manuel Riella Kum 103 chuan a hmangaih em em Martina Lopez Kum 99 mi chu nupuiah a nei a. Hemi hma hian lo awmdun ve zuai zuai tawhin Fa pawh 8 lai an nei a. Mahse neih erawh an innei tak tak hlei thei si lo a ni. An inneih hian Tu 50, An khup 2-na 35 leh khup 3-na 20 an nei hman a ni.

.

## Octopus hian ban Pariat a nei a. Kum 2013 khan American chhungkaw pakhat chuan Octopus ban paruk nei an man a, an ei daih lehnghal a ni. Hetiang ang Hexapus (Hexa = 6, Octa = 8) hi Kum 2008 khan Blackpool ah an lo man tawh bawk a, hei hi chu an chhuah leh a ni. He mite pahnih chiah hi Hexapus hmuh record la awmchhun a ni.

.

## Kum 2013 khan PayPal Company hian tihpalh thilthu in Chris Reynolds account ah US Dollar 92,233,720,368,547,800 (Tluklehdingawn hlir Vaibelchhe 92) an thun hem mai a. Reilo te chhung chu Car part vel ebay a hralh thin tupa hi khawvel a mihausa ber a ni ve zuai a nih chu.

.

## Jose Maria Velasco chu Ecuador President atan vawi nga zet thlan tlin a ni a, vawi li zet paihthlak a ni bawk. A hun tam zawk chu Ecuador Tualchhung buaina avang hian a tlanchhia a ni.

.

## Dr. James Barry chu British Sipai a, mi zai tu ber Surgeon a ni a. Kum 1865 a athih chiah khan hmeichhia a ni tih an hria.

.

## Dubai mi Mohammad Basheer Kum 62 a upa hi a vannei hle mai a. Emirates thlawhtheihna Accident ah achuang a hliam pilh eih pawh nei lovin dam khawchhuak zingah a tel a. An accident atanga Ni 6-na ah Lottery ticket a lei atangin $ Maktaduai khat a man leh zui a ni.

.

## Kum 2015 khan Michigan Doctor pakhat chu a Damlo enkawl lai Cancer vei miah si lo Chemo a khai sak avangin Kum 45 chhung tang turin a chungthu rel sak a ni.

Ole, heti zawng hi duh tawk leh rih phawt ila,a remchan dan angin chhunzawm zel kan tum dawn nia.