Woolpit khua a Naupang Mak
Green Childrens :
👑 King Stephen a rorel lai AD 1135 leh 1154 inkar khan nikhat chu Woolpit thingtlang khaw tetakte, Suffolk ah chuan a khaw mi ho ina Chinghne man nan a thang ankamna thin hmun pakhat bulah chuan hmeichhe naupang pakhat lehmipa naupang pakhat lo awm hi an
chhar nawlh mai a. Heng an naupang
chhar te hi an danglam hle mai a, an
incheina chu chulai vel ami te inchei
dan ang ani miah lo a; tin, mak deuh
mai chu an vun chu hnimhnah ang mai
hian a hring vek bawk a,an tawng an
hrethiam lo bawk a ni.
Tichuan, chung naupang pahnih te
chu a bul hnai a ram neitu pakhat, Sir
Richard de Calne-a In ah chuan an hruai
a, ani chuan alo awmpui ta nghal a. A
tirah chuan rei tak chhung chu chung
naupang pahnih te chuan bean hring
bak engmah an ei duh lo a ni. Kum khat
pawh a tlin hma chuan mipa naupang
zawk chu a thi ta mai a. Hmeichhe
naupang zawk erawh chu alo thanglian ve
hret hret a, kum alo rei chuan a vun
hring vek te pawh chu a lo reh a, English
tawng te zir in a lo nulat hnu phei chuan
Norfolk lam mi pasalah a nei ta nghe nghe
a ni.
Tichuan, chu nu chuan an chanchin
chu heti hian a sawi ta a: "An rawn
kalna khua chu St Martin's Land tih a ni
a, Ni a sa ve ngailova, zan a awm lo
bawk a, khua hi a êng ruai reng ringawt
a. Nikhat chu an rante an tlat tir a, an
zuina lamah puk pakhatah hian an lut a;
tichuan, puk tawpa an chhuah chuan ni
eng awmna hmun ah an rawn chhuak ta
a ni." tiin a sawi.
Tun hnu ah hian heng
naupang hring te chanchin hi an han
chhui leh ngial a, mahse hun a rei tawh a,
han chhui zui tur a tam lo khawp mai a ni.
Thenkhat ngaihdan chuan natna chi
khat Anemia anvei anga chu chuan an
vun a ti hring aniang te an ti a, mahse
Anemia vei nazawng an vun a hring
bawk si lo a. Rin thu mai mai bak chu
mithiam te pawn han sawi vak tur an
hrelo. Tin, heng lai vel ah hian puk thuk
tak tak atawp pawh hriat mang loh a
tam em em bawk a ni.
Heng naupang pahnihte
hriatrengna lung hi tun thleng hian Woolpit
khuah hian hmuhtheihin ala awm reng a
ni.
Big daddy
Comments
Post a Comment