Ghost Hunter-te thil tawn mak (Thlahrang fiahna leh thudik hailanna)

GHOST HUNTER-TE THIL TAWN MAK!!

 (Thlahrang fiahna leh thudik hai lanna)

 Ziaktu: Mawia LeneX

☠️ In hrang kan fiah atanga thla nga vel zet a ni lwh tawh a;Khua pawh chu favang tan ruih tawhin boruak pawh a nuam tan viau tawh a,chumi ni tak pawh chu boruak a thiangin zin chhuah nan pawh a duhthusam tak tur Ni a ni a.

Kan tum ram pan chuan kan thian ho chuan kan tlan par par a,kan kal a tur hi kan khua atanga dar 4/5 kal vel zet tur a hla a ni.Muana chu ka phur a,Rama erawh chuan kan thuamhnaw tlem chu a phur thung a,kan thil tih tur chu kan chak leh et et tawh a ni.

Thianpa Rama chuan a ni te khua ah tunlai hian mithla an hmuh thin thu leh khua a nunau te a tih thlabar thin thute asawi a.Thingtlang khaw te takte a ni a,chu thu chuan ankhua chu a chiah hneh hle a,chu thla chu an venga putar pakhat thla niin ansawi a,an tih hlawm em em mai a,a huho lo phei chuan fiah ngam pawh an awm meuhlo a,fiah tum an awm lah hian a reh leh hmak zel mai si a,ka fiah ti ho lah in engmah hriat belh annei thei chuanglo a ni awm e.

 Chumai bakah an khaw thenawmah chuan thlahrangin atihbuai reng mai nupa an awm niawm in ansawi a,chutiang vel chian pah a zin khawthawn mai mai tum chu kanni a.

Kawng laka thingpui dawrahte  kan inthun puar leh zet hnu chuan kan kalna tur khua chu kan pan leh ta nghal vang vang a,tlai lam dar 3:00 velah chuan khua chu kan lut ta a.

Rama ni te Inah chuan innghatin,thil chinchang vel chu kan zawt chiang thuai a,Rama pa chuan chu thla hmu tawh ni a insawi thenkhatte hmuh dan chu a sawi ta a.

"Kei chuan ka la hmu ve lemlo naa,thenawmpa Siama hian hman zan mai khan a hmu ve a ni awm e,a hlau ngang a ni ang ha hip in a sawi kha....a sawi dan chuan, 'zanlai pawh ala nilo, inthiar tur a pawna ka chhuak chu khilai ah khian mihring awm tlatin ka hria a,chutiang ang zan reiah chuan mak ka ti deuh a,rukruk tum emaw tlangval hawklak vel mai mai annih ka ring a.Chutia ka en reng lai chuan min rawn hmu ve ni ngei tur a ni,ka lam pan chuan a rawn chhuk thla ta chhut chhut a,pa lian tak niin ka hria,kawtlai engchhit chuan a en thei deuh ruau tawh tih ah chuan alang chiang thei deuh a,Pawndum hian a in khuh zun mai niin ka hria a,ka hmulthi chu a ding ta ur ur mai...Chutah le hlauhna chuan min rawn man zuita a,Pu Khuala thla anih chu ka ring ve nghal mai,an ruangam pawh a intiat viau ang..Ka lam pan chuan a rawn kal zel a,a hmel erawh ka hmuchiang theilo a dum vek a ni,hlauhna chuan min man beh tlat avangin hlau khur der der chung chuan ka lo nghak ringawt mai a,ka hma zawnah chiah chuan rawn dingin min rawn kawk a,en pawh ka en tha ngamlo!!a then ta thu maiin ka hria,ka tha neih zawng zawng chu sawm khawmin rak nawk nawk chungin ka tlan lut thei ta hram a ni...  ati a.

A mak chu kan ti hlawm hle mai a,chutia a hring a hran a rawn inlan fo mai chu a danglam ve em a ni.Tichuan,mi hrang hrang hmuh leh hriat dan pawh chu a sawi zui ta zel a;chu thla pian zia leh hmelhmang,a inthuam dan an hmuh te chu a in ang deuh vek mai a,chu an veng putar thla chu hmu pawh anlo awm nual tawh a ni.

