Keima tawn ngei!

By - Sang Sang Pachuau

Ka tawn ve ngei ka rawn post ve ange. Kum 2003 eng thla nge ka hre chiah tawh lo, Champhai atangin Aizawl kan haw a. 

Zan dar 6 velah Champhai atangin kan chhuak a, chhugte nen hlim tak leh inngai tak chungin kan in thlah liam ta a. Dar 8 a la ri lo deuhin ka hria, Tuipui kan thlen khan kapi te Inah kan lut kawi a, thingpuite kan in a. Duh ai khan kan lo titi tui deuh aniang, an In atanga kan chhuaka kan tlân leh chu zinglam dar 1 velah chuan Khawzawl leh Kawlkulh inkarah kan la tlan mek chauh a. 

Kawlkulh thlen hmaah hian Lei zawh tur a awm a, chumi thlen thlak hma deuh, killometre 6 velin lei chu kan hnaih thla tawh ang tih ah hian kawng kawikual ve deuh hi a lo awm a. Chumi thlang kawng zâl lai deuh kan zu thlen thlâk chiah chuan kan hma, motor light-ina a chhun phâk tawk chiah ah hian kawrvar hâ kal hi kan va hmu ta phut mai a. Light kan 'dim' pawhin chutiang bawk chuan a awm ta reng a, kan hlau ve ta deuh a. Kei phei chu ka hmulthi a ding vek a, ka chhungte dang kha engtinnge an awm ve chu ka hre lo. A hmel, a ke, a kut engmah a hmuhtheih bawk si loh a, tlân chak lahin light chhun phâk tawk ah chiah a kal zel bawk si, a nuam lo duh khawp mai. 

KM 3 vel zet chutianga kan inzui hnu chuan kawngkual ah hian a ngîl-in a kal thla ka ti dawn nge a chhuk ka ti dawn, a liamna lai kan thlen chuan kawngthlang lampang chu a hawi pawh kan hawithla ngam lo a, taksa chu a mûr ve duh raih raih khawp mai. 

Tuna ka rawn ziah pawh hian ka la tim ve deuh det mawle!