Setana tirhkoh Nula hmeltha tak ka phur!!

By:LalPhoeniX

$$$ Vawikhat chu kan veng hian mitthi lumen tur kan nei hlauh mai a,amah lah chu sarthi,inawkhlum hi a ni a,tlangval senior lam mah tawh hi a ni nghe nghe a,Pa kawhmawh ve tak mai thin leh Sakhua-na lam ngaihsaklo zet hi ani a,a damlai pawh a hmeichhe tam tak ṭih rawn kha a ni ve reng a. Dik tak chuan a thih dan chuan chu zân boruak chu a ti dai ruih mai niin a hriat a.

Mitthi In atang kan In hi a hlat lutuk loh avangin kan zai ning deuh tawh chu kan thian ho chuan kan In ah kan chawl a,kan mitthi chungchangte sawi a kan titi nak nak lai chuan,khual khua atanga rawn kal palian  pui mai leh damthluam si hi a rawn lut a,kum 50 bawr vel tur hi chu a ni ang,amah chu inhmel hriat tirin a tawng duh hle a,kan thian ho mutchhuak pawh min tiharh khawp mai,pa fiamthu duh leh kawm nuam tak a ni ngei ang! Amah chu Driver senior zet tawh alo ni a,hmun hran hranah service in Mizoram chhung chu a dai dar tawh zia thute a sawi luam a,thiltawn mak leh hlauhawm tak takte pawh a nei ve nual mai a,Pakhat a sawi kala hriat reng mai leh ka chan loh khan a chhuak ta daih mai kha a ni.Tichuan, chu mikhual paliana chuan a thil tawn pakhat chu a sawi ta a.

"Vawikhat chu load la in Aizawl ka kal a,Champhai lam a dah tur a ni a,rinaiin Aizawlah chuan hun ka hmang rei daih mai a,ka tum hunah pawh chhuak hmanlo in tlai khawthim dawn ruai ah Aizawl ka chhuah sanve thei hram a,Tuikhurhlu ka tlan lai chuan nula pahnih hian minlo phar a,'Ka pu khawnge i kal dawn?'  min ti a,"Hei Champhai lamah ka bungruate hi ka dah dawn a,khawnge kal intum a?' tiin ka zawt let ve bawk a.

"Selingah kal kan tum a,kanlo chuangve thei angem?" anti ta a.Tichuan,midang phurh ka neih lemloh avang chuan an pahnih chuan ka phur chho ta a,Tuikhurhlu ka pel fel a,ramhnuai lai vel taka kan awmlai chuan ka motor hnung lam chu a ri sawk a,motor pawh chu a nghing luai a,a ding ta tlat mai a.Han tlan tir ngial ka tum pawhin a tlan thei ta tlatlo mai a,motor atang chuan chhukin a hnung lam chu ka va enfiah ta a,a engemaw part pakhat hi alo bung hmawk mai a,a beidawn thlak duh hle a ni.

"Nula te u,in hmanhmawh awm si a,motor dang lo phar mai rawh u,hei kei chu a part la tura Aizawl lamah kal lehte ka ngaih hmel si a" ka ti a,nula pakhat ala naupan hmel zawk chuan,"Ka pu,lungngai reng reng suh hei Setana rawngbawl hian kum engemaw zat chu kanlo vak kual ve tawh a,lo thu tawp la kan tih theih theih kan han ti ve ange," anti ta a.Keichuan,anmahni ka rin vang lam pawh niloin duhthlan tur dang ka neih chuan rihloh avang chuan,"Awle" ka tive mai a.

"Ka pu tui ipai em?" min ti a,tui chu a um chawpin ka pe a,No min dil leh a,motor a ka pai glass no te tak te chu ka pe leh bawk a,Tichuan ngawi reng chuan an thiltih lai chu ka lo nghak ta a." ati a,a chil chu a han lem khalh a,midang ho chu kan lo reh thuap mai a,tuman tawng zai reng kan rello mikhualpa chu kaho chung chuan kan thlir thup ringawt a.Tichuan,a thilsawi lai chu a sawi zawm leh ta a.

"An kut hmawr ve ve chu an vit thi a,an thisen chu No ah chuan an far lut dun a,chumi hnuah,bottle chhin chanve tur awm vel lek hi tuisik thianghlim an far leh zauh zauh bawk a.Chu chu pakhat zawk chuan a kut zungchal chuan a sen nguai nguai thleng chuan a chawk kual a.chumi hnuah nula pakhat zawk chuan,"Ka pu maimitchhing tlat rawh le,meng miah suh ang che" min ti leh ta a.Tichuan,ka maimitchhing a,nula pahnihte chuan engthil emaw hi an chham pual dun ta mual mual a,eng tawng nge an hman pawh ka hrethiam lo.

Reife an han chham dun hnuah chuan,"Ka pu meng la,i motor chhe lai chu va en tawh rawh le" anti ta a,chutah,mak ka ti ru viau mai a,rang taka chhukin ka motor chhiatna lai chu kava bih leh ta ngat a,... Mak deuh maiin ka motor chhe lai chu alo la tha chuang reng renglo mai!!" a han ti chu kan ri ta hak a,kan nui zui dar dar hlawm a.

.

.