Hun rei fe chhung chu chu thlarau chuan a chenchilh tawh a,nuamlo antiin atihngaihna vak lah an hre silo a,tawngtaina nen pawh vawi tam tih reh tumin an bei tawh a,mahse awmzia a awm hleithei tlatlo a ni.Chu thlahrang chuan mi han tina em emlo mahsela a ninawmin awm ati nuamlo ve tlat si a,a ruk tak chuan an mangan pui tawh a ni.

Zanah phei chuan hmeichhia leh naupang lam pawn chhuak an awm ngai meuh tawhlo hial a ni awm e,tlangval dawihzep deuhte leh pa dawrawm deuhte pawhin inchhunglum an belh tam phah viau a ni awm e.Zanah chuan chu thingtlang khawte reuhte In pawh 60/70 bawr vel chauh awmna tur a reh deuh thup mai zel a ni.

Tichuan,kan thlen tuk zan atang chuan an hmuh tamna lai ber hmun,kan thlenna kawm chhak ,hla deuh hlekah chuan kan chang ru ta a,khawtual mite tumah kan hriattir lo a ni.

Tichuan,kan tih dan pangngain zan dar 10:00 pelh tawhah chuan thawm dim takin kan chhuak ta tham tham a,kan thiltih tur chu kan phurin kan chak zawk et et a ni.Chutia hlau hmel leh huphurh hmel ang a kan awm miahlo chu Rama ni te nupa chuan mak pawh minti hle a ni.Camera tha kan nei ve lemlo bawk a,kan phone bawk chu thlalak nan chuan kan hmachhuan leh mai a ni.Chemte pakhat leh Torchlight pahnih erawh kan keng ve a ni,turu lo tak kanni...

Zan chu a reh hian a reh tlawk tlawk mai a,tumah khawlai leng an awm tawh pawh a riawmloh,an mu vek tawh hlawm nih a rinawm a,varanda light ti englo chu aram zawk annih avang chuan khawlai dung chu a thim deuh ruih a,inkar hlat tak tak a andah solar light te chu a tha awm chhun chhun chu a eng ve a,kan channa tur mual sir a solar pawh chu a engthei zingah a tel hlauh mai!

Pu khuala thlahrang ni a ansawi an hmuhna lai leh a dinna lai tak ni a ansawite chu  kan han bih vel thuak thuak a,awmzia leh tangkaina teh chiam a nei hranlo! A dinna lai ni a ansawi chu mual sir a,hmanlai thlanlung hlui lianpui mai pathum lai dingtlar bulah chuan a ni a,thlanglam atang phei chuan eng thlarah chuan alang chiang thei viau awm e.Tichuan channa tur chu thlang felin,chu thla chu Inhrang kan chan anglo takin kan lo Râl chan hi a ni ber mai,phone chu a langlo thei ang berin kan khawiha,kan thawm pawh kan dimin kan phun sep sep chauh a ni.

Zan rei lamah chuan boruak chu a vawt deuh vur tawh a,zan hrik hram chiah chiah leh ral leh lama vabak thir chher ri chhek chhek lo chu a reh vung vung mai a,Khawlai ui leh zawhte vak han phe zeuh hmuh tur pawhhi a awmlo,a khaw chawp chuan an muhil vek emaw tur hi a ni a.Thlanlung sir a hmawngkung lian deuh chu a khat tawkin thli chuan a rawn chhem ri leh sung sung thin bawk a,chhum karah chuan inthlahrung awm zetin thlanchu a rawn lang leh duk duk thin a,reiloteah a bopil zuileh mai zel a.

Zinglam dar 2:00 thleng chu mu thlu pah lawp lawp chuan kan nghak thleng ta der mai a,mithla reng reng alo langlo,a thawm lah hriat tur a awm bawk silo a,tichuan,beidawngin ka  hawnsan ta a ni.A tuk zanah pawh angaitein kan chang leh a,a reh vung vung zel mai si a,chutiang chuan zanthum zet chu kan chang thlawn ta a ni.

Chutia kan hlawh chham tak rengah chuan kan beidawng viau mai a,kan chawlhsan ta rih a,khaw thenawm ah chuan kal kual ngei  kan rilruk kha a ni a,Rama pa pawh  khawthenawma nupate chanchin chu kan zawt lemluam a, an chanchin chu a hriat ang ang min hrilh ve a.

