Saibawh Ngawpui Huai

I

- Fela pa

Thian dun Aiawt Chiahte thil tawn mak!

 Saibawh ngaw hi ngawpui han tih ve mai tur chi a ni ve awm e,Ramhnuai a cheng chi nungcha te tualchaina hmun nuam tak tur a ni a,Ramsa leh Sava te pawh antam em em thin a,Khawvel thangduang chho zelah nungchate a vang tual tual a,he ngaw ah pawh hian hmuhtur alawi pawh an awm meuh tawhlo a ni 

A awmna hmun hi a chhehvela eng khua mai tan pawh a, kal khan nuamlo leh lam hla tham tak a ni vek mai a,hei vang tak pawh hian dai dar zen zen loh a nih phah ta reng a ni.Tin,he ngaw hian Huai nei niin ansawi thin a,hei vang hian mi tamtak chuan annelloh phah hle thin a,kei erawh chuan ka awih ve lemlo thung!!

Mahse,Vawikhat chu kan khua a Aiawt dawh mi pahnih chuan thilmak tak an tawngve ta tlat mai a,pakhat phei chuan a nunna a chan phah hial a, He ngaw huai hian a tihlum ta a ni ang,tih chu ngaw chheh vel khua a mitam zawk rin dan a ni,a chhan pawh helai ngaw bul vel a khuate hian thilmak tak tak an tawngin,nunna chan phahta ti a sawi tur hi khaw hran hranah hian an awm nawk tawh a ni;Mahse,thilthleng zen zen a nilo a, hun inkar hlat tak taka thlengte anni hlawm a ni.Mak deuh mai chu he thiltawngtute awm dan leh thih dan hi a in ang deuh vek mai a,thil engemaw hlauh em em an hmu niin an rinthiam theih vek a ni. An thiltawn hnu lawk hian an boral zui nghal zel niin ansawi bawk a,a rapthlak hle awm e!!

Kan khua a pa pahnih,nupui fanau pawh nei ve ve tawh anni nghe nghe a,a boralta zawk phei chuan nausen pawmlai a thihsan a,an lainat awm chhungkua hle a ni.

June thla kan hmang tan chauh nimahse a che hmasa pawl nih tumin Pa Rema leh pa Khawlate thiandun chuan Aiawt dawh tumin Saibawh ngaw a,chakai tamna lui ber mai Lungbu lui lam panin an chhuak a,kum dangah pawh an dawh dun ziah thin a.Mi tam tak chuan sawitawh ang khan a kal khan a nuamlo in a hlat tham deuh em avang leh ansawi hlauhawm thin em avangin trihrukna annei tlat a,kal enah pawh an en meuhlo hlawm a;Mahse,pasaltha leh ramvachalte chuan kal ngei an chak tlat thung si a ni.

Hemi kum a Pa Remate thiandun aiawt dawh dun chuan thilmak tak mai an tawng a,an thiltawn chu hetiang hian a sawi a ni, "Eizawnna dang neilo ve ve chu,Lungbu luiah hian kumtin mai hian thianpa Khawla nen hian kan chiah deuh ziah thin a ni.

Hemi tumah pawh hian kan tihdan pangngai tete in mi chet chhuah tak tak hmain a che hmasa lamah kan tang leh ta a,nupui fanau neih chuan thahnem ngaih kha alo na em a ni..!! Tichuan,Kan aiawt chiah tur leh Chakai chaw tur nen, bawr leh rit tak chung chuan Lungbu lui lam pan chuan hma vek vawkah khua chu kan chhuah san dun leh ta a,Kanlo tih dun fo anih avang leh inkawm ngeih tak kannih avang chuan kan hlim dun leh hle a.Chutia kan titi a,kan nuih hak hak reng hnu chuan lui chu karloah kan thleng ve ta mai a,kan thil tih turah kan phur dun bawk a; thiandun chuan darkar 3 zen zawn ke a kal pawh a tawi tak mai..

Kawng chhak mai atang chuan kan chiah chho dun zel a,lui lian ve pangngai tak anih avangin kan dawh dun chho zel a,kumtin tidun ziah kannih avangin kan awlsam dun par par hle a,tamfe kan chiah tawh a,lui inpawhna lai kan thleng leh ta a,tahchuan lui peng pakhat ve ve ah chuan kan kal hrang ta a,hei hi chu kan kumtin tih dan a ni hial ang.

Tichuan,Aiawt ka phum chho zel a,lui inthenna lai ka thlen chhoh meuh chuan pahnih chauh ka nei tawh a,Thianpa Khawla chuan Âwt a neih tlem tawh zawk avang khan minlo nghah ka ring tawh mah a,Mahse,ka chhuahkhalh tlat mai a,rei fe ka nghah deuh hnu pawh chuan alo chhoh tak mai siloh avang chuan mak ka ti rilru hle a,chutih pah chuan ka Aiawt chu a chiah zo ta a.

