SUIHLUNGLEN

Ka zànmu chu ka thangharh hlawl mai a,ka dak chhuak nghal a___

Tukverh dàrthlalangah chuan Thla tla lam tawh èngno nghulh mai chu a rawnin kàp lùt ruih mai a,lunglèn a kàitho duh ngèi mai a!

Rei pawh riallo in ka inperh tho a,pwnah ka tlànchhuak nghal thuai a,Pathian thilsiam vàn ropui tak mai chu ka thlír ta vawng² a....!

Vànah chuan Arsi maktaduai tèl chu a de tuar mai a,rawng hrang hranga èng sep² chungin vàn boruak zàu tak mai chu an dàp khat tlat mai a...!

Khawthlan­g her hret twhah chuan inchhuang leh chapo awm zetin 'Zànlalnù' chu lung ti lèng èm² mai siin a èng paw phùt mai bawk nèn.

A ni..Pathian thilsiam ropui takte la ngaihtuah ngai reng²lo pawhin chumi zàna vàn ropui tak chu thlírve ngat sèla,Pathian ropui zia an hmu chiang leh zual ngei ang le..!Lunglèng èm²a thlìr vawng² chung chuan,

"Chung siàr pawl riai khi lunglènna,

Thlìrve ang maw?an rúnsàng pàrah sial in,

Chhíngmit suihlung rualna thangvàn khi..."

tiin hla chàng khat chu ka chham chhuak ta rawih² a...!

Zàn khawvawt tak hnuaiah chuan thawmhnaw mumal pawh inbel mangloin ka ding reng a ni tih ka hre chhuak a,a vawt ka lo ti èm² mai a lo ni a.Mahni twkah lung a lèng ve èm a,khawvawt pawh kalo hrechang tawhlo a ni,tuman min dem biklo ang..luhlul erawh chhuah ka tum hranlo...!

Mahsela,intih ngèng tlatloh pawh ahar a ni ange___! Inchhung a luhnghal mai ka tum a,a nithei ngang in ka hre leh lova, Vànlaizàwl kài tawh,inthlahlel bìk awm èm² a awm khàwm rial mai 'Siruk' chu ka thlir nawn leh hràm a....!

...

"Siruk vànlaizàwl a thleng ta e,

Lunglèn vànga zàllài rèl theilo vàl hi,

Khua a tlài mai thin e,nang vangin."

tiin ka'n ruahkhum leh phawt a,tichuan luhzài ka rèl theita hràm a ni.

Mut hmun ka remfel chiah tihah chuan 'Khuan hmasa' chu an rawn khuang tan ta thliai thliai a....!

"Thangril àr khuanah ka dàwn senglo,

Ngaih a zùal e,ka lunglam vài e mi û,

Ka dàwn sei ngamlo e kan nun kha..."

tiin hlain ka um zui lehnghal zat a,tláng sèl pawh ka dàwn zolo a ni e!!

Kan In hnuai a 'Kàwlàrpa hluisen' khuan zir tan chauh pawh chu thiamlo zetin a rawn 'pàu' chhuak ve ta ùl úl a,a khuang chuan nuih tiza viau mahse, lunglènna erawh a hnawt bo zo chuanglo a...!

Àr khuang chu an in chhàwn kual thliai thliai hlawm a,an khuang kimta ani ang,an hàn ta duak a,chumi reh lài tak chuhve ni àwm takin vèngchhak lam Uipatuai ni ngèi tur chu a rawn Û ve ta vau vau a,chu takngial pawh chu tuartham a tling em² si a ni...!

"Kei zawng tap rengin ka mawi a ni,

Cho ui lungmawl suihlunglèng mah zàn tlài an,

Di a aù ruai ruai e,pàwn lèrah.."

tiin hla bawkin ka úm zui leh ta lawm lawm mai a.

Puanthuah hnuaiah chuan lunglèngin ka kùk ruih ruihlo chauh a ni,midang dàwnlo lèk a tah hawm hawm maite chu zu chàkawm tlat a mwle!Mahse thil tih chi erawh a ni der silo.Kohkir theih chang silo Hmàn kan suangtuah a,Nunhlui liam tawh hnù dàwnkírin,hlim èm èm a kan hun hman dun laite chu mitthla ah an rawn lang uar uar mai a.'Hmànlài' anla changve mai tur ka dàwnte chuan ka hnuk a ulh teuh mai asin...!!

Chutia inngaihtuah lungleng reng²a hun ka hman mèk lai chuan ka hriatloh karin ka lo chhíng ve a ni chèk ang chu___ka thanharh leh meuh chuan 'Khawfìng' alo chat fel dèr tawh mai a....!

''Ngaihruatin lunglen a hril chang chang si ale...!!''

(PhoeniX)