In Hnâr thin mak tak mai chu!!
(True Story)
by:- Fela pa
🏚️ Kum 1990-'92 inkar vela Serchhip khuaa veng pakhat a thilthleng a ni a;In luahlai reng nisi pakhat chu an In khawi emaw lai atangin patling duhtawk a an hnar kûk kûk ang mai hian a hnar ri thin a,mak deuh maiin he ri siamtu hian tawng a hrethiam tlat mai bawk a ni.Engemaw hmuhtheih siloh thlarau hi chu Inah chuan a cheng ve reng niin alang!! a hrâng a nih deuh ber mai chu,he thilthleng hi a In neitute mai bakah a hunlaia vengchhung a mite kha chuan an hre deuh vek awm e,awihlo a fiah tumtu tam takte pawhin angaihna hre lovin an beidawng a, atawpah chuan "Amak hle mai !!!" anti leh ringawt thin a ni.
He In hrâng hi Assam type In pangngai ve mai niin veng pakhat chhuah lama awm a ni a, Motor kawng atanga hla lote a awm a ni nghe nghe !!, In chhakah kawng hi a kaltlang a, mihring leng tur leka sial a ni a,In 4-5 vel an intlar phei ve a,tunah chuan khatih laia mihring kal theihna tawk tawk thin kha motor luh theih turin siam zauh a ni tawh a ni.
Chhungkhat pa berin a awmloh san hma avangin Nu ber Pi Lali hovin hetih lai hian mi paruk an Inah hian an khawsa a,thingtlang hna chu an eizawnna ber a ni ve a.
Chumi kum chu tluang takin an hmang ral ve zel a;September thla chawhnu lam mah a ni tawh a,zan khat chu Pi Lali te Inah pawh chuan zan dang ang bawkin a fate inleng tur chu an rawn lutkhawm leh tak tak tawh a, hlim takin leng hawn hun thleng chu an inkawm leh hlawm a.
In lengte an tin fel chauh tihah chuan thawm mak tak an hre ta thut mai a,chutih lai chuan Pi Lali chuan a dan pangngai tete in atuk leh lama mi tur inhmakhua lawk lehin, chawhmeh siamtur Mâi chu a zai lâwk mek a,a fate ho pawh muttumin anin tintuah tan mek a ni.
An kawmchhak bangkil lam atang chuan ri maksak tak mai,patling hnar ri kûk kûk ang mai hi an hre ta mai a,a fate ho chu an hawi phawk hra hman tawh a;Mahse,Pi Lali chu nu sehhel ve pangngai tih takah engvak ah angai lemlo,tute emaw fiamthu duh deuh thenkhatten an tih thaih mai mai turah angai a ni.Mahse,chu ri chu a reh tak mai silohah chuan,"In va ninawm ve mawle,Ka hlau miahlo che u a nia,tute nge innih,haw ru,kan mu tawh dawn!!" tiin In bante chu a han khawng ri leh dawt dawt thin a.
Mahse,chu ri chuan reh reng atumlo anih hmel! A hma aiin a bei uar sauh emaw tih mai tur hi a ni ta zawk a,chutah zet chuan Pi Lali pawhin a hlauve ta deuh a,a fate thlamuan angai bawk si a,a chang chuan a han vau leh khar khar thin a,engmah a ang thei chuang silo,a fate hnenah chuan, "Khau emaw rannung chhe hram mai mai anih dawn chu,hlauh tur a awmlo, mu tawh rawh u" a ti a.A fate pawh chuan ngaihtuah zui lemlo chuan an mut san ve mai bawk a,pa ber awm talo chu annu chu an thlamuanpui em em a ni.
Chumi hnuah chuan Pi Lali pawh chuan a Mái zai lai chu dawhkanah chhintha in a mut san ve ta thuai a,a mut hnuah pawh reife chhung chu,patling hnar ri ni awm tak chu a ri kûk kûk reng a,darkar chanve dawnlai chu a hnar tluk tluk mai a ni,chumi hnuah chuan a reh zui ve ta a.
Tichuan,thildanglam leh thawm dang hre zui tawh lemlo chuan tui takin anmuhil zui ve ta a.
Zing khua alo var a,Pi Lali zingtho chuan,an meichhemna thukah leh chhuat lai vel a,a Mâi zai sa lo inchap darh neih nuaih mai leh adahna plate thuk a lo inchhuang vu mai chu a hmu ta a,Mihring tih aniang hanti dawn se,chutianga ti duh tur an awm a rinloh bakah mihring hnuhma engmah a hmu bawk silova,mak tiin a hlau rilru ve ta deuh a,chhun lamah erawh chuan thil danglam leh thawm danglam hriattur a awmlo thung a,Mahse,chumi zanah chuan Pi Lali chuan a fate thlamuan nan tiin anmahni riahpui turin tlangval pahnih chu a sawm ta ngawt mai a,anni pawhin tlawm ngai tak chuan an riahpui ve bawk a.