An chanchin chu a hre tamlo a,mi sawi a hriat ve leh chhawngte a ni mai a.

"Chumi te nupa chu an khawngaihthlak hle a ni,chu khua a an awm ve atang chiah chuan thawm mak tak takte an hre ta fo mai a,zanlai a patling vei thuak thuak thinte,a tak hmuh tur awm silo , athawm chauh hriat tur awm si te chu an hreta fo mai a,khawchhung a tiralkhel zo vek a ni,an nupa leh a hmutu thenkhat sawi dan chuan putar cher em em mai leh ruakhau pui mai niin ansawi a ni.Anni nupa lah chuan tunge anih awm reng reng an hrelo a ni awm e.

An nupa chuan zanlai a rak  tak chiam chiam mai te,tlan chhuah tak phut phut mai te an ching thin hle a,thenawmte an tithlabarin anti buai thin hle a ni,ansawi dan chuan,chu putar chuan zan an muhil laite hi a rek leh vak thin a,mut pawh mu theilo in a siam fo a,an bungbel rem that sate tih darh sakin inchhungte chu a ti hnawk neih nuaih mai thin a ni,chutiang taka thlahrangin a chenchilh tak zel avang chuan an rilru chu a nghawnglo theilo a,mi â ang mai hi anni tawh awm e".  a han ti a.

Kan thlahrang chan lah chan chhuah mai tur a awm silo a,Muana phei chuan chu khawlam pan nghal chung chung mai chu a duh tawh a,Rama chuan,"Muana lungngai ma ta che kan la kal dawnnkhawp alawm,chumite nupa tibuaitu chu kan va kai haw daih dawn nia" a ti a,kan nui zui dar dar a.

Rama ni te khuaah chuan zan hnih kan cham leh hnu chuan atuka an khaw thenawm lama haw kual a,boruak awm dan azira cham zui mai chu kan ti tlu ta a,atuk lama liam mai tur kannih avang chuan chumi zan chu atawpna ti a chan leh hrim hrim kan rilruk a ni.

Kan hun pangngai ti tawh mai ang,zan dar 10:00 bawr velah chuan kan channa hmawng kung bula an thing chhehkhawm phenah chuan kan thu leh thap tawh a.Kan thil chan mek lai ai mah chuan khaw thenawm nupate chanchin chuan kan beng chu a verh mah zawk nge ni,kan sawi ri zing zawk tlat mai a.

Rei pawh kanla thu hmanlo,upain tuibur hmuamda awm vel antih ang hi ani ang,thawm chu a reh thiap tawh a,thil che zeuh pawh hmuh tur avang leh tawh hle mai a,a awm chhun chu anlangsar viau tawh mai!! Chutih lai chuan Vengthlang tuikhur kawng lam atang chuan engemaw hi a rawn phe chho zauh zauh mai a,kawngsir a light dah chuan chiang vaklo chuan a en leh deuh zoh zoh thin a,thil che chu a awm ngei tih an chiang ta hle a,an phur tharin chulam hawi chuan an mit leh beng chu an dawh ta kiau mai a.

Chu thil chu rawn hnai chho zelin eng chinah chuan enge anih chiang takin a hriat theih ta a,an thlahrang chan mek chu anih pawh an ring thiam nghal mai a ni.Mi hring ruangam lian leh khan sang zet tur hi a ni a,puan dum hian a inkhuh hnuang mai a,alan danah chuan a hawi deuh zuk zuk niin a hriat a.

A boruakah an cheng tan leh tawh a,an za er er a,an mur leh chuai chuai tawh mai!! Ngawi reng leh thaw dep depin anlo nghak leh ta a.Amak ngawt mai heimite thianho hi a sa seh an thlen hi chuan hlaulo pawh anni biklo,mahse,an thiltih thin chu nuam anti em em tlat lawisi hi a ni.

