Hmâi Chanve chauhin min bih!!

_by: Fela pa_

🧟‍♂️ Zankhat chu nula ka rim a,mahni a len nawm tawh zawkna a ni bawk a,dan pangngaiin ka phur leh viau mai a.

Ka thiannu hi a nu nen chauha khawsa anni tawh a,mi khawsa thei ve pangngai tak niin ei leh barah pawh ngaihtuah awmloh tak anni a.An In hi Motor kawngpui sir mai a ding a ni a,lawiluh pawh a remchag hle a ni.

Dar 10:00 pm pelhah pawh chuan kan la inkawm tui khawp mai a,Thla pawh a chhuak fel chauh a,a êng kung mai a,thlang tukverh epchiah chuan kan thu a.

Thla eng rawn inkap lut sung mai ka han thlir thla chu thilmak deuh mai ka hmu ta a ni. Parda inzarlohna lam tukverh sir darthlalangah chuan mihring hmai chanve chauh lang hian minlo thlir reng mai a,Ka tawng chhuak nge chhuaklo pawh ka hrelo..mak ti taka ka en ve reng lai chuan bang phen lamah chuan a pil ta riai riai a,chu chu ka thiannu pawh chuan alo hmu ve reng a ni.

Thlanglam atang chuan engti kawng mahin mihring pangngai tan a lawn theiloh hrim hrim a,bathlarah nise a din theih hekloh,hmai thla lo lang kha mihring hmel ngei chu a ni si a,thla engin a rawn chhun ruih a,a hmel chu chiang takin hmulo mahila a hlimthla chu a fiah em em si a ni.

Ka thiannu chuan A hlau hle tih chu hre mahila mak atilo tih chu ka hrethiam a,a chhan pawh ka zawt ta a, Chu thla lo lang chu a Pa thla anih thu a sawi ta mai a,an hmuh zeuh zeuh thu leh a thawm pawh an hriat fo thin thute chu min hrilh ta vek a,A nu phei chuan a hlau velo a,a be mawlh mawlh thin a ni awm e,amah chuan a pa mahnise a hlau tlat thova,a pa tak tak nilovin Ramhuai mai annih a ring a ni. A thusawi chu mak ka ti hle mai a,ka sawi chhuak anih pawhin hming leh veng chu thup tlat turin min ti a ni.

*©²⁰²³Zotube YT*