The most Haunted Mansion in Shimla

Charleville Havila

- Rinfela pa,Serchhip

🏚️ Charleville Mansion hi kum zabi khat zet a upa tawh In ropui tak mai a ni a,British ten India an awp hunlai daih a sak tawh kha a ni a.A chhan tumàn àn hriat silohvin hun engemaw chhung chu rauhsan lailawk réng a ni thin a,Shimla tlâng mawi tak maiah a ding to lurh mai thin a ni.British Officer Victor Bailey leh a nupui te an chèn atang chiahin he Mansion hi a Hrâng thin ngei tih an hre chiangta a ni.

Charleville Mansion,Shimla

Victor hi kum 1913 khan Assistant Secretary of the Railway atan ruat a ni a, Tichuan,he hmunah hian awmbtura tih niin he Mansion hi a senso lamte a hniam deuh avangin hun kal tawh lama a chanchin hre siselo mahsela an luah ve ta rawih a ni.

Victora te nupa luah hma hian he Mansion hi Sipai Officer pakhatin a luah thin niin ansawi a.Chupa chuan Inchhungah thilmak tak tak thleng a report reng thin a,Tlangval la naupang tak mai,british mi niawm tak thlarau a hmu thin a,thinrim hmel takin amah chu a melh khui khui thin niin asawi a ni.

Zan khat chu Officer pa chu lenchhuàh tumin a room chu a kalh tha vek a,inchung sàng ber pindan a awm anih avang chuan hnuai lam panin step ah chuan a chhuk thla mek a;Chutihlai tak chuan a room ni ngei tur atang chuan darthlalang keh ri leh thawm ri thuai thuai mai an hreta phut mai a,makti takin an tlan chho nghal a,A room kalhna an han hawng chiah mai chule...!!! 

Inchhung chu duhtawk a suasam hrep ang mai hian alo hnawk kawih neihnuaih mai a,bungrua reng reng chu nasa taka tihchhiat vek niin darthlalangte chu an kehsawm vek mai bawk a,bungraw chhelo a ram pawh a awmlo a ni.

Police lam té pawhin hé pawikhawihtu hi hriattumin an buai hle a,an buaina ber pawh han chhui tanna tur an hre hlawllo a,Midang hnuhma  nithei awm pakhatmah an hmu miahlo a,misual luhna leh chhuahna tur han rinhlelh tur ik an hre bawk silo,an bangbo takzet a ni; Mihring chu nisela tuemaw tal chuan an hmu ngei ngei lo theilo,a chhanchu chhunglama ala rik bur bur laiin kawngkhar bulah àn ding tawh a,kawngkhar hawn rual chiahin thawm pawh a tawp ve chauh a ni.

Thlarau sual hnathawh ni ngeiin alang tlat a, Tharum thawhna thil rapthlak tak takte anih avang chuan an tan ala hlauhawm thei tih hriain chu Mansion chu an chhuahsan ta vang vang mai a,chumi hnu chuan luahtu awm lovin hun rei fe chhung chu a ding ram rup réng mai a ni.

Kum tam pawh aliàm hmàin, Victora te nupa hian an luah ve leh ta a,a luah lehtu hmasa ber anni nghe nghe a ni. Kum khat vel zet chu thildanglam engmah thleng lovin hlim takin Mansion-ah chuan Victora te nupa chu an khawsa a. Mahse,zankhat chu an Inah chuan thil danglam tak alo thleng ta a ni.

Victor te nupa chu zanriah eiturin In an chhuahsan a,an chhiahhlawh pakhat in In chu anghak a ni. Zanah chuan English tlangval niawm tak In chhungah chuan a kalkual vel chu a hmuta mai a,mak ti takin a zui ru ta a,Tichuan,chupa chu kal zelin Inchung sangber pindan pakhat zawnah chuan a bo ta daih mai a,chhiahhlawhpa chuan a hlauh hle a ni.

He pindan hi anluah tirh atang khan anla hawng ngai reng reng lova,a neitu hmasate khan ankalh tlat a ni.A chhan pawh kan sawitawh ang khan nasa taka room suasam chiamna kha a ni a,english tlangval thlarau chuan chu pindan chu a chenchilh tlat niin ansawi a ni.

Thil engkim thlen dan Victora te nupa in an hriat hnuah chuan chu Mansion chu an chhuahsan zui ve ta nghal a,heta tang chiah hian Charleville hi a Hrâng thin niin hriat a hlawh ta em em mai a ni.

Mi thenkhat chuan Victora te luah hnuah hian Hmeichhe pakhat chu a awm ve leh thin  niin ansawi a;Mahse,he Mansion chhungah hian mipakhat kal kual vel an hmuh reng thin avangin a chhuahsan a,Chumi hnuah chuan Khar a nita reng niin ansawi bawk a ni.

Kum 1947 a India in zalenna a hmuh takah khan Mansion chu India chhungkaw pakhat hnenah hralh a ni a, A building pawn lam leh chhunglam chei dan zawng zawng chu thlak danglam a,chei that vek a ni a,a hming pawh thlak a ni.Thiam ang tawk a thup tlat tum anih avang hian a hrang thin ni a ansawi lai ami nen chuan a danglam tawh hle a,zawn hmuh mai pawh harsa tak a ni tawh a ni.Shimla ah ila zinte anih chuan i han zawng chhuak ngei dawn nia.

.

Haveli : Haveli hi Indian subcontinent-a awm, traditional townhouse, mansion, manor house, a tlangpuiin historical leh architectural significance nei, khawpui chhunga awm a ni.

Haveli tih thumal hi Arabic hawli atanga lak chhuah a ni a, a awmzia chu "partition" emaw "private space" tihna a ni a, Mughal Empire hnuaiah a lar hle a, architectural affiliation engmah a nei lo.

A hnuah chuan haveli tih thumal hi Indian subcontinent-a hmuh chhuah regional mansion, manor house, townhouse style hrang hrang sawina generic term atan hman a ni ta a ni.Wiki

.©²⁰²³Zotube 'YT Channel'