An lo rin leh beisei anglo deuhin chu thla ti tawh mai ang chu an awmna bul,a dinna thin lam chu a rawn pan ta hauhlo mai a,kawngah chuan a kal phei dun dun a,an piah kawish chuan aliam ta daih mai a,chutah le Muana chuan,"Tiru iva um ang u..." tih leh thawh chhuah chu a rual ta a.Kal tur a kan insan mar lai tak chuan kawi atang chuan a rawn lang leh ta hlawl mai a,chuveleh rang lutukin kan thu leh ta nghal a.

Kan awmna lai,mual sir chhohna pengah chuan a ding ta a,a hawi leh hruk hruk a,tichuan kan awmna lam pan chuan a rawn chho ta chhut chhut mai a,kan piah lawk thlanlung bung tawh chungah chuan a thu a,Pawndum(Helai hi sawifiah lawk ila...Mizo puan ah hian puandum leh pawn dum hi a awm a,puandum chu puan dum'black' hi a ni a;Pawndum erawh chu thangtharten mitthi puan kan tih mai thin,mi vuini vela tawrhpui nana kan bah chhuah thin hi a ni.) hian a inkhuh hlun mai bawk si a,amah alianin a ruakhau auh mai si a,a rapawm duh ngei mai!! a hah ve nge ni a thaw deuh halh halh a,chu tak chu mak kan ti hle mai a.

Kan rin dan chu kan inhrilhru sap sap a,man ngei chu kan tum a ni,kan tisualta anih leh kan nih nih kanni mai dawn nia kan ti a,Tichuan,Rama chuan hma hruaiin Muana nen chuan kan zui ve nghal a,thawm dim thei ang ber chuan kan veh phei ta tham tham mai a.

Chutah le,kan thilhmuh chu a rawn phun chhuakta nuah nuah mai a,chu zan reh reih rawih tak maiah chuan a aw chu a thum tha duh bul bul hle mai a.

Chutah le!! A hmasa ber Rama chuan a bawh chilh ta tak tak a,"Minlo pui nghal vat ru,hei ka man e.." tiin a rawn aubchhuak tuar tuar a.Keini pawh chuan rang tak chuan kan lo pui ve nghal a,Thlahrang chu le,kan dawm bet ta ran mai,atirah khan atal ve phat naa min khanlo deuh a ni ang,a awm ve ta hle hle a.

Kan thawm hria chuan kan hnai vaia awmte chu an rawn chhuak khap khap a,torchligt an rawn sik de chuahnchuah mai bawk a.Chutia,an thlahrang hlauh em em thin kanlo kuah bet ran mai chu mak anti em em mai a,keini ang tho chuan a hmel hmuh chu an chak hmel hlawm hle a.

A inkhuh hlunna puan chu kan han hlip thla ta a,a hmai chu rawngin alo hnawih dum nuau mai,keini tan phei chuan a hmai fai pawh kan hriatloh dawn tehlul nen a han inhnawih dum leh phei chu thlahrang ang tho a ni.

An veng tuikhur kawng lama awm tlangval hnah khat parawl,tar lam rawngkai lek lek tawh hi alo ni reng mai a,amah hi chutianga mipangngailo han tih ngawt tur chu a nilo,atlangval rilru leh a upatna tawhna rilru hian a chawk buai zo pawh a ni mahna.Rual u zawk chu nimahse khawtlang hruaitute chuan an kamkhat lo theilo a ni.Engvang a khuaa nunaute ti thlabar zawng a lem chang tlat chu nge an zawh chuan,"A nuam tih vang mai mai" niin a sawi mai si a,tihngaihna tak pawh an hre bik lemlo a,a thiltih lai chu bansan turin leh khawtlang tana hnawksak zawnga khawsa tawhlo turin anti ta a ni.

Hetiang boruakte kan tawn a,an thlahrangte kan man sak tak hialah chuan hetiang lama kan chanchin hriatzau chak patling pui pui chuan min han kawm luam hlawm a,kha khua ah kha chuan lar ve tak kanni.Chutianga min kawmtu zinga pakhat chuan kan beng verh zawng tak mai,kan piah khuaa nupa te chungchangah chuan sawi a nei ta a,beisei nei tak chuan kan han zawt chiang leh zual a.

