Didiki Thlâ

Ziak tu: Lalthamawia Leiri Hmar Nunnem

Didiki hi hmeichhe fel tak,zakzum leh ngawichawi tak mai ani a.Chhungkaw khawsak harsa ve tak,Pu Kapa leh Pi Sangi te fa neihchhun ani.Pu Kapa hi Manipur lam atanga hnathawh tur zawnga lokal ani.Ti chuan,hmeichhe baihvai ve tak mai Pi Sangi nen hian intawng in an innei ta a.Nupa hlimtak ni in fa duhawm tak mai annei ta a.Mahse thla khat em pawh ala ral hma chuan Pu Kapa chu ahnathawhna hmunah chesualina boral ta hlauh mai a.Nufa khawngaihthlak tak chu an va ni em!

Nausen thlakhat pawh la tling lo pawm tan chuan ei han dap ngaihna reng reng a awm lo.Khawtlangin theih tawp chhuahin an chhawmdawl a.Hun engamaw chen chu an thenawmte chuan awmpuiin an enkawla.Tiang reng reng chuan kum1 alo vei ta reng mai.Pi Sangi paw'n hna te athawk ve leh thei tawh bawk a.Anmahni in ah chuan awm hran tumin an in senglut ve leh ta rawih a.Mi khawngaih ahlawh a,inhlawhna mai bakah thilpek pawh an dawng ve reng mai.

Kum 8 alo liamhnu chuan a hriselna chu atha lo tan a.Thla1 chuang zet khumbeta anat hnu chuan ataksa in atlin talo a.A fanu hmangaih em em,amah anga baihvai taka a awmtur chu phallo in kalsan hreh hle mahse tihtheih anei tawh lo.Aw! Hringnun hi anun ava rawng ngai em!

'A nu,a pa..In fanu hi engtinnge ka awm ang,zanah khawiah nge ka mut ang?Min kuahluma min duat tu tur an awm tawh dawn lo asin! Ka sual vang ami min kalsan, mahse,ifel min tih thin kha Nu.! Lo tho leh rawh,tinge tia'ng hian i awm? 'Ngaiin tapin au lawm lawm thin mahse he khawvel nunrawngah hian chhanna ahmu tawh dawnsi lo.Ava lainatawm tak em!

Naupang khawngaihthlak enkawltu neilo chu,an thenawma Pu Rama te chuan an awmpui ta a.Duat tak maiin,an fate nen an enhrang ngailo.

Kum 1 hnuah chuan Pu Rama te chuan mikhual an nei ta tlat mai.An zinga pa1 chuan,Pi Sangi (Didiki nu) nen a an inlaichin dan chu sawiin Didiki pawh chu an tunu anih thu te,an hnena awm tur leh anmawhphurhna anih thu asawi a.Anihna takah chuan an inlaichin dan hi ahla tawh angreng a.Pu Rama te nupa pawh chuan an remti vak lo,mahse anni'n chhungkaw lam tanchhanah anhmang si,atawpah chuan 'Didiki thu ni rawh se' anti ta a.

Didiki school bang chu alo haw a,thil awmzia te an han hrilh a.Ani naupang a mai chu ahrilhahai hle mai. 'In thu thu ani mai'.Mikhualpa chuan apu tur anih thu te leh an duat tur thu te chu asawia,thil pawimawh tur hrang hrangte an tifel a.A tuk zingah chuan a pu te hnena awmtur chuan an in hruaichhuak ta a.Darkar 5 motor a an tlan hnu chuan an thleng a.Inchhungah anlut a,akawm rual awm lek hmeichhe naupang hi alo awm ve bawk a.An fela,an duat khawp mai.Ani pawh atlangnel chho ve zel a,a unaunu thar nen pawh chuan an inkawmngeih khawp mai.

Hun alo liam zela,mahse atir angreng chu ani ta lo tawp mai.A nun achep tial tial a,mahnia tah keuh keuh chang atawng ta fo mai.A unaunu anga a en chu hostel ah andah ta daih bawk si a.Inchhung tih tur tul zawng zawng chu akut ani ta vek a.School te chu hankal ve bawk mahse lehkhazirna hun anei manglo.Nitei ti'a akoh mai thin, pasal thena lolet leh chuan athil tih sual chang ran ang mai hian,tih sual hlek aneih chu alo hmu kara ahrawk zuia,kut te hial athlak ta fo mai.

