Tlaizawng pâr

Aw Lalpa,kan Lalpa,Lei chung zawng zawngah hian i hming chu a va tha êm! I ropuina chu vân chungahte khian i dah a.Hmêlma leh phuba latu tihdaihna tûrin,Nangmah dotute avângin Nausênte leh hnute hne laite kâa chhuak chuanin chakna i tinghet a.8

Ka zànmu chu ka thangharh hlawl mai a,ka dak chhuak nghal a___ Tukverh dàrthlalangah chuan Thla tla lam tawh èngno nghulh mai chu a rawnin kàp lùt ruih mai a,lunglèn a kàitho duh ngèi mai a! Rei pawh riallo in ka inperh tho a,pwnah ka tlànchhuak nghal thuai a,Pathian thilsiam vàn ropui tak mai chu ka thlír ta vawng² a....! Vànah chuan Arsi maktaduai tèl chu a de tuar mai a,rawng hrang hranga èng sep² chungin vàn boruak zàu tak mai chu an dàp khat tlat mai a...! Khawthlan­g her hret twhah chuan inchhuang leh chapo awm zetin 'Zànlalnù' chu lung ti lèng èm² mai siin a èng paw phùt mai bawk nèn.

Vanram han tih ngawt pawh hian KRISTA ZUITUTE tan chuan enge a nih a chiang nghal viau awm e. Vanram chu thih thlenga rinawm taka Krista zuitute kan thlarau,chatuan atana amah nena kan chawlhna tura Pathianin min buatsaih sak a ni. Vanram ropui leh mawi zia hi mihring finna in a suangtuah phaklo a ni.Kut a sakloh rangkachak leh lunghlu,krustal lung leh lung man tam hrang hranga sak,jaspi leh sardion lung ang mai a êng mawi em em mai leh Ni ai pawha êng ropui zawk a ni ang.Mawi leh ropui em em mai a ni ringawt mai a ni.

Pawltlak thla kanlo chuangkaia,kan ngaihtuahna leh rilru ten Bethlehem lam a hawi leh tanta.Kristiante chuan min chhandamtu lo pian kan lawmna ni,nghakhlel taka kan lo thlir thin 'KRISMAS' kanlo hnaih leh tawh hle a ni. Krismas kan hman hun leh ni te hi khawvel hmun hrang² ah a inanglo leh nuaih anga,kan hman dan pawh a hrang leh nuai ang,state pakhat theuh²a mite pawh kan hmandan chu a inanglo leh dawn a ni.Kan hman hun leh ni inanglo nuai hian rilru ati phir thei lek² maithei a ni;Mahse chuti zawng chuan ngaihtuah lo ila,kan lawmna ni ah hian buailo ang u,kan lawm tur diktak min chhandamtu tura lo pianga chu lawm zawkin atan hian buai zawk ang u.

CHURCH OF NATIVITY 'Isua Krista chu Davida khua Bethlem bawngin ah a lo piang..' tiin kan sawi thin a.Mahse,bawngin a ni ngei tih fiahna a awm lo.Bible-in bâwng inah tiin a sawi lova.Mahse,ran chaw pekna thlenga muttir a nih thu kan hmu a.Kha ran chaw pekna thleng kha eng ran chaw pekna nge kan hre thei lo.Sabengtung chaw pekna a ni mai thei! Tin,AD 150 lai vel khan Justin Martyra chuan Isua chu puka piang angin a lo sawi a.A dik ngei pawh a rinawm hle a,Hmanlai Bethlehem in tam tak chu Púk behchhana sak a ni hlawm a,tunthleng pawhin anla ching chho zel a ni.Chutiang puk an behchhan chu ran dah nan an hmang thin a ni.Chuvangin Isua Krista pawh hi Pûka piang a nih a rinawm viau a ni.

Alexandrapur atang chuan zan hnih riak zet Bengkhuaia Pasalthate chu an kal leh tawh a,an chau thawkhat tawh hle a.Mahse,an hlawhtlinna chuan an chauh pawh a theihnghilh tir vek a ni.Sap naupang hmeltha tak mai leh sal sawm leh pahnih lai mai an man a,lu vun engemaw zât an hawn bawk a,an hlim tlang hle a ni. A zan thumna tur tlai lam a ni a.Ni chu kawlah aliam dawn suar suar a,pasaltha Chêmchawma chuan tlangvalho hnenah chuan,"Fimkhur takin thing fawm ula,meikhu lo thei ang bera mei chhem tur a ni ngai e,ral ram a ni a,hnung lama mitnei anga awm tur a ni ngai.Tarpilu tharlam dap khwl ula,thosi leh hmite hlauhah atha ngai e.Tin,zanriah kha ren deuhin thlak ang che u,eng chen nge kan thang dawn a hriat siloh a." ati a,chutah tlangval ho chu an phusa ta sang sang a.

