Midangte tana Hausa DALE SCHROEDER

💠 Dale Shroeder hi 2005 khan a thi tawh a, Iowa(US) a awm niin Mistiri (Carpenter) tia hriat lar a ni. Nupui fanau leh chhung hnaivai tak sawi tur a nei lova, a thih hma lawk khan a Bank Account ah US $ 3 Million zet a nei reng mai!!

Dale Schroeder

A hre chiangte sawi danin Dale hi Company ngaiah kum 67 chhung teh meuh Carpenter hna a thawk a, nitin hna a thawk a, a thawkrim em em a ni tawp mai. Company hna a zawhin hnathawh a bansan chuang lo, a inrenin a khawsa hautak lo hle bawk niin an sawi. Lehkha thiamlo niin Jeans Kekawr pahnih, Biak ina hak leh hnathawhnaa hak tur chauh a nei niin an sawi.

A sum khawlte chu ama duh ang ngeiin a chenna Iowa hmuna zirna sang zawk zir tum khawsak harsa mi 33 tan an hmang ta a ni. Heng zirlai te hi Doctor, Engineer, Therapist leh Zirtirtu nih tum an ni hlawm a ni. A hmelhriat ngai reng reng loh zirna a tum sak zirlai mi 33 te chu ‘Dale’s Kids’ vuah a ni.

Kirα Conrαd nen

Heng zirlaite hi tun thla tir mai khan amah zahna lantirin a chenna hmunah an kalkhawm nghe nghe a ni. An zinga mi Kira Conrad, Therapist ni ta chuan “Ka nu in hmeithaiin unau thum min enkawl a, Therapist nih ka chak, mahse unau thuma in zir puitlin vek chu kan thei dawn lo tih ka chiang hle. A hnu ah ka hriat ngai hauh loh, Pu Dale-a hmangin ka zirna senso tumsak vek ka ni dawn tih ka hriat chuan lawm avangin ka tap a ni” a ti hial a ni.

Loreal Blackett

Loreal Blackett pawh hi a zarah Freelance Journalist, Presenter, Broadcaster niin BBC Radio, Manchester ah Media Publication hna a thawk tel bawk. Dale a ngaihsan zia leh a damkhaw chhuahna a nih zia hnukulh teuhin a sawi ve bawk.

Dale chuan “Rulh let ka ngai lova, kei chu ka awm tawh lovang, mahse ka thil tih min hriat saka, midangte tana in luan chhuah ve zel kha min rulhna ah in ngai dawn nia” a ti. Dale Shroeder chuan inren reng rengin a maktaduai tel chu ama tan pawh hmangtha phal lovin a hmelhriat loh zirlai te damkhaw chhuah nan a hlan ta zawk a ni…

Salute..

Senα Rαlte