A kum te alo tam ve zel a,a kum 16 atlin ni chiah zingah chuan an hmuzo ta lo a.An zawnan zawn hnu chuan an khaw dai kham sangtak hnuaiah chuan aruang anhmu ta a.A taksa a sawh chhe nasa hle a.amitmu te pawhakeh hial a.Amaha chesual palh ang in sawi ani.

Awle,a tawngtu te ngeiin min hrilh chu sawi tan ang aw !

A pianna khua,achhuahsan ­ tak a tlangval pa1in atawn min hrilh chu.!

'Thla a eng ruiha,kan tih dan pangaiin thiante nen thlanmualah zu kan in a.Ka intam lemlo mahse damdawi ** hi kan ei tel bawk a kan nawi tlang khawp mai.Mu leh mal ka hre vak lo.Mahni tal tal chuan kan tala,ka rui chatthla chu minlo hawsan vek a.Ka harh chhuah chuan keimah chauhin thlan chungah hian kalo mu renga.Thli athaw heuh heuh a,ka rui buai khan ka kawr te ka lo phelh vek amawni,kawr pawh ka ha lo.A vawt var var khawp mai.

Engtik hun nge pawh ka hrelo,ka la ni deuh chhu bawk a.Haw mai tuma ka ding chiah chu,Pi Sang**i thlan (didiki nu) ah chuan mi thu awm tlatin ka hria a,ka thiante annih ringin 'zu heh ho,haw ang u avawt si' ka ti a.Mahse min chhanglo.Ka la ni deuh chuai bawk nen ka mitvai anih ringin ka mit ka nuaia,mahse ala thu renga,kan kal fo avangin hlauhna pawh ka nei lem lo.Ka va kal hnaia,hmeichhe tap ri ka hre ta a.'Chhungte thi ngaiin atap anih dawn hi' ka ti a.Ka damdawi ruih la reh fello nen inla polite deuhin ka va pana, 'mami,aw,thianu ,i lung ava'n chhe ve,hawh haw tawh anghmiang'.Min chhang lo,atap chu atawp hmak a.

Muangchang hian arawn hawi a.Ka mitvai chuani si lo amaw! Mihring damlai hmel a pu lo,adang vek a,mitmu mumal pawh aneilo.Ka rak nghal tuarh a,ka harh kawk kawk mai.Ka ding khur zawih zawiha.Ka tlan thut a,ding chungin mn lo thlir reng a.

Engtinnge in ka thlen ka hre mumal lo.Kawngka pawh kalhlo in room ah ka tlan lut nghal a. Khua avar har ka ti lutuk.A tukah ka thiante bulah ka sawi a,an awih lutuk lo,irui buai anih chu min tihsak a.Mahse, khatih lai khan khatiang em em a thil hmusual tur khawp chuan ka rui tawh lo, ka hmu chiang lutuk' ati ve tlat.

Hemi zan hi Didiki boral zan kha ani.

Hemi zan vek hian Pu Rama te chhung (anu ina boralsan hnu a enkawltu hmasa zawk te) chu alo tlawh bawk a.

Pu Rama te chhung tawn: Nu ber chuan ti hian asawi a. 'Thla bial zan ani a, a engnuam khawp mai. A tuk chu didiki piancham anih avangin present turte kan lei a. 'Zingah thawhte kan hai palh takin' tiin kan thil thawn tur chu zanah driver hnenah kan va pe a. Khaw kar te ahla a, zinchhuah aharsa bawk si a. Kum 3 lai chu apa nen hian kan hmu tawh lo.

( Didiki hian Pu Rama te nupa hi 'ka nu, ka pa'tiin ako ve mai thin.)

