Chinchang hriat zui miahlo a Mi bo lar zual te

Ziaktu: Lz.Tochhong

1. Lt. Felix Moncla (Pilot) :

1953 khan Lt. Felix Moncla chu Kinross Airforce Base radar atanga thil thlawk hriatfiah theih loh awm finfiah tura thlawhna a a thlawk chhuak chu ft.7000 vela sang a a thlawh lai in a thlawhna chawp in a bo hmiah! Tawhsual a tawk palh ti dawn ila thlawhna keh them vel hmuhtur pakhatmah a awm lova, a ruang hlawm tur a awm bawk lova, lei lam atanga radar a a lang reng lai chu thawklehkhat ah a bo hmiah mai a ni.

2. D.B COOPER :

November 24, 1971 khan D.B Cooper chuan U.S ram a Portland, Oregon, Seattle leh Washington inkar a thlawk thin Boeing 747 chu a Hijack a, Tichuan Dollar Nuaihnih phut in a la a. Hemi hnu hian thlawhna atangin Parachute hmang in zan thim hnuai ah a zuangthla a, a chanchin hi hriat zui a nilo. A pawisa lak, chhinchhiahna awm vek chu State thenkhat ah chuan hman a ni tih hmuhchhuah a ni a, tunthleng in hepa chanchin hi hriatzui a nilo.

3. THE FALLING MAN :

September 11, 2001 a World Trade Centre, thlawhna in a sut tum khan mi tam tak in an Phone Camera leh Camera pangngai in thla an la a, chiang takin kha inchhawng sang atanga lu leivit zawng a zuangthla mi pakhat Record a ni a. Mak tak mai chu, He pa hi tunge a ni tih hriat a ni lova, a tlakna hnuhma leh a ruang hlawm tur pakhatmah awm lovin a bo tawp mai a ni. 

4. Harold Holt 1967 :

Ram hruaitu lu ber te an khuangcherbo mai mai hi hriat zen zen a ni lova, englai pawhin anmahni vengtu mi pahnih tal chu an awm reng thin. Mak tak mai in Australia Prime Minister, Harold Holt chu zingkar a insawizawi nan a a tih thin, tui cheng tura 1967 December thla Pathianni tuk a a chhuak chu chinchang hriatzui miah lohvin a bo hlen zui ta a ni. Ram hruaitu lu ber chin hriat lohva bo awmchhun a ni.

5. Babushka Lady :

Kum 1963 a John F. Kennedy kahhlum a nih lai Video clip en tawh chuan he nu hi kan hmu theuh tawh in a rinawm. Overcoat uk a ha a, Scarf in a lu a tuam a, a hmai hliah in Camera a keng a ni. Kha Video ah khan rei tak chhung a lang a, mi zawng zawng in khami hmun an kalsan tawh hnu ah pawh khan rei tak chhung a la teihawi vel lai hmuh a ni. Kha nu kha thuhretu a nihna ang in FBI te chuan an chhui zui a, Mahse tumahin tunge a nih a khawi atanga lo kal nge a nih an hrelo a ni. Nasa taka zawn a nih hnu ah leh chanchinbu zawng zawng a amah inhriattir tur a ngen a nih hnu ah pawh tumah 'Keimah ka ni e' ti a rawn sawi tu an awm lova, tunthleng in amah hi hriatchhuah a la nilo a ni.

6. Agatha Christie : Agatha Christie, English mi, Lehkhabu ziaktu lar tak chu December 1926 khan Surrey chhuahsan in a Car in a kal a. An In atanga hla lo te ah a Car chu kham a tla liam lo chauhva hmuh a ni a, amah chu chhui ngaihna awm lovin a bo hlen ta a ni.

---------------x---------------------