Chutah ka han nghak leh ren rawn a,Meizial pakhat ka zu zo leh tawh tihah pawh alo lan theih tak mai siloh ah chuan ngaihthalo tak chuan a zawh tak zawk lui peng lam chu ka zawh thla ve taa,thawm ka han ngaihchan deuh pawh chuan tui luang ri tihloh chu a reh deuh vung vung mai a,ka ngaih chu a thalo tulh tulh mai lehnghal a.

Ding meuh chuan thawm ka han ngaithla leh a,a reh ruih mai a,chutah,theihpatawp a ring hian ka han kûk ta vak mai a,ka rinloh deuh maiin ka thlang kawihnih emaw vel lek atang chuan thianpa chuan min rawn chhawn ve ta raih mai a,ka thaw pawh a veng huai mai,chulam pan chuan hmanhmawh lutuklo chuan ka chhukthla ve zel a.

Lui kawihnihna ka chhuak chiah chu ka beiseiloh lutuk ka hmuta a ni!! Ka Thianpa chu lui kam sirah chuan bawkkhup zawngin alo tlu reng mai a,ala dam ngei beiseiin hmanhmawh takin ka tlan thla ta buan buan a,ka rinloh dan bawk a ni leh ta !!! Nichin lawk a min rawn chhâwn si  kha alo thi vawt thlur tawh mai a,a mit chu a meng kur mai bawk a,thlaphang tak hmel apu ni berin ka hria.

Tichuan hmanhmawh takin tui atang chuan kala chhuak a,vaukamah chuan mutin chhawl chhete a chhilhin khawlamah ka haw san ta nghal a ni.

Heta tang hi chuan helai luiah hian ka kal leh ngai tawh reng renglo a,hemi tum a kan aiawt chiah pawh hi ka en zui leh ta miahlo a ni.

Thianpa khan thilhlauhawm tak engemaw chu atawng ni ngeiin a hmelah leh a mitmeng ah khan a a hriat theih a,engthil tak chu ni ang maw?" tiin asawi a.Amak ka ti hle mai a,asawitu lah chu dawt han sawi zuah zuah duh hmel a pu eih silova; Tichuan,helai ngaw a thilmak tak lo tawngtawh thianho chanchinte chu a sawi kai ta zel a....

Thian za ho thiltawn danglam!

Kan khaw thenawm lawk a mite anni a,tlangval inti hre tan rual anni a,mahni tawkah pawh huai leh chak nih chak em em hunlai vel a ni awm e,Saibawh ngaw huai chu fiah an chakta tlat mai a,miten an tih ruk em em mai,kal pawh ankal that duhlohna,riak ngat phei chu kutzungtang thliah tham emaw vel lek anla ni awm e,chutiang,thilte chu mi awka atang anlo hreve a ni chek ang,zankhat riak a fiah chhin chu antum ta mauh mai a ni,an thianho zing a telve pakhat chuan heti hian asawi a,

Tichuan,mipanga lai mai chu kan mamawh tur thil vel nen chuan kanthawk chhuak ta a,silai pahnih kan keng tel bawk.kawng lakah chuan kan phur tlangin hetiang lam kan rinloh thute,ramhuaite chu awm mahse,keini Kristiante chu min hlau lutuk!! tite in kan ri thla nak nak reng a.

Chawei kham a hmanhmawhlo taka chhuak kha kanni bawk a,chhun chaw fak dawn ruaiah kan thleng chauh a,riahna tur bukte siam chawpin,zana kan ai tur thingro te fawm khawmin kan buai nak nak a,mak deuh mai chu hlaulo ni a inhre thosi khan zam rukna ka nei tlat tho si a,ka thiante pawh kha anlo nive vek tho a ni.!! 

Tichuan,zanriah kan bar zawh hnu chuan buk tualah meipui chhepin kan kil bial a,a changin kan zai a,a chang leh kan reh leh duak a,chutiang chuan zan chu kan hmang ral ve zel a.

Dar 10:00pm bawr velah chuan Remzika,Rza kan ti mai a,chu zun ram thiar turin êng chhun phakloh chiahah chuan ava ding a,hmuh erawh a hmuh theih ruai a,thawklehkhatah a tre thawt a,a rehzui nghal ta hmak mai a.