Dar 9:30 velah chuan kan mu a. Chhunlama kachauh deuh avangin ka muhil vat a. ( Hemi zan hian an fanu 'Boihi' chu a pu te in ah ariak a.) Tuitaka ka mu chu minko awm tlatin ka hria a, ka mang hriat deuh ruai a ka harh zui a. Sana ka en a,dar 4:15 am ani. Pawn lamah chuan 'Nu' ti a min ko ri hi ka hria a. 'Boihi hi lo haw atum der amawni ala hma nen' tiin a Pa pawh kaitho lemlo chuan ka thota a. 'Nu,lo hawng teh' kawngka chu arawn sawi ri dawt dawt a. 'Ka lokal, tinge ilo va hawhma ve, khua pawh ala var si lo a.Khatin pawngpaw sawi vak vak suh' ka ti phei mawlh mawlh a.

Mahse kawngka ka thlen dawn hnai chuan Boihi aw a anglo ka ti ta riau mai. Ka tim deuha, ka ding chawt a. Ka din takah chuan thawm chu areh zui ve hmak a, ka hlau rilru khawp mai. 'Boihi, Muanpui' nagmah ami?' Mahse chhanna ka dawng lo. Areh tlawk tlawk mai ani. Mak ka ti hle mai, ka'n pa ka va kaitho a,kan va kal leh chuan kan kawngkapuichu alo inhawng hiau a.Keichuan ka hlau hle tawh. Kan pa chuan misual tu emaw anih ringin, 'mama va ngaihtuah vat rawh' ati a.

Hmanhmawh deuhin kan fapa mutna chu ka pan a,kawngka chu tlem alo inhawng a. Hmanhmawh deuhin ka lut nghal rawk a.

Ka rei maw..! Engthil nge ni ngai? Ka fapa chu khumah tui takin amuhil a, mahse amutna buldawhkanah chuan min hnungchhawn zawngin hmeichhe pa1 sam pheng zet leh thuamhnaw bal hriphrep ha hi alo thu anih chu. Ka au thawt a, chu veleh muangchangin arawn hawi a. nuih ver ver a. 'A ni theilo, enge thil awmzia,enge i tih?' ka ti chul mai a. Min chhan tum niawm taka a awmlai chuan kan pa chu 'enge, enge ?' tiin alo tlanlut a. Ani pawh chu ading chawt a,ka hnawhsak hmak ang mai hian a ngawi hmak mai.

Mihring damlai hmel apu tawh lo a, min hmuh nan mitmu anei tawh lo. Tunge anih hriatheih ani lo a, a cher in a bawrchhawr hle bawk. Kan fapa erawh chu arawn harh reng reng lo, tiang khawpa kan thawm ana chung pawha aharh lo chu thil mak tak ani.

Chu hmeichhe bawrchhawr leh rapawm tak chu ading a, kan fapa mutna ah chuan zuk kun in, abiangah chuan zuk khawih atum a. Chu veleh, 'khawih reng reng suh, kal bo rawh, helaiah rawn tih tur inei lo' tiin kan pa chu a au ta thawt a. Chutah arawn hawi chhuak leh a. 'Aw! Didik ka nau,ka fanu, ava mak ngai ve'. Didiki damlai hmel ngei chu alo lang ta. Tahchhuak em em hmel hi a pu a, mahse ahma boruak khan azir tawh lo. 'Kal borawh, kal bo nghal rawh' tih chu ari zui nghal thawt a.

Chu veleh lungchhiat hmel zet in arawn hawi a. Tukverh chu a inhawng rawp a, abo zui ta daih a. Ka tha akhur zawih zawih a. Ka tlu hnawk a,ka a ruai mai. Ka hriat leh chuan,khumah ka lo mu a. Kan pa leh ka fapa hian minlo hmet nawk nawk a, tui in min dep bawk a. 'Nu, ngatinge ti hian i awm a?' Chu zawhna chu chhan ava har tak em ! A pa chuan 'i tawngvai nasa lutuk a, kan lo en che a, mahse alu ahai thut a atlu anih hi' tiin inthiamloh hmel zet hian minlo chhan sak a. Ni e, chawplehchilha fate hnena dawt chiang lutuk hrilh chu a inthiamawmloh reng ani. Mahse atul tlat si a.

