Serkhan a kan thil tawn mak

By - Ricx Da Blues_

Kum 2008 vel khan Motor ka zui ṭhin a,Lunglei ah Khawnvartui kan dah a,kan haw lamin Aizawl Bawngkawn ah zanriah hmeh tur Sangha kan lei haw a,tichuan, Sihphir ah driver te Inah tlai chaw kan ei a,kan eikham chuan Vairengte lam pan a tlan thla leh tur kan nih avang leh atuk a vairam lam tlang thla leh tur kan nih avangin,chaw eikham chuan muang changlo in kan kal thla leh ta a,ruah tlem atla sep sep a,chhum a zing chiai ve deuh bawk nen kan tlan chak thei lo a,tichuan, zawi muangin serkhan kâwn lai tak chu kan thleng thla ve ta a,tah chuan Aizawl lam aṭanga chhuk a,veilam ah chuan waitingshed a awm a,chutah chuan driver chuan,"Ka chau deuh a..reilo te kan mu zal lawk ange." ati a,lukham ala a,aphei zui ta a,tichuan,kei pawh chu motor chhung light chu off in ka mu zal ve bawk a,chutah tak mai chuan thawm ka hre ta a ni.

Kawng dung a lungṭhil chu sliper a hrut ri phei hrat hrat ang mai hian ka lam pan hian a rawn phei zel a,tichuan,motor ah chuan rawn lawn in,motor pawh chu a hniam deuh sut mai a,kei chuan driver amaw tiin light chu ka on a,driver chu ka ko nghal bawk a.Mahse,tumah anlo nilo tlat mai a,ka hmulthi ading deuh sung sung a,motor tukverh ah chuan kan dak chhuak a,athim em em ringawt mai bawk si a,tichuan, ka'n mu leh tur chiah chu,driver chu hmanhmawh lutuk a rawn lawn lutin,hlauh nei tih hriat tak hian,ka hming chuan chiang deuh mai a min koh pah hian,"Kawngkhar khar nghet rawh, kal ang" ati ta chung mai a,motor a start a,chak deuh mai chuan atlan zui nghal a,kawng atêt bakah chhûm a zing deuh bawk nen, khalh muang deuh tur a ka tih pawhin,a tlan chak zual sauh emaw tih mai tur chuan a tlan pur pur mai a,Kawnpui dâi kan pêl chho a,Kawnpui khawchhung kan lût ta a,chutah chuan,"Enge thil awmzia ni reng reng?" ti a, ka'n zawh chuan..tihian asawi ta a,"Kha lai waitingshed a ka mut lai khan, thawk leh khatah ka awmna kha arawn vawt deuh ruih mai a,tichuan, ka mutna bul rangva in kilhbet chu kuttin ni awm tak hian, a rawn zut phei ri par par mai a,chutah ari chu tawp chatin,kut vawt em em mai hian ka ke hmawr aṭangin min lo zut chho ta a,ka khup vel arawn zut lai chuan ka mang hriat ruai ruai a,chutihlai tak chuan Car pakhat hi alo tlan thla hlauh mai a,a light êng ah chuan ka bul vel kan en kual thuak thuak a,engmah ka hmu bawk silo!! Ka ngaihbel turah leh ka mumang mai mai turah ka ngai mai a,ka mu leh chiah chu le! ka mumang leh ka ngaihbel chu alo ni awzawnglo mai,kut pahnih hian ka âwm bawr an rawn zut kual mai chuh!! engtik laiin nge ka rawn tlan phei pawh ka hre hmanlo,ka inti pa ve viau amaw ka ti a,mahse, ka vawikhat tawnna leh hriatna a ni bawk a,ka pa thei thlawt lo a ni ber mai!!."ati ta a ni.

Tichuan, kan chhoh leh lamin,Serkhan khaw pa pakhat kan phur ve ta a,kan han zawh chian chuan,kha mi Waiting shed zawn chiah ah khan Truck ciment phur alo accident tawh alo ni  a,a chungah Feh kal tur an chuang ṭeuh bawk a ni awm a,anni ho pawh chu an thi nual hlawm a ni,kan râp ta khawp mai a,chumi hnu ah phei chuan kan thil tawnna hmun leh a bul velah pawh zun zung tur pawhin kan ding khawmuang leh ngai tawh lo hrim hrim a ni...

.

.

.