Kha zân mawlh kha!

- Lra Chinzah

      November thla laihawl ani a, Tuisen a jcb a ka kawnglaih chu unau hmel hai vel awm ah ka zo ve hram a,  zan han riah leh kher ai chuan tiin haw tur in phur tak chuan ka in buatsaih a, mahni chauh a long run tur mah ni ila mahni In lam pan tur ka nih tawh avang in rilru a hlim ang reng khawp mai, rilru in eng eng emaw ngaihtuah chung  chuan  phur tak chuan ka in khalh chhuak ve a. 

          Woofer ah  Freddie mercury hla - "love me like there's no tomorrow " tih chu ka play a,  ka thiam ang tawk chuan ka zai pui a, school kal sang lo tih tak ah a hla thu ka'n lam sual deuh chang te chuan mahni chuan ka han nui leh ringawt thin a, khaw har erawh a hnem phian mai, Zan rei lam tawh ah chuan Hauruang ka thleng ve hram a, Lunglei thlen vat ka duh avang in ding khawmuang lem lo chuan ka tlan zel a,jcb ri nen, woofer ri nen, ka zai ri nen mahni tawk  ah bengchheng ve tak chu ka ni. 

         Chu tia eng dang ngaihtuah lo a ka tlan lai chuan Hauruang leh Sazai inkar Riangvaite thlanmual peng ah, naupang ni awm tak pakhat hian jcb light chhun phak lohna  thim chin atang hian min lo phar a,mihring ruangam fiahlo ruaiin a hmuh theih a, a kut erawh a lang chiang khawp mai, ka rilru te te in tun ang zanrei ah naupang mahni chauh a awm thu a awm lo tiin hlau rilru takin ka tlan pel ta daih a,thui pawh ka tlan hma chuan jcb chu a tlan muang ta tial tial mai a,chutah,ka tukhum hi chhemtu awm ang mai hian a hit deuh chuai a,kawi khat em pawh ka la tlan lo ang tih ah a hma mi ang bawk khan naupang kut hian kawng sir atang hian min lo phar leh a, jcb lights a ka han chhun chu hmeichhe naupang niawm tak, a sam a a hmai lo khuh vek mai hi alo ding a, Ka hmulthi ati tho nghal ur ur mai,jcb lah chu a muangin atlan chak thei bawk si lo nen!! ava beidawn thlak tak em, Gear hrang hrang a ka han dah kual pawn awm zia reng a nei mawlh si lo,  ka woofer hla play te chu ka han thlak a,  Stacy sak - ' Chhandamtu hmangaihna ka hria ' tih hla chu woofer leh phone,a volume a full a dah in ka han play ringawt a, ring thei ang ber chuan ka zai nghek mai a, jcb a ka chemte pai chu a nghet thei ang ber in ka hum bawk a, rilru ti paukhauh lui chuan ka tlan ve zel a, Sazai kâwn pawh ka hnaih ve ta khawp mai a rilru pawh a hlim veng veng tawh, Sazai káwn ka thlen hnu atang chuan engkim pangngai takin ka tlan ve leh thei ta a ni.

       He mi zan hian In ka thlen hnu pawn vawikhatmah ka muhil thei ta reng reng lo a ni.Kha Zân mawlh kha zân tihbaiawm tak chu ava han ni tehlul em !!!

.....