Khua alo var tan a, didiki chungah thil thalo tak athleng anih kan ring ta a. A chhungte chupehhel takin kan va bia a. 'Vawiin a piancham te ani sia khawvar hlim a rawn biak kan duh a.' kan ti a. Phurloh hmel zet in hmeichhe aw chuan 'awle ka'n pe ange !'

Mahse, kan hlauhthawn ang ngeiin biaktur a awm ta lo. A room ah hmuhtur a awm lo. Minute 10 hnu velah min rawn be leh a, a awmna chin anhriatloh thu chu an rawn sawita a.

Insiama kal ve nghal mai kan rilruk a, mahse thingtlang khua kn ni a motor hman mai tur kan hre si lo. Sumo service lah alo full vek tawh si, Kan mangang hle mai. Boihi pawh lo haw phei a,ro han rel dan avang hle mai.Zingdar 5:15 velah chuan chawei dawhkan kil in kan thu bial thap mai a.Kan fate chuan an mumang an sawichhuak ta a.

Kan fapa kum 14 mi chuan ti hian asawia. ' Nu, ka mumangah audidiki chu ka hmu asin,ka mutna bulah hian alo thu a,kan tet laia atih ang khan.Thawnthu min hrilh a,azai ret ret a,anui ver ver a.Mahse a mittui alo tla ta zawih zawih a.A chhan ka zawt a, min hrilhdawn maw ka tia,atho thut a,achhuak daih a.' ati a.

Kan fanu Muanpuii(Bawihi ­) chuan ti hian asawi ve a. 'Keipawh ka hmu alawm,nizan khan 'api' bulah ka mu a.Ka mumangah pawhtiang chiah chuan ka lo mu a.Chuan,ka inlet chu ka bulah hian Didiki alo mu reng a.Min nuih ver ver a,minlo kuah a,ka kuah ve bawk a.

'U,Ka ngai thei lutuk che a,kan tetlaia ingheng riala kan mut thin lai kha ka ngai lutuk,min ngai ve thin ang ti raw ! Ihmaw,tlanboa inbula lo awm leh daih hi ka chak theilutuk,mahse chutiang chu ka ti ngam bawk si lo.In in ah ka lo kala,mahse maw (atap feih feih a), 'apa' in 'chhuak rawh,kal bo nghal rawh' min ti a.U,Nang chuan min hau ve suh aw.Ihmaw minlo hruaitu te kha apu leh api chu anfel ve tho a.Mahse nite'i hian min duat lo lutuk a.U,nagchu awmla min chhan thin ang ti raw !' ati a.A tap hlerh hlerh a.Keipawh ka tap.

'Mate,keipaw'n ka ngai lutuk che,haw tawh lo la kan bulah lo awm leh tawh rawh aw,i birthday present tur pawh lo thawn che kan lo tum asin' ka ti a.A tah chhuak chu a insum thei loa,atap hawm hawm a. 'U,min ngaidam rawh aw,ka dawngthei tawh lo ang' ati a.A tawng hleithei tawh lo. 'Ngatinge mate ?'

'Ihmaw u,ahreawm lutuk a khamsang deuh ah...!'.Atih lai mek in ka phone ri in min ti harh a.A pa phone alo nia,hmanhmawh deuhin kan lo phei a.Chuan tunah ka mumang kha ka rilruah alo awm leh zawk a.' ati a.

Chutia Bawihi'n a mumang asawi takah chuan ka tap lo thei lo. 'Diki,ka nau,ka fanu minlo tlawh animaw,min ngaidam rawh aw! ' Bawihi mumanga asawi zawh hman takloh 'kham sang deuh' tih chu kan rilruah alian ta hle mai a.Kan pa chuan a awmna chhungte chu a va be nghal a. 'In khaw bul velah kham a awm em ? Han en vat teh u' a ti nghal rawt mai a.Mak an rawn ti angreng khawp mai.

A hnu lawkah chuan an khawdai khamah aruang anchhar thu min rawn hrilh ta a.Min rawn be tu chuan mak min rawn tih hmel hle mai.A mak ve reng bawk a.Ti chuan kan harsatna te chu hrethiamin khawtlang hruaituten min buaipuia motor hman tur te chu min zawnhmuh sak ta hlauh a.Kan chhung chuan kan kal ta vek a.Min zuia min kalpuitu an awm ve bawk a.