Kan in en hrak hrak a,hlauhrukna deuh kanlo neih theuh si avang chuan nuamlo kanti tlang hle a,U Biaksiama chuan,'ati fiam mai mai anih kha,Rza te chu a uang peih em mai,in hlau ami? In huai viau emaw tia..lokal ru iva en ila!! a han tih takah chuan kan inti huai ngam leh deuh hlek hlawm a.

Tichuan,U,Biaksiama chu kan zui ta a,Rza chu kan awmna atanga lang theilo deuh chiahah chuan bawkkhup zawngin alo mu a.U Biaka chuan,"Remzik,â â teh suh ithiante hoin an hlau teh che a nia,an dawih hlawm si" a han ti lung lung a,midang chu kanlo nui hak hak hlawm a. Beisei angin Rza chu a chet tak mai siloh ah chuan U Biaka bawk chuan,"tho mai mai teh" tih pah chuan Rza ban chu a han vuan a.

A tre thawt a,rang takin a thianpa ban chu a thlah leh nghal a,"A thi tak tak" ati ringawt a,chutah rawn pangngai leh thuaiin "Thil awmdan hi athalo khawp mai,khawlama haw tur leh heta lo awm tur kan inruat mai angai dawn a ni." a hanti leh a.

A khawi ve ve a awm pawh chu kan chaklo ve ve a.Tichuan kan thiante pahnih chu zualko tur chuan khawlam an pan ta a,keini chu U Biaka nen Rza ruang chu kan menpui ve thung dawn a ni.Awm nawmloh nak laiin sawi tur lah kan van dun hle tawh mai a,kan ngawi leh vang vang thin a,thawkleh khatah hlauhna hian min rawn tuam thut niin ka hria,ka thauah a man a ka khur zawih zawih mai,eng ber nge ka hlauh pawh ka hrelo,kan thian dun chu ngaw kar atang chuan min thlir rengtu awmin ka hre tlat a,meichher eng a thianpa thi tawh hmel rapawm takte khan min enreng nite in ka hria,zan chu a rei duh ngat ngat hle mai a,nakinah chuan mi tlawmngaite thawm kan hre ve ta a,kan thaw huai mai..." tiin asawi ati a .

..........

 II

Pu Dinga Thil tawn mak!

 Tunhma han tih em em tur pawh ala nilovang; ka pa thianpa thiltawn mak tak mai leh amah atawngtu ngei pawhin a boral chhan bera an puh a ni a, Ka pa min hrilh a ni.

Ka pa thianpa chu pavalai tak ka pa rual vel tur niin,Pa Ding..tiin kan ko thin a,ramvah leh luikal tih vel hi nuam ati thin hle a, kan awmna khaw hmun ten a zir bawk a, a tlangpuiin patung ho lunglentu ber leh nuam antih ber pawl chu a ni deuh vek hial awm e.

Pa Dinga pawh hi a hunawlah hi chuan silai nen a chhuak ve thlazen zel a,kahloh pawh angah.Mahse,azarah sa pawh kan eive fo mai,ka pa nen a inkawm ngeih tak anni bawk nen chhungkaw inpawh tak kanniin chawhmehte hi kan insuah tawn reng reng thin a ni.Tunhnu a ka ngaihtuah pawh hian Thingtlang nun kha nuam ka la ti veng veng zel!!!

Hemi tuma Pa Dinga'n thilmak tak a tawn tum pawh hian ka pa nena ramvak anni leh nghe nghe a.

Kan khua atanga khawthlang lampang ngawpui chhah zet mai Saibawh ngaw antih mai lamah chuan an inzui chhuak dun a,Sahnu te zuiin anvak kual nasa mai a,rei ngial an vah vel hnuah pawh chuan an beisei angin sahnu thar an hmu mailo a,an beidawng rum rum hman hial a ni.

Chawhnu her lamah chuan Sazuk hnu thar em em mai,ala lum vat vat ang tih tur hi an hmu ta hlauh mai a,mak tak maiin chu Sa hnu chu Pakhat chauh niloin pahnih anni tih a hriat theih a,mak tihna tur a awm hranlo, phur tak chuan chu Sazuk hnu chu an chhui zui ta nghal a.

Sa hnu chuan an chhak mual dung chu a zawh chho zel a,Rei pawh anla chhui hma chuan Sahnu chu ding leh veiah anin thenta phawk mai a, tichuan,pakhat ve ve a kal hrangin an umzui dun ta a.Ka pa chu chhuahlam pang mualah chuan herliamin fimkhur takin a hmaa Sazuk kal chu a zui zel a,Pa dinga erawh chu tlaklam mualah aliam zui ta a.

Ni chu kawlah a her liam dawn ruai tawh ang tih ah chuan Pa dinga silai zawk chu a puak ta dur mai a,ka pa pawh chuan a hnuchhui lai chu a umpha dawn tawhlo tih hriain Pa dinga awmna lam mual chu muangchang lovin a pansan ta zawk a.

