Tlaizawng pâr

*1. LIRNGHING:* - May 20, 1202: East Mediterranean. Mihring Nuai 11 velin nunna an chan. - Feb 2, 1556: Shenshi, China. Mihring Nuai 8 zetin nunna an chan. - Oct 11, 1737. Calcutta, India. Mihring Nuai 3 velin nunna an chan. - July 28, 1976. Tangshan, China. Mihring Nuai 2.4 in nunna an chan. - Jan 12, 2010. Haiti. Mihring Nuai 2.3 velin nunna an chan. - May 22, 1927. NanShan, China. Mihring Nuai 2 velin nunna an chan. .

@. Kum 1951 khan English hmeichhe 2 hi France ram a khaw pakhat Dieppe bul lawkah Holiday hmangin an kal a. Tuk khat chu zingkarah hian an hmuh theih si lohin darkar 3 zet chu Indo ri an hria a. Dieppe khaw chung zawn velah chuan Silai leh bomb puak ri chawl lovin a ri zawih zawih mai a ni. Mak tiin a tak hmuh tumin an hawi kual a, hmuh theih si lohin darkar 3 chhung zet thawm an ngaithla. Hlauthawng chungchungin Dieppe an va thleng a, engmah boruak danglam a lo awm si lo. An thil hriat an sawi chuan khaw mite chuan kum 9 vel kal ta a Indopui 2 na thlen laia British hovin Dieppe khua an beih thawm ni ngeiin an hria a. Kum 9 hnu ah Indo thawm chu a rawn inlar nawn leh ni ah an ngai ta thlap a ni. .

Lirnghing tûr hriat theihna tûra duan application chuan khawvel pum huapin lirnghing 400 dawn a hril lâwk tawh. Lirnghing hriat lâwk theihna tura mi thiamte’n kumin kum tira an duan smartphone application hmangin hlawhtling takin lirnghing 400 dawn lai hriat a ni tawh. He application ‘MyShake app’ hi lir a nghin hmaa he phone hmangtute’n an lo hriata an lo inralrin theihna tura University of California, Berkeley hmuna mi thiamte duan a ni a. Smartphone-a thil che vel mantu chu lirnghingin lei a tihchet man theia duan a ni a, chuta a thil man chu seismological laboratory-ah a thawn let leh țhin a ni.