#Heihi Pu Rama nupui Pi Sawmtluangi'n an chhungkuain an tawn dan asawi ani.

A mah tiduhdaha hreawm taka awmtirtu kha'n engtin tak tawng ve ang maw,?

Khawharin riak tlangvalho paw'n sawi neuh neuh an neia.Tlangval pa1 chuan ti hian asawi a.

A zan1 na ah chuan an chhung zing ami umaengi(Didiki nitei) chu vawi3 lai arawn te thawt thawt a.Kan in en hrek hrek a,mahse thawmdang kan hriat zui loh avangin kan mu tha leh mai a.Zanlai velah chuan ka harh hlawl a,mut dawnacurrent kan off vek chu alo eng ut mai a.An choka hnaih lama mu kan thiante pa2 chu anlo thu a,an tang hru mai a. 'Engemaw anhriat ni ?' ti a ka ngaihtuah lai chuan choka lamah chuan thawm ka hre ve ta a.Harsa deuha thaw hrawp hrawp hi a ang ber,awm ati nuamlo kher mai. Thawm chu areh a,mahse reiloteah pawnlam ah chuan arawn ri leh tan a.In hi atlanhual ni in ka hria. Mahse mihring pangai tan chuan khatianga chak khan atlan theihloh hrim hrim.

Midang ho chu an muhil vek a,keiniho pa3 chu kan phawk hra mai.Chutia atlankual chu ka mutna zawnah tak hian a ding chat a,a thaw halh halh mai a.Ka lu zawna tukverh chu ari rawk rawk a,akalhna chu a inhawng thei mai dawnin ka hria a ka khur hlawk hlawk a.Ka bula mu chu ka kaitho ta ringawt a.Thawm chu areh leh daih si,mahse ka awmdan ahmuh chuan angaih atha ta biklo a.Thil awmdan chu ka hrilh ta vek a.

Thawm a awm leh tak mailoh avang chuan kan mu tha leh ta hlawm a.Mut alo chhuak bawk nen ahnu deuhah chuan ka lo muhil ve sek aniang,chiang deuhin ka harh leh hlawl mai a.Kan mutna lam current chu alo thim leh vek tawh. Choka lam chu a eng ut a,an tuidehna bul tukverh chu ari rawk rawk a,ka in bengkang hret a,mahse parda a inzar avangin enge tih chiah ka va hmu theilo. Tukverh chu a inhawng ta tih hriat tak mai hian parda chu thli in arawn chhem leng ta dar dar a.Thli thaw ri hriattur dang awm silo khati taka parda arawn chhem leng kha mak tak ani.

Parda thli in arawn chhemlen kara ka thil va hmuh chu ka va'n rap em.Tunthleng hian ka mithlaah fiah takin ka la hmu thei.Choka lam current engin achhun phak chinah chuan kanmithi ngei mai didiki chu alo ding a.Amah chu adang vek a,asam athur in a bawrchhawrlutuk.Chutia ka enreng lai chuan amitmu chu hawlhkeh sawk ang mai ani.A mit atang chuan thisen arawn luang chhuak nghal nguai nguai a.Ka rap lutuk,ka bula mu chu ka sawi nawk nawk a.A rawn harh a ' enge enge?'.Ka tawng hleithei lo ka aw a khur dawt dawt a,ka awmah hian min sep lawp lawp ni berin ka hria.Ka thil hmuhna lam chu ka kawk tawp a.

Ani pawn ahmu ve ta.A phu dawrh a,a te thawt a,min rawn nek vak bawk a.Ka lu chu bangah ka tauh ri bur mai a.Chu veleh thli in parda achhemlen chu atla thla a.A lang thei talo.Kan thawmah chuan midang anlo harh a kan awmdan min hmuh chuan an phawk nghal hru mai a.Ka thianpa lah chuan kan thil hmuh chu asawi nghal mawl mawlh mai si.A naupang deuh phei chu antawm nghal chawih chawih mai a.Tuman mut leh zai kan rello,kan thu thap mai a.