Ka pi chu a hmài leh a taksa thenkhat lai vèlte chu a pilh nasa in thisen pawh a chhuak tam hlè a,amah lah chu biak theihloh in a awm reng bawk si a.Kan mang a angin hmanhmawh takin Hospital lam chu kan pan ta nghal chùk chùk a ni...!! Hetia ka pi inhliamna chhan tak hi enge maw kawng zawnga ngaìhtuah chuan a nuihzat thlak letling hial thei awm e!!Mahse,khatia unconsious a awm lai kha chuan nuih chu a za lèm vaklo a ni. Ka pi chuan veng hrana awm ka nutei te chhung chu tlawh tumin auto rickshaw a hmang a,rickshaw pù chuan fiamthu deuhin ka pi hnenah chuan,"Ka pi,ka nam deuh phùt tawh si a,ka accident pui maithei che a nia." a tih chu hlauthawngin rickshaw pawh tiding hman tawhlo in a tlan chaklai chuan a zuang chhuak ta phut mai a nih chu...!!

June thla de tirte la nimahse ruah tui a tam hle twh a,chumi tùk pawh chuan ruah a tla deuh cherh2a,khua a che hlè a,TV enin longchair ah chuan ka tlu zàla,chutih lai chuan komchhak lwkah chuan patling mangang au ruai ruai ka hreta phut mai a,ngaih thlak chian tumin pwnah ka tlan chhuak nghal thuai a. Chupa aùna lam pan chuan mite pwh anlo tlàn ve a,keipwh ka tlan ve ta nghal thuai a.Chutia chhùn pachan laìtaka patling rwl twpa aùta vak mai chu tunge anih kan hria a ni. Pa la valài tak mai a nia,phúngzàwl in a tlufo thin a,hun enge mwti atang khàn khum betin a damlo a.Nupui fanau pwh neilo in a nu leh pa bulah a khwsa a ni.

Ka zàn mu chu dàn pangngai ang bawkin hun ngaite ah chuan ka thangharh leh nge² a.Sana en kher ngailo in zànlài dar 12:00 pèl hret a nileh chiah tawh ngei ang ..!! Ka han harh hlawl chu pangngài tè² in ka zun ,a lo chhuak leh hle tawh mai a,tihdan dang ka la hriatloh avang nge dàn pangngai ang thlap² zèlin,tho chhuak lawk peihlo in ka la ìp lui leh tang² phawt a.Rei erawh ka ìp thei lo!!

Dêngsûrinu pûk hi Serchhip khawhlui(Sailo lal Bengkhuaia hunlaia ankhua) tlâk lam hnuai lawka awm a ni a,athlang lawkah chuan 'Paihte tuikhur' antih chu a awm bawk a,Chutih lai chuan khaw dâi lawk a ni a.Bengkhuaia hunlai atang tawhin he pûk leh tuikhur hian an hming ngai hi anla pu ta ngar ngar a ni. He pûk hi lian lo tak a ni a,lungpui lian deuhte'n ansiam mai a ni a,pûk remlo tak a ni.Han han en thuak chuan pûk ani tih pawh a hriat awm love;Mahse,he pûk te taktê hian 'Huai' nei niin ansawi thin a,a hnu zelah phei chuan Dêngsûrinu(Siklali) thlarau chuan he pûk hi chenchilh zuita niin anngaia,'Dêngsûrinu pûk' tiin ansawi zuita hial a ni.

Zofate'n Social network kan hmelhriat tirhte Frenzo hunlai atang tawha lo uarve em em thin Remkunga chuan Facebook chu nuam ati hle mai a,nupui fanau aneih hnu thleng pawhin ahrat berte zinga mi ala ni fan a,hunawl aneih hlek tawh chuan a fb deuh reng mai thin a ni.Hetiang taka ahrat avang hian chanchinthar leh thil tam tak ahriat phah hle a.Mahse,hengte hi anuam tihchhan takte anni angem? Social networking hi athalo zawng a hman chuan thil pawi tak athleng thei a ni.Remkunga pawhin karloah hmelhriat leh thiantha tak tak a chharthar teuh mai a,chung zinga nula fel leh kawm nuam zet mai nen chuan an inbe nasa thin bik hle a,chu nula chu Zonuni a ni a,Aizawl-a private damdawiin pakhatah nurse hna thawkin akhawsa ve mek a ni.

