Tui tla ruang an hmuh dan mak!!

by:- RinFela pa

$$$ Vawikhat chu vanduaithlak takin kan khua chuan tuitla ruang zawn ngai kannei leh hlauh mai a,tichuan,a zawng tur chuan a thawk chhuak thei tawh phawt chu Tlawng lui cham pût mai lam pan chuan kan liam zung zung hlawm a.

Kan khua hi thingtlang khaw te taktê nimahse Tlawng lui hi kan hlat lova,tui tla hi kan nei ve zauh zauh reng a,Fimkhur turin theihtawpin inchah mah ila chesual tawk hi anla awm reng tho...!

1998 kum kha a ni a,hemi kumah hian Pu Hranglawta te chhungkua chuan Tlawng kam mai chu Lo atan annei a,Hnathawkin an liamve nitin thin a,an tlai banah Tlawng lui lamah chuan intifai turin an chhuk thla mai thin a ni.

A fanu Remziki bo ni a thil thlen dan Pu Hranglawta,a pa chuan ti hian a sawi a, "Khami ni khan kan hma la hlenchhuah loh zimtê chu kan zawh theih law law beiseiin Mami peih vaklo chung chung kha kan tur lui a,nidang a a phúr theih tehlul nen khami ni kha chuan a phurloin,a nun kha a nguai riau mai a,amak kha ka ti a,mahse,han ngaihthat lohna ringawt tur lah a ni der silo.

Tichuan,Thlàm kan thlen hnu rei vakloah chuan kan bung zui ta nghal a,khami ni khan nidang anglo takin Mami kha a tawng tlem em em mai bawk a,a mizia kha a dang tlat a ni.

Kan hmâ chu kan chhuah hmà avangin kan bâng thuai a,Mami chuan insilfai pahin tuilian a thlir tur thu min hrilh a,fimkhur tura kan inchah hnu chuan lui lam pan chuan a liam thla ta a;A hnu deuh lawkah chuan a nu nen hian kan liam thla zui ve leh ta a ni.Kan thlen thlak chuan Mami hmel reng reng kan zu hmu lo a,kan au vak vak a,min chhang thei silo,kan mangang ta hle mai a,tuilian chuan ala ta anih ngei kan ring a,a nu phei chu atap atap tawh mai a.Tichuan,hetiang ringawt chu a tha dawn love tiin kan rîte chu ka pun kual ta hlawm a.Mahse,tih theih kan nei tam rihlo hle a,tuiah pawh a tla kherlo thei a tiin luidung velah te chuan kan zawng bawk a,tichuan,zualko te intirin hetiang hi kanni chho ta a ni" a han ti a.

.

Chutiang an khaw nula fel a ansawi Remziki bo dan an han hriatchian hlawm takah chuan Tuiah a tla a nih chu rin dan tam ber a ni ta a,Tlawng dung chu bul han tanna atan an rel ta a ni.

Tlawng lui lian kàm lam chu a luang cham dul dul reng a,a nú em em mai bawk..Tichuan,tui lut thiam tak takte chuan li leh a ruang tân theihna awm lai tur velte chu an han dap tan ta a,tui chu a la tam em avangin duh ang pawhin hma an sawn chak theilo a ni.

Tlawng dung a Khaw hrang hrangte pawh chuan mi bo chu zawn puiin hmun hran hranah chuan 'Ngar' te hémin, an   ther fêk fûk hlawm a.Chutianga ni nga zet an zawn hnuah pawh chuan anla hmu thei mai chuanglo a,Thenkhat,beidawngte phei chuan Tlawng luiah tla lovin Khawmu in a chawibo a ni ang anti tawh a.

Chumi zân chuan Pu Hranglâwta te thlâm a riakte zinga tlangval pahnihte chuan thilmak tak an tawng a.

Mi bo zawng a Luidungah nileng a an vah kual hnuah tlai lamah chuan Thlàmah an lawi khawm leh hlawm a, mi sawmpakhat lai an riak ho a ni,Zanriah ei hma deuh chuan inbual turin Lo mawng lamah Tlawng lui pan tur chuan an liam thla zel a.

Inbual zo hmasa a piang chu Thlam lamah an chho nghal zel a,a hnung fàl pahnihte chuan lui mawng lam kawi khat leka hla a,lungpui chungah chuan mi tu emaw lo thu reng mai chu an hmu ta phut mai a,mak tiin an en reng ringawt !!Chiang deuh zawk a,an han thlir chuan an mi zawn lai ngei Remziki a ni tih an hrechiang thei ta a,chutah zet chuan  hlauhna chuan a rawn man dun ta a,an khur dun ta hlawk hlawk mai a ni,an Aw pawh chu a chhuak hlei thei tlat tawhlo a,Chutah,Remziki  chu ding chhuakin a hnunglam tuiah chuan a zuang thla ta thut mai a,an phu chiang dun kher mai!! chuveleh hman hmawh baklengin mi dangte awmna lam panin an tlanchhe chho ta a.

An thiante chu thil awmdan an hrilh chuan mak anti hlawm hle a,thenkhat chuan Remziki thlarauin a biakna ah ngai hmiahin chulai hmunah chuan a ruang chu a awm ngei an ring ta tlat a,a tuk hna hmasa ber a neih tur chuan an rél tlu ta a.

A tuk khua alo var chuan midangte hriattirin  tui thiam tak tak mi tlawmngai rual thahnem takte chuan Remziki zuan thlakna lungpui tohlawt ansawi lai vel chu an dap tan ta a.He lungpui tohlawt hi Mibo an zawn tirh lamah kha chuan tuiin ala chim pil vek nghe nghe.

Tichuan,reife an dap hnuah chuan mi pakhat chuan a hmuh thu a rawn sawi ta mai a.Remziki chu thing tang lian tak pakhat ah hian, a nghawnga a puan bah hmang chuan a in hreng bet tlat mai hi alo ni a,a lainat awm duh khawp mai!!

Tichuan,a ruang chu la chhuakin khawtlang chuan lainat leh ui tak chungin an thlah liam ta a ni.

.(Dil hmasalo chuan Youtube lamah chhiar phal a nilo)

@mawia lenex....$$$$