A neitute chhung tih harh kan hlau si a,thawm dim deuhin kan zinga pa3 chuan kan thil hmuhna lam chu an va enfiah a.Mahse tukverh pawh chu alo inkalh tha leh thlap bawk si. 'In hmusual a nilo maw' min ti a.Mahse kan hmusual lo,achiang lutuk tlat.

A then chu an mu leh a,mahse a zatve vel chu kan la thu thap mai. Minute 5 vel awrh chauh ala liam ang tih ah chuan umaengi chu arawnrak leh ta chiam mai a.Kan tho vat a,a chhungte anlo tho bawk a.A mutna kan va thleng chu bangkilah hian hmai hupin alo thu khur zawih zawih a.Ka thianpa nen chuan kanin en a,kan ngaihdan chu a in an hmel khawp mai.A hmu ve anih dawn hi tih chu ka pawm thlap mai.

A chhungte chuan, 'enge ni a,lo tho teh' ti a vakaihthawh an tum pawh chuan 'ka duhlo,ka duhlo' ati vak vak ringawt a.Kan lo thlir ve thap ringawt mai.A hnu deuhah chuan arawn hawi chhuak ve ta a,a tap pur mai a.Mahse enge ahmuh chu asawi reng reng lo.Anu leh pa mutna lamah chuan mu turin an inhruai phei ta a.Zan nuamlo tak chu ava ni em ! A then chu an mu leh nghal mai a,mahse ka thianpa leh kan piah ami pa3 nen chu kan mu tawh lo.Kan thu tlaivar thak mai.

Khua alo var a,rilru te pawh a thlamuang leh ta deuh a.Zan lama thil thleng chu alo darh zau hman hle a.Zawhna ka dawng leh nawlh thin,mahse ka chhang tha duh lo.'anti mai mai anih chu' ka ti a.

Ni atla a,mahse zan thla eng chuan arawn chhunzawm ve leh nghal zat a.Hemi zan hian riahluh leh chu ka hreh tawh ngang mai. Riah loh mai te chu ka duh rum rum a,mahse ni theiin ka hre chiah si lo.Phur lo zet chuan ka thianpa chu ka sawm phei pah a,ani chuan chhuanlam siamin riah alo tum ta reng reng lo mai.'Ka riak biklo mai dawn mawni,mahse anmahni chhung pawh ankhawngaihthla ­k alawm le,bakah mipa alawm ka nih' tiin ka intipaukhauh hram hram a.Dar 9:30 velah mu turin khawharin kan riahna lam chu ka pan a.An thenawm hnai,midang haw hnu a awm hnufual deuh mi pa5 vel chu anlo la awm a.Kan mutna pawh anlo phah diam a.Mahse ka hawi kual a,tlangval riak ve tur dang hmel reng reng ka hmu ta lo.Ka rilru anuamlo khawp mai,mahse 'anla rawn haw lo mai mai aniang' tiin ka inhnem a.

An inlengte pawh haw antum ta,la leng reng se ka ti asin mawle.! Mahse anchhuah hma hret chuan khawharina riak ve mi pa5 chu anrawn haw ta hlauh a,ka va'n lawm tak em! An inlengte chuan min hawsan ta a.Keini ho pawh chu kan mu ta thap a,ka mutna bulhnaia mu ve ho kha anla rawn haw ve tlat lo mai.Dar 10 ani tep tawh.

Pawnlamah chuan kal thawm ka hre ta a,kan thiante rawn haw tur anih ringin beisei takin ka lo thlir a.Varanda-a an thingzai chhuat phah chu rah tih hriat tak hian achik tat tat a.Mahse inchhunga rawn lut lo chuan areh lehta daih a.Zep loh chuan ka hlau leh tan der tawh.Ka piah deuha midang mu ve ho lah chuan inlukhupa, anpuansin hnuaiah chuan phone an hmet eng phut phut hlawm a.Engmah an hre ve lo amawni ?