Chu pa chuan,"Ansawi dan chuan hemite nupa hi thla hian atih buai reng thin avangin an awm pawh vawi tam an insuan kual tawh a,mahse,thla chuan a umzui zelsi a,pem pem duh tawh bikloin a sepui ruah tawrh ta chawrh chawrh mai a ni,an khawngaihthlak awm hle a ni,ansawi dan phei chuan khilam rawngkai deuh anni awm e,a hmeichhia zawk erawh apa Mizo niin apa sawn a ni a;Mahse,apa te nupa chuan an thihni thlenga fa anneih theih taklohah chuan a pate rokhawm turin leh apa enkawlturin Mizoramah an lo chhuak thla a,rei pawh apa an awmpui hma chuan apa chuan a boral san leh ta mai si a.Tichuan,apa in leh lo vel chu tiralin apate khua chu an pem chhuahsan ta a,chumi atang chuan he thlahrang hian atibuai tan niin ansawi a,anmahni chuan apa thla anilo ti mahse,apa thla ngei anih ring an awm nual tho a ni.Tichuan,chu thlahrang chu pemchhuahsan theih mai inbeiseiin an pem an pem kual ta mai a,chutiang reng renga khawsa annih avang chuan an tlabalin an rethei sawt hle a,tunah phei chuan mi â ang maiin biak pawhin a rul tawk bakin min chhang ngailo,an lainat awm nupa khawp asin.."

ti a han sawi chu kan beisei kan hmu chiang hle mai,kan in en hrek hrek a,chutah an khawtlang hruaitute emaw papangngai tak han biak mai tur no.a neih leh neihloh kan zawt a,vanneih thlak takin an khaw Vcp  number chu alo nei hlauh mai a,chupa haw hnuah chuan kan piah khaw vcp chu kan be ta nghal a.

Hman deuh a In hrang finfiah kan tum trum a,kan thil tawnte,kan mumang inang vek mai leh mak em em mai chanchinte chu kan hrilh vek a,ani pawh chuan thil diklo chu awm ngeiin a ring ve ta a.Engpawhnise, inhmuh phawt a,hmaichhana sawi tha leh turin phone chu kan dah ta a.

Chu khua kan va thleng chu a khawthleng alo remin a nuam phian mai a,a hmaa kan kalna khua ai chuan alian deuh hlek awm e,tih chauh tur hi a ni ve thova,khawlai kawngdung vel chu an vawng fai nuam hle mai a.In hrilh hresa kanni bawk a vcp te In lam chu zawt chawpin kan pan tlang nghal a;Kan thusawi chuan rinaiin an beng aluh aniang chu..ralpui phiar tur niawm fahranin patling hlir mai chu anlo thu khap hlawm a,kan han inchibai luam hnuah thingpuite in in thilawm dan leh kan thil tawn leh hriat zawng zawng chu kimchang tak maiin kan han sawi ta a.Mak anti in keini tak pawh chu huaisen minti hlawm hle mai a,kan rindan a thil diklo awm tlata kan hriatna chu min pawmpui ve tlang hle a,hmalak dan tur ngaihtuah a bawhzui vat chu an tum a ni.A chhan pawh,hetiang reng reng a ralmuanglo a awm a,nunaute ti thlabar reng mai tu hi anning ve hluah hluah tawh a ni.

Tichuan,khawtlang hruaitute nen a tang rual chuan chumite nupa chu thiam takin kan kawm ta a,atirah chuan theihtawpin han tang ve bawk mahsela kan dan chrp tlat tawh avangin han tan vak ngaihna chu an hre ta lo hle mai a.A tawpah chuan thudik tak chu zep zo lovin an inpuang ta nge nge a;A nupui Zamanchhungi pa chu ama thah ngei anih thu leh a nupui nen a intiam ruala that annih thute chu Pu Mangliana chuan a sawi ta,tap pur chungin Pi Zamani pawh chuan anmahni tibuai rengtu chu apa Thla anih thute chu a sawi ve bawk a.

Chutiang thilte anih tak avang chuan khawtlang hruaitute chuan sorkar thuneitu lam chu hriattir vatin annupa chuan thubuai rit tak siam sakin Jail run thim lam an pan pui ta a ni .

Chumi hnu chuan rei pawh cham zui talo chuan chu khua chu kan chhuah san zui ve leh ta a ni.