Thianho ramriak Ramhuaiin a tibuai!!

By - Dennis Btfc Sailo

Kan thianho hi pasarih kan ni a. A naupan dan indawta a parukna ka ni. Ka tê hle a. Buk nghak turin ka thian te'n min hruai ve a. Sapela ram riah kan tum a. Thingsemim rah tlak lai a ni a; Sakhiin an tlan hum hum thin a, chungho zing ami ngei chu pel kan tum a. Bungbel leh chawhmeh, buhfai te phurin, kan liam ta a.

Kan khua atanga mel sawmhnih vela hla, ram pik leh thlawhba-u hmun, thing kung lianpui pui dinna; ram ngaw chhah tak maiah chuan, riahbuk kan sual ta a. Kan hlawhtlin chuan, kan zavaia insemkhawp chu kan man/kahtluk kan ring a ni.

Riahbuk atanga pen sawmthum emaw vel lekah, sihtui fim tak a luang ri ker ker a, chakai an tam hle. A kam sir tawn tawnah, lairawk tumbu a vui hlarh hlarh a. Chung te chu hmeh atan thian te ne'n kan la a, a nuamin a hlimawm dar dar hle.

Kan ram riah zan hmasa ber a ral hnu chuan, sapel zai kan rel ta a. Thian te chuan buk lo nghak turin min ti ta ngei a. Ka huphurh lawk khawp mai. Ka lokal ve ta kha khami ni tluka inchhir hi ka la nei ngai miah lo. Nuam lo tak a ni. Ram ngaw chhah tawk hnuaia, mahni chauhva riahbuk nghah nawm loh dan turzia chu, chhiartu duhtak, i hriatthiam ngei ka ring e.

Tichuan, thian te chuan, thangtedawh te siamin, a then, lei lamah sakhi, thingsemim rah tlan mek chu an pel ta a. Thawklehkhatah, ka thian te zinga huaisen ber mai, Peka chuan, a pachal chu a zakdawhah tak mai a'n kap siah mai a. A tlu khek ta ruai ruai mai. Tichuan, a sa chan an tum a. Khua a rawn thim ta thut mai.

Sapuiin an sakhi kah sa a lo ei/lak loh na'n an veng ta a. A lentham em avangin, zualko te intirin, hmanhmawh takin khuaa hawng turin, keimah ka hah kal ta a. Ka kal chhung/hlan chuan, sakhi pachal kahtluk hnu vengtu ka thian te chu, ka hnungah, baklengin, engmah keng/ak lovin an rawn tlan a. An thlan te lah chu a tla zawih zawih a.

A chhan ka zawh chuan, sakhi pachal thi tawh hnu chuan, a lo rum khum hum hum a. "'IN ZAVAIIN, A MAL TE TEIN, KA THAT VEK DAWN CHE U' a ti," an ti a. "Khua kan thlen hunah, a mal te tea kan dam loh dan tur te thlengin min hrilg a, awm a nuam duh lo hle. Kan hlau em mai a, kan rawn tlanchhe ta a ni," an ti a.

In kan thlen kim hnu chuan, a mal te tein ka thian te chu an dam lo ta a. Rapawm tawpkhawka au leh te ruaiin, mual an liam ta a. Kan sakhi kah sa ruang hlawm tumtu lah, palianpui, dum renrunin a lo ner khum vak zel a. Hlau em ema rawn tlanhaw mai loh chu, an tan himna kawng a awm lo tih an hrechiang hle. 

KA LAWM E.