A hnu lawkah chuan thawm arawn awm leh a,midang pa3 an rawn haw leh ta a.Ka bul hnai deuha mu anni bawk a ka thlamuang ve leh ta deuh.'Midang ho chu anrawn riak ngam ta lo aniang' ka ti rilru a.Thawmdang engmah ka hre zui ta lo bawk a,mutduh tih takah ka lo muhil ve leh mai a.

Engamawni hian min ti harh zawk a,ka phoneah chuan dar 1:37 ani. Muthilh leh ka'n tum ngial thin a,mahse ka muhil leh thei ta reng reng lo mai.Ka mengkar mai a,ahma zana ka thil hmuh te chu ka mithlaah arawn lang uih uaih a.Ka mur leh chuaih thin,engtak rawn thleng leh ang maw!

Kawngkapui lamah chuan thawm arawn awmleh ta.An thingzai phah chu achik leh ta tat tat mai. Ka inlukhupa,ka han dakchhuak ngam chiah lo,ka en lo ngam bawk si lo.Zawitea kawngka inhawng chik rat rat chu ka hria a.Ka rizai chu ka mit zawn lek hi ka keu dek dek a,ta tang chuan ngam leh ngamlo in ka han melh tawk tawk a.

Aw..! Ka va han duhlo ber mai em. Ka thlan chu arwn bawl nghal tuam tuam a,ka khur nghal chu ani der mai.Didiki ngei mai kha khama a tlaka a inthuamna ang chiah khan a inthuam a.A kawrfual hak chu a tet hnuang a,thil hnawk eng eng amaw hi a kai nuai bawk a.A hmai chu akak in akhem nuan a,thisen a kawi nuaih bawk a.In chhungah chuan arawn lut ta,mahse a ke in akal reng reng lo.

Chhuat rap deuh tho si hian atawlh ni maiin ka hria,ka en ngam tawh lo.Ka inlukhup a,chet chu sawiloh,thawk pawh ka thaw ngam meuhlo ani ber e.Tiril ah hian ka khur zawih zawih mai ani. An mutna pindan lamah chuan akal pheiin ka hria a,hlau chung chung chuan ka rizai ka keu a ka va bih leh hram a.

Ka rei.! A sam thur leh buarchuar tak chu alo pawtthla tawn tawn a.An mutna pindana aluhdawn chiah chuan ka hlau lutuk chu ka chil lem zawngin ka hrawk lam atangin thawm arawn chhuak ta tlat mai,(arik dan ka ziak thiamlo) chu veleh ading a,ka lam arawn hawia.Uluk zet hian min rawn thlek a,a samzai apawhthlak a kuta ahum nuaih chuan min rawn vawm a.Ka rap lutuk ka inlukhup nghal a,ka hawichhuak ngam tawh lo.A va'n hreawm tak em.

A hnu lawkah chuan umaengi chu arawn au leh ta tuarh mai a.Midang ho pawh anlo harh a,midang thawm ka hriat takah chuan ka dakchhuak ve leh ta a.

Mahse ka thil hmuh chuan min ti phu nasa lutuk. Ka hmaibul lawkah min rawn vawmna samzai kha alo awm nuaih a.Han ngaihtuahla samzai kuta i tham khawm kha han vawm teh,athleng thuilo ngawt ang. Mahse maw,minrawn vawmna kha,kan inkar ah ft.15 vel lai a awm.Thil mak tak ani.

Umaengi chu arawn au leh tuarh a,ari rum rum a,an mutna pindan kawngka chu arawn namhawng thuai a.A hawi a em em a,a meng phawk hru bawk a.Dawih deuh tan chuan ahlauawm thei hialin ka ring. 'Ka duhlo,ka duhlo,kal bo rawh' ati chul a. Amah kal hualtu awm ang mai hian avir zuk zuk a, a tawm leh chawih chawih thin a. Engmah lah chu kan hmu ve si lo.

Kan va pan hnai a,a chhungte anlo tho bawk a.A rak chul mai a,kan han manbet lui a,a zal ta deuh a. Pangai deuhin a awmzui ve leh ta a.

