Tlaizawngpar

“The Sleeping Prophet” 💠 Mizote hian tawngtai damthei te, tihdam theihna nei te hi kan ngaisang in kan pan nasa thin hle mai a. Dam pui a mual mual tawk lah kan tam bawk. Chutih lai erawh chuan dam hlen pui hmak erawh sawi tur kan tam lem lo. Mithiam te chuan mihring hi kan hriselna hi kan ngaihtuahna hian 75% vel chu a thunun a. Mi in damlo na dawn tlat a a inhriat chuan an na mai a, tin an natna atanga dam dawn tlata an inngaih tlat chuan an dam ve hmak thei ani an ti. Tawngtai damthei/ tihdam theihna nei chungchangah pawh hian mi in dam pui dawna a inngaihna hian awmzia thui tak anei ani an ti bawk. Chutih lai vek chuan Pathian hnathawh a taka a rawn lanchhuahna tamtak a awm ve tho bawk tih pawh kan hriat tel a that rual in, kan pathian hian kan taksa natna ata min tihdam ngawr ngawr hi a tum ber ani lo tih pawh hi kan hriat tel a tha a, taksa damna lam aiin thlarau lam damna hi a tum ber ani zawk a, kan thlarau damna tur anih chuan kan taksa a nat hi chu a phal ani tih pawh kan hr...

💠 Dale Shroeder hi 2005 khan a thi tawh a, Iowa(US) a awm niin Mistiri (Carpenter) tia hriat lar a ni. Nupui fanau leh chhung hnaivai tak sawi tur a nei lova, a thih hma lawk khan a Bank Account ah US $ 3 Million zet a nei reng mai!! Dale Schroeder A hre chiangte sawi danin Dale hi Company ngaiah kum 67 chhung teh meuh Carpenter hna a thawk a, nitin hna a thawk a, a thawkrim em em a ni tawp mai. Company hna a zawhin hnathawh a bansan chuang lo, a inrenin a khawsa hautak lo hle bawk niin an sawi. Lehkha thiamlo niin Jeans Kekawr pahnih, Biak ina hak leh hnathawhnaa hak tur chauh a nei niin an sawi. A sum khawlte chu ama duh ang ngeiin a chenna Iowa hmuna zirna sang zawk zir tum khawsak harsa mi 33 tan an hmang ta a ni. Heng zirlai te hi Doctor, Engineer, Therapist leh Zirtirtu nih tum an ni hlawm a ni. A hmelhriat ngai reng reng loh zirna a tum sak zirlai mi 33 te chu ‘Dale’s Kids’ vuah a ni. Kirα Conrαd nen Heng zirlaite hi tun thla tir mai khan amah zahna lantirin a chenna hmunah an ...

(Pasaltha Vana Pa te thiltawn Mak!) 💠 Vanhnuailiana khua Tualte In sang Lal In a dung hlam za sawmnga a sei, a vang hlam sawmhniha lian leh Tualte khaw Zawlbuk pathum lai mai chu Tualte khua-ah chuan a langsar lurh mai a. Lal In leh Zawlbuk kûl run mai chuan Tualte khua chu arpui-in a no a awp ang mai hian a uap khup hian a lang a. Thing leh raw innawh lai tih takah chu’ng hun lai chuan ral a ti-in tuichawi leh thingphurh ilo fahranah pawh ralmuang lo reng rengin hmeichhiate’n an hun an hmang a, Vanhnuailiana’n khawchhak pawih ral lakah do a lak lai a ni a, rawlrala che te an hlauhawm em em mai a, nunau pawh zuah loa an lu lak an chin avangin pasaltha ngah khua an bawh ruih ruih a, Vanhnuailiana khua-ah chuan pasaltha hmingthang tak tak, Zampuimanga te, Vanapa te, Chawngduma Tlau te, Zabiaka te leh pasaltha dang ral sam kuai pha chin ngat pawh an tam avangin khua pawh a ngah chak hle a, Awnnu atanga Tualte a kai meuh chuan In sang chuang an kai der tawh a ni. Tualte atangin Lungdup ka...