Zan dar 9:00 velah chuan a hma mi ang chiah chuan a rawn hnar tan leh ta a,atirah chuan zawi tete in a hnar a,a ri ring tial tial a,a hnuah phei chuan ninawm khawp a bengchheng a ni ta thin a ni.Tlangval pahnihte nen chuan an han zawng ngial a,chutiang ang ri siam thei tur awm thil engmah hmuh annei bawk silova,mak anti em em a, chu ri ngaih nawmlo zet ngaihthlak bak chu tih theih dang annei chuanglo a ni ber mai!!
A tukleh zanah chuan an In chungchang chu hria anlo tam hman hle a ni ang,fiah tumin an pungkhawm hlawm a,fiah chak tak tak pawh anlo tam mai,chung zingah chuan kum 50 ralkai tawh pawh an kat ve nuk mai a,fiah ngei chu antum hlawm a ni.
Tichuan,chu thawm lo chhuah hun nghak chuan an nghakta thap a,chumi zan chuan zantir dar 6:00-7:00pm inkar velah a rawn ri leh tan ta a,hetia zantir a thawm a neihloh hi chuan zan dar 9:00-10:00pm inkar velah hian anei leh ziah thin a ni awm e.Tin,mak ve deuh chu kumkhatah Sept leh Oct thla khawi emaw zawk hunlai vel chauh hian thawm a nei thin...
Tichuan le!! Chutia thawm a neih takah chuan insem darhin an zawng ta sup sup mai a;Mahse,ri lo chhuahna tak chu tumahin an hre fuh theilo! In hnuai lama awm ten Inchunglam ah chuan a ni" anti a,Inchung lama awmten "Inhnuai lamah zawk khan alawm" anti ve thung a.Mahni awmlohna lai hlir a ri ang chuan an hre hlawm a,nakinah chuan In ban phak tawk vela inhlatin In chu an din hual ta ringawt a,Mahse,Ri lo chhuahna chu In lai takah niin an hre leh lawi si a.He hnar ri kuk kuk ri hi amak ve leh em emna pakhat chu an biakna chu a hrethiam tlat mai a,"Han ti nawn leh teh,han ti leh te,chumi zat chu han ti teh" antih pawh chuan antih ang ang chuan a awmve zel mai a ni.
Zankhat chu zan dang a anla hriat ngai miahloh thil an hre leh ta a; Chu chu an In piah lawk a kawr ruam atanga rawn intanin hmeichhia nge mipa Aw tih pawh hriat chian theihloh hi lungchhe em em mai hian a rawn tap ta rawih rawih mai a,chu tapri chuan an In lam chu pan zelin an kawmchhak kawngah chuan arawn tap phei zel a,alo hre ve thenkhat chuan Pi Lali fapa hming te pawh alam tel niawmin ansawi bawk,an kawmchhak kawng chu zawh chho zelin motor kawngpui a pawh chhova, vengsang lamah tap chho zelin, 'Mitthla liam kâwn' antih mai thin hmunah chuan areh ta a ni,helai bul vel a awm leh kawng dung a awmte pawhin he tap ri hi anlo hre ve hlawm a;Mahse,alo thlirtu tumahin Mihring emaw thilnung han che eih hmuh tur annei chuang lo a ni.
Vawi khat leh pawh Pi Lali te thenawm lawka mite chu an awmloh hlanin an Inchhung alo suasam sak chiam mai bawk a,an thosilen zar zawng zawng chu alo phih thler vêk vûk mai a,In chhung bang a an lehkha bel zawng zawngte chu alo phih thler neih nuaih mai bawk a,Inchhung chu alo hnawk vel nuaih mai a ni.
Tichuan,hun leh ni chu ral zelin lohtheihlohna avangin Pi Lalite chhung pawhin ngaiah anneih mai chu angai ta a,Hriat nuamlo viau mahsela harsatna em em han thlen zawngin a khawsa ngai lova,kum 5-6 vel lai chu he ri dangdai tak,hnâr ri ang tak hi September emaw October thlaah an hre ta ziah mai a,a hnuah chuan amahin a reh zui ve ta mai a ni.
Hetiang a ri danglam tak an hriatna chhan tur awm ang hi an hrelo hle a,ansawi dan pakhat ah chuan,
Tûnhma deuh khan Pi Lali te In sir lawkah hian Sih hi a awm thin a,he venga cheng hmasa thenkhatte chuan hiat chhuakin an chawi thin a,a hnuah chuan leiminin a chhilh bo ta niin ansawi a,Sih khan Huai neiin chu a Huai chu a lungawilo anga,a thil tih vek a nih chu mi tam berte rin dan a ni zui ta a ni.
_...18.6.2022...._
.
Comments
Post a Comment