Mahse arei lo,pawnah tlanchhuah atum a, mahse, tlangval riakkhawm kan ni hlauh a achhuah hmain kan manbet leh ta a.Inchug rangva chu chak deuha hmawlha hrut hrawihang mai hian arawn ri tuarh mai. Kan ri deuh hlut hlawm a,hei chu kan vaiin kan hre ta. Kanin en hruk hruk hlawm mai,kan zinga huai zual deuh chuan chem chu an la lawk a,athenin thingfak nen pawnah an tlanchhuaka. Mahse engmah va hmuh annei chuang lo.

Pa ber chuan tap aw lek lek hian. 'Dikte,didik, zah ngai..!' arawn ti chhuak phawng mai a. 'Min ngaidam hram rawh,kan ti diklo ani' ati a. An chunga thil thleng chu achhan ahre chiang hle a ang.

Chuta tang chuan thawmdang kan hre zui ta lo a,umaengi erawh chu a thu ngawi reng a. Aen ngai a en vung vung a,koh pawn mi chhannachang ahre lo. A rawn ding hluai a, min rawn en kual thuak a, atlan leh ta thut mai a. Kan lo inring hman bawk si lo,kawngka chu a su hawng rawk a,kan umzui nghal a. A tlanchak lutuk kha amak..!

A tlanna lam kan hre zui tlat lo,kan insem darha athen kawngah an tlan zui a,athenin inbul vel chu kan zawng kual a. Nakin deuhah chuan anhuan mawng theihai buk hnuaia alo thu chu kan zuk hmu ta a. Hmawlh niawm taka vai lauh lauh hi kan zuk hmu thei a. Hmanhmawh deuhin kan tlan thla a,kan thil zuk hmuh chu ava mak ngai em..!

An vawkchaw hawlhna (thing atanga siam) chuan amah chu alo in vaw pawp pawp mai a. A khup leh a ngal chu alo duk tluk a. Thisen achhuak zawih zawih bawk a. Amah chuan na ati em em bawk si,a thil ken chu kan laksak vat a. A tap zawih zawih a. 'Tinge khatia i tih' min chhang chuang lo a.Kan zawn chho a,khumah kan muttir a. A ke vel chu an hrufaia damdawi te an hnawihsak a. Mut leh lam reng reng alang tawh lo.

Nu ber chuan 'zanina kan thil tawn hi khawngaihin min puanzar sak lo hram ang che'u aw,' tiin min ngen a.Keini ho pawh chu puangzar lo turin kan intiam a. Hemi hnu hi chuan engmah kan hre zui tawh lo.Mahse Umaengi chuan mi pangai a ang zo ta lo a, tawng nachang pawh hrelo in a en ngai a en a athu vung vung ringawt tawh mai ani. A rawn tawng chhuah ve chhunah pawh 'A ZUANGTHLA TA, A BO DAIH' tih vel chu sawitur ahriat chhun ani ta ani.

Puangzar lo turin kan intiam na a,khami zan khan kan thawm hrephak anlo awm a,bakah Umaengi awmdanhian mi ngaih ati thalo bawk si a. Engtin tin amaw hre tawk chu anlo awm leh nual tho mai. Chuan,he thil avanga ka ngaihdan nghet tak chu,' Didiki kha hreawm nasa tak atuar avang a mahni intihlum ani tih hi ka pawm thlap' tiin a sawi a.

#.Awle,he thil thlengah hian hlauhawm leh thlahrang hrim hrim hi ka sawitum leh sawi chhan ani lo a. Mi baihvai leh chanhai te khawngihtu leh hmangaiha enkawltute hlut zia hi zir chhuak ang u. Chubakah chuan, mahni mihringpui te chunga kan thiltihtheihna hman sual hi apawi a,tihduhdahna leh nekchepna nasa tak tuar tute nun hreawmzia leh chumi chuan thil thalo leh pawi zawk ahring chhuak thei tih hi i hre mawlh ang u !!

Hetiang dinhmuna awm mek te kan hria anih chuan chhanchhuak vat ang u.

Mahni mihringpuite hlutna leh zahawmna pawh zahsak theilo tu chu a nun ahlim ngailo anga, engtikniah emaw chuan ama chungah ngei alet hun ala rawn thleng ve ang.!!

(A tawpta)