Chhul pahnih neihah nau pai ve ve!!?
Jennifer Ashwood (31), Camborne, Cornwall-a mi chuan chhul pahnih neiin a pahnihah chuan nau a pai ve ve a, phir a hring! Doctor te chuan chhul pahnih neih pawh thil vang tak a nih thu sawiin chhul hniha nau pai ve ve phei chu thilmak tak, hmeichhe maktaduai 500-a pakhata thleng ang vel niin an sawi a, chhul pahnih nei te hi khawvel pumah hmeichhe 100 pawh an tling lo vang an ti. Jennifer-in chhul pahnih a neih hi doctor te chuan vawi 20 chuang an 'scan' hnuah an hmu chhuak a, February thla khan chung a chhul pahnihah chuan nau a pai ve ve tih an puang chhunzawm a, thilmak leh vang tak a ni an ti a, a nau pai te chu zai chhuahsakin fapa Piran, 5lb 10oz leh fanu Poppy, 5lb 3oz te a hring ta a ni. Jennifer-i pasal hi Andrew, fireman a ni a, hetia phir an hrin hma hian fanu Millie, tunah kum 8 mi tawh chu an lo nei tawh a, hetih lai hian hetianga chhul pahnih a neih hi hriat chhuah a la ni lo a ni. - Medical Miracle Tlaizawng Pâr