Ka pa chuan silai rikna lai vel a han thlen chuan Pa Dinga chu tlu bawksawp nulh mai chuan a hmu a,mak ti takin a pan nghal vat a,a thih chu alo la thi lova,mahse,mihring damlai hmel pawh a pu lo a ni ber mai,a dang vek a,a meng â ruai mai a,biak a mi chhanna chang pawh a hrelo!! A chauh hmel in a thlabar hmel em em mai bawk si a!!

Ka pa chuan a intipalh a nih a ringin a hliam awm lai vel a han zawng a;Mahse,a taksa ah chuan hliam a nei der bawk silova,mak ti tak chung chuan a thianpa chu koh harh tumin a au vak vak a,a sawi nawknawk bawk a.Pa Dinga chu meng ve kur mahse khua a hmulo ang tih a rin theih mai a,ka pa kohna chu chhan atum der bawk silo,a thusawi pawh chu hre awm pawhin alang heklo a ni.

Chutiang a an inbawihsawm vel lai chuan Ni pawh chu a herliam ve mek a,ngawpui chhung chu a thim nghal ruai ruai mai a,ka pa chuan han kaih thawh a,In lam pana kuah haw chu a han tum a;Mahse,pa Dinga chu a tang ta tlat mai a,duhloh takte hian a duhlo a ni.Tihngaihna vak a awm siloh avang chuan ka pa chuan chulai hmun a awmpui rih mai chu tha in a hreta zawk a.

Zan a meichhem tur tiin ka pa chuan thingnawite chu a dap khawm zung zung a,a thianpa pawh chu a be vel reng bawk a,chhanna erawh ala dawng miahlo thung a ni.Chhun lama an chaw bar bang tlemte chu phawrhin a thianpa hmaah chuan han thet ve bawk mahse,a thianpa chuan chet zai pawh relloin angawi reng ringawt a.

Ka pa pawh a beidawng ve deuh tawh a,a thianpa bulah chuan ngawi reng chuan a thu ve ta chawrh chawrh mai a,a khat tawkin mei chu a chhawm tha zauh zauh bawk a.

Ngaw chhung chu a thim chhah hle a,leihrik an hram chuah chuah a,dumde an leng noh noh mai bawk nen,zan sava hram chawlh chang a,ngaw chhung reh deuh ruih maite chu angainat awmloh hle a,Mumal pawh neilova a rilru avah kual ruai chhung chuan alo chhing ve ta sek a.

Ka pa a han harh leh meuh chuan a bula thu reng,Pa Dinga chu alo awm ta hauhlo mai a,mangang leh hamhaih zetin vawi hnih vawi thum chu a han au vak vak naa awmzia a awm a rin lehloh avang chuan khawlam pana zualko a tlan vat mai chu a tumta zawk a ni.

Zinglam dar 2:30am bawr velah ka pa chuan khua chu a thleng a,mahni In lamah pawh kal hmasa lovin yma hruaitu awm hnai ber chu a pan ta nghal a,thilawmzia te an inhrilh zung zung hnu chuan,a chhungten kan ngaihtuah lutuk hlauvin Kan In ah a rawn lut ve ta chauh a,khami tuma ka pa hmel thutak lutuk mai kha ka la hre reng mai!!

Ka nu chuan chawi ei chu a siam a,thilawmzia chu a zawt pah bawk a,ka pa chuan Pa Dinga'n tawh sual a tawk palha,a awmna chin pawh ka la hrelo...nakinah chiang takin kala hrilh dawn che nia,tunah chuan muangchang hman ka ni rihlo em mai..." atih mek lai chuan, nichin lawk a ka pa'n a kaihthawh tak pu Thlamuana kan veng yma v.pre leh mi thenkhatte anlo lut a.

Pu Thlamuana chuan,"Sangte,engthil chiah nge inva tawn chu le,a bo ber a i sawi i thianpa Dinga lah,, In ah alo awm reng lawi si a,a buai deuh niin alang, biakin min chhanna chang reng reng a hrelo mai,a hmel te khi a dik tawhlo reng reng mitthi ang mai alawm anih le.." a hanti nghal deuh tawng a,In chhunga awm zawng zawngte chuan ka pa lamah an mit leh beng an chhi nghal hru hlawm a.

Ka pa chuan a hriat chin ang ang chu sawi ve bawk mahse,an beisei ang chhanna an dawnglo tih an hmelah a hriat theih hlawm a,ka pa chuan a thianpa thiltawn,an hriat chak em em  chu Eng thil chiah nge? tih a hre bik der silo a!!

..............

......