PAFA PAHNIH : Pu Khara chu afapa nen chauha khawsa anni a.Mizopa ve tak mai anni a,hmanlai Mizo nun mawl mang tê in an nung a,ei leh in tihlohah chuan an hautak lemlo hle a.Khawvel finna in a khawih buai lova,eng dangmah lungkham lovin,khawvela an neih chhun liau liau an In te reuh tê ah chuan lungawi takin an khawsa dun ve rak rak thin a ni. Pu Khara chu putar tawh tak nimahse a thawhrim thinna avangin a kum zát ai mahin alang upa a,a sam leh a khabe hmul tlemte te chu anvar vo tawh a.Pa te takte nimahse a phawkphaw hraw hle thung a.Mihlim kalsual kanti dawn nge mihlim awm tha duhlo kan ti zawk dawn? Kohhran reng reng hi a do tlat mai a,a phur chang changin Pathian thusawiin kawtlaiahte a au leh chiam chiam mai thin a.Tumah erawh chuan an ûksâk ngai lem hlei lova,ani pawhin a sim duh bik chuang heklo!

TLAIZAWNG PAR LEHKHABU, Ruatfeli pa kutchhuak hrang hrang fuankhawmna chu chhiar theih tura peihfel a ni ta e. Thu chi hrang hrang lawrkhawm a ni a,a chhiartuten kan hlawkpui ngei kan beisei tlat a ni. Ka lawm e

Pafa niawm tak pahnih chu In pakhat tualzawlah chuan an infiam a,an hlim em em mai a.Pakhat chu patling satha tak leh zahawm tak hmelpu a ni a,a fanu niawm tak chu kum 4/5 mi lek tur a ni a,chupa kiangah chuan hlim em em in a nui her her reng a,chupa pawh chuan alawm thiam hle niin alang bawk a. Chumite chu James Winchester-te pafa anni a.Pafa inngai tak anni a,annu'n(Mary nu)a boral san hnuah phei chuan an inngaina zual hle a ni. James hi Britain(U.K) rama Scotland hmar lama khaw pakhat 'Elgin' antih hmun a pianga seilian a ni a.Kum 1858 khan East India Company hnuaiah Plantation Overseer hnathwk turin India ramah alo lût a.Silcharah thuin Cachar districtah chuan mi tam tak ruaiin Thingpui huan asiam teuha,a huante chu Sakawrin a fang thin a.

Kum 2013 chu kan hmangral leh tep a ni tawh a,Dec.ni 21,inrinni a ni a,mitin mai chu Krismas lo thleng mai tur avang chuan mahni buai2 in kan buai tlang hle hlawm a.Kumpui lingleta kanlo nghahfak Krismas chu buaipui tham a ni reng a ni! Mi te chu thilthar duhzawng zawngin bazar ah chuan an insul pel zut2 a.Chutih lai chuan keini chhungkua pawh Pu-te khaw lama Mas hman tum kannih avangin kan kalna tur Sumo kan nghakve mek bawk a.

August thla vanglai tak a ni a,ruah a sur hlek tawh chuan khawpui a ri nghal dur² zel mai a.Chumi zan pawh chuan ruah a sùr nasain tèk a tla nasa hle mai a.Pa derdep deuh tan a awm nawm lohna rum² hial tur khawpin thli lah chu a thaw tel vùk² reng mai bawk nen,khaw awmdan chu a nuamlo a,mut a chawh riau mai a,hma tawk takah chuan ka mu ta daih a. Lungphu lam thalo tan phei chuan hlauh thawn awm tur hial khawpa ringin tèk chu a rawn tla ri leh rum² mai a.Chu chuan chiang mangkheng in minti harh hlawl niin ka hria..!

CHÛNNU,KA NGAI EM MAI CHE.' "Ka nu hmangaihna puan ang chullo, Biahzai nema kan rùn chhung a, Hlim leh lawma nau ang nuihlai ni, Ka nghilh lawng fam chan hma chuan." "Chûnnu nang tello chuan, Laitual kan pâr mawi hian, Bahlai ka nèmlai puan iangin, A chul zo ta."