Ziak tu: Lalthamawia Leiri Hmar Nunnem Didiki hi hmeichhe fel tak,zakzum leh ngawichawi tak mai ani a.Chhungkaw khawsak harsa ve tak,Pu Kapa leh Pi Sangi te fa neihchhun ani.Pu Kapa hi Manipur lam atanga hnathawh tur zawnga lokal ani.Ti chuan,hmeichhe baihvai ve tak mai Pi Sangi nen hian intawng in an innei ta a.Nupa hlimtak ni in fa duhawm tak mai annei ta a.Mahse thla khat em pawh ala ral hma chuan Pu Kapa chu ahnathawhna hmunah chesualina boral ta hlauh mai a.Nufa khawngaihthlak tak chu an va ni em! Nausen thlakhat pawh la tling lo pawm tan chuan ei han dap ngaihna reng reng a awm lo.Khawtlangin theih tawp chhuahin an chhawmdawl a.Hun engamaw chen chu an thenawmte chuan awmpuiin an enkawla.Tiang reng reng chuan kum1 alo vei ta reng mai.Pi Sangi paw'n hna te athawk ve leh thei tawh bawk a.Anmahni in ah chuan awm hran tumin an in senglut ve leh ta rawih a.Mi khawngaih ahlawh a,inhlawhna mai bakah thilpek pawh an dawng ve reng mai. Kum 8 alo liamhnu chuan a hriselna chu atha lo tan...

C. Lalnunchanga Taitea   March 5, 2012 Ka pu kha pa huaisen tak mai a ni a. Kan rama Pathian thu âwih an tam hle hnu thleng pawh khân hmânlai puithûna khân Mizote hi min chiah rei hle a. Thing lu bûl leh sih leh eng eng emaw awmna ram tuk ngam loh kha an nei rei fe a ni ang. Ka pu khân Mat kam, Chawm phai an tih mi tuk ngam loh ram, ramhuai awmna an tih chu lovah a vât darh a. Ani hnên atanga kan thu hriat kha chu, “Ramhuai a awm lo,” tih a ni tawp mai. Kei pawh hi hman laia kan pi leh pute’n ramhuai an sawi thin leh, lasi tih vêl âwih lêm lo ka ni a; mahse, eng nge a nih hriat thiam loh chu ka nei ve nual mai. Kan naupan lai, kum 1982 bâwr vêl kha a ni. Serchhipa kan chhûng Machhuana chu an leileta riak tûrin Inrinni chawhnu lamah a chhuak a. Amah chu pa ngêng ve tak mai a ni a. Chutia leilet pana a kal lai chuan kawng chhak atangin, “Machhuan,” tia amah ko ri a hria a. A ding a, a han ngaithla a, an rawn ko nawn leh a, a hlau va, a haw leh ta a. In a thlen chuan a han inngai...

Ramhuai chungchang hi khawvel hnamtin mai hian sawi tur kan nei theuh hlawm awm e. Heng khawvel hmun hrang hrang a ramhuai an hmuh dan te leh an ngaihdan te hi rawn sawi ka tum a ni lemlova. Kan Mizo pi leh pu ten engtinnge ramhuai hi an lo hriat dan thin hi mi hrang hrang sawi ka lo hriat ve dan atang te leh keimah in ka lo hriat ve dan atang te a rawn lakhawm in thangthar ten kan pi leh pu te ramhuai lo hriat dan kan hriat chian ve deuh theih nan ka rawn sawi ve dawn a ni. Ramhuai te hi an awm lo tih ngawt theih a ni lova, tun thlengin kan ramah leh khawvel hmun dang dangah an la hmu reng a, tin, kan Bible ngei pawhin an awm zia chu chiang takin a sawi bawk a ni. Kan pi leh pute kha ramhuai bia, thingbul lungbul bia hi kan ti fo mai a. Hei hi a dik hlel ve deuh hlekin ka hre ve thin a. Kan pi leh pu te khan ramhuai hi sual deuh leh tha deuh te,hlauhawm deuh leh hlauhawm lo deuh te awmin an hre thin a. A sual deuh mihring tihnat ching nia an hriat deuhte chu an mahni tihlungawi nan in...

By - Andy K. Zarzoliana  Thil mak leh danglam hlauhawm deuh roh an sawi zinga ka hriat chhuah ve ziah chu, chhawihfá an tih hi ani. Ka la hmuve lova, ka hmuhchak zingah pawh a tel lemlo. mahse, hmutu an awm ve thin miau si a, a hmutute sawi dan pawh a in persan lo thin khawp mai. Tunhma ngaihdanah chuan mi a damloh va aboral dawn hian a thla chu, achhip atang a chhuaka;tin, khum lulam zawh in tungchaw ah a chho va tichuan khanchhuk atang Di'thlifarfem lam atang a thlarau chuan thlanmual lam a pan ta vung vung mai a,,,an ti thina, tunlai ngaihdan nen in zulzui chiah tawhlo mahse, alo nih palha a tak te anih ngai chuan rapawm duh viau ang. Kan mihriatchian tak pakhat, Pivel-in a nu nulatlai vela a awmdan a sawi,ka hrechhuak zawk thin a,a NU in ti hian a hrilh a. Kan tleirawl chhuahtirh hian kan khawdai leh veng hmawr a tang khawthimhlim ah te thil engtak ball tiah veltur a lian hi thlanmual lam pan hian a thlawk zuai zuai thin a. a then chuan kan hlau a kan rak chul thin a,kan hmuh a...

By - Sang Sang Pachuau K a tawn ve ngei ka rawn post ve ange. Kum 2003 eng thla nge ka hre chiah tawh lo, Champhai atangin Aizawl kan haw a.  Zan dar 6 velah Champhai atangin kan chhuak a, chhugte nen hlim tak leh inngai tak chungin kan in thlah liam ta a. Dar 8 a la ri lo deuhin ka hria, Tuipui kan thlen khan kapi te Inah kan lut kawi a, thingpuite kan in a. Duh ai khan kan lo titi tui deuh aniang, an In atanga kan chhuaka kan tlân leh chu zinglam dar 1 velah chuan Khawzawl leh Kawlkulh inkarah kan la tlan mek chauh a.  Kawlkulh thlen hmaah hian Lei zawh tur a awm a, chumi thlen thlak hma deuh, killometre 6 velin lei chu kan hnaih thla tawh ang tih ah hian kawng kawikual ve deuh hi a lo awm a. Chumi thlang kawng zâl lai deuh kan zu thlen thlâk chiah chuan kan hma, motor light-ina a chhun phâk tawk chiah ah hian kawrvar hâ kal hi kan va hmu ta phut mai a. Light kan 'dim' pawhin chutiang bawk chuan a awm ta reng a, kan hlau ve ta deuh a. Kei phei chu ka hmulthi a ding vek a, ka...

*Rca Hauhulh* Ka thil tawn pa khat kan share lawk ang e, hlauh awm in ti lo mai thei thuziah thiam tak nih a han sep kual vel ka chak hle mai, mahse a nih na ang2 in kan ziak ve leh tawp ang e. Kum 1993 vel kha ni in ka hria.rawlthar thaza zek zawk ka ni tawh.  Lungsen khua kan awmlai a ni a, khaw luh hma hian PWD complex a awma.sava te hi an tam khawp mai sairawkherh hian sava te chu ka veh thrina thang chep te sahdal te pawh ka kam in ka awk ve fo mai kan awm na hi police veng ania rual pui kawm tur awm velo chu mahni in ram te chu ka kal ve mai thrin, nghakuai te khai in chak ai te pawh ka khawrh ve thrin,trum khat ka ram kal haw chuan vazar rual kawng sir a awm kawng kan tum hi ka um a,PWD complex dai vel ah chuan ka um zela chuan vazar pakhat hi chhohe kung a mi chu ka perh tla a,phur deuh in ka zawng nghal a mahse a lo la nung ni in ka um leh ta. Rei vak lo ah chuan ka perh hlum thei ta, mau hmun ah chuan ka ho chho ta.ka kal zawng chuan uih rim ka hreta ka hnar chu len in ri...

(June 25, 2025  Zozam) - K. Hmingthanfala 💥 Kum 1981 July ni 7-a Mizoram State Transport ( MST) Bus ZRX 82 Kawnpui daia accident chungchang kha, kha accident-naa tel ve leh tel ve lote ziah chhiar tur leh ngaihthlak tur engemawzat a awm tawh nachungin, kei, khata tel ve lo, mahse, tel ve teuh ther ther tak hian, keima lam kaihhnawih tlem leh a behbawm ho te te ka’n sawi ve ange. Tunhma, 1980/81 vel khan Shillong-a Mizo zirlai exam zote khan haw nan Mizoram Sawrkarah MST bus dil chang an nei thin. Zirlai lo te pawhin kan chhawr tangkai thin. Kha bus ZRX 82 pawh kha Post graduate zirlai exam zote chah a ni. A hma daih atangin a lo kal dawn tih Shillong atangin kan lo hre tawh. Kha bus accident-a boral ve ta, kan veng Venghlui tlangval lian thelhthawlh Lalthangvunga nen a hmain Shillongah kan inhmu a. Keiin, ‘ Naktukah ka chho lawk dawn a, in exam zo tawh tho si a, chho rual ang hmiang’ ka ti a. Ani’n, ” MST bus lo kal tur kha ka nghak deuh a” a ti. Keiin, ‘ Kei pawh kha bus-a lo chh...