Thlarau phuba lakna || A bialnu thlâ -I

Thlarau phuba lakna || A bialnu thlâ

(Mizo tawnhriat)

by: Mawia LeneX

Thenkhatna:

☠️ A kum leh nite chu chiang takin la hre mahila ka sawi dawn lova;Engmah hi atak ka hmang dawn lova,he thu lo ngaithlatu thenkhat chuan kan hrechhuak ve thei awm e.

Kan khua ah chuan pa khawsa thei tak,engemaw tih nikhua pawh a stage a thu pha chin deuh ngat thin hi a nupui leh a fapa nen an awm a.

An fapa chu Lalhriatpuia a ni a,tlangval fel leh pangngai tak, ruihtheih thil a fihlim,khawtlang leh kohhranah pawh mi tangkai tak a ni a;Mahse,vanduai thlak takin hun engemawti atang khan mi â ah alo changzo ta a ni.

Tlangval fel tak nithin Hriatpuia chu In ah atawmim reng a,hlau reng rengin hun a hmang a,pawnah reng reng a chhuak ngam tawhlo a ni.Thenkhat chuan hetia a ât ringawt chhan hi, a bialnu in a boral san thut vang a ni e, anti a,thenkhatte erawh chuan a bialnu thlrauin a tibuai thin zawk a ni anti ve thung a,a ât chhan chu engpawhnise a bawraw zia tichiangtu mai mai anni zawk...

A ât a zual chang phei chuan,"ka duhlo,ka ngamlo,min tina tawh suh" tiin a au vel ruai thin a,mu leh mal pawh a nei meuh tawh lova,a bawraw zual telh telh mai a.

 

Doctor thiam tak takte leh rilru lama zirna sang tak tak nei te pawh panin an râwn ve thin bawk a,mahse,a tha thei chuang miahlo mai a,chutiang reng reng a hun leh ni chhiar chuan kum a vei ta hial a ni.

.

Maawmi tualthih thu chuan kan khua,khaw lian lo ve tak chu a dengchhuak chiang hle mai a.Maawmi chu an chenna Inah muhlum a hmuh a ni a,lungphu chawl a ngaih a ni,a thihdanah ngaih thatloh engmah a chhungten anneilo bawk a,postmortem pawh nilovin vuiliam a ni a.Chutiang anih avang chuan sawi zui leh ngaihven pawh a hlawh zui lemlo a ni.

.

Maawmi hi kan veng nula fel leh hmel pawh tha pangngai ve tak a ni a,apa hian a nau sen laiin a boral san a,a nu hova khawsa anni a,hei vang hi nge,a in ngaitlawm theiin a zia a zawi thin hle a ni. A boral chungchangah pawh mite khawngaih an hlawh zual hle a ni.

.

Vawikhat chu Hriatpuia sawi ni awm tak thilmak ang reng tak thu leng a awm a.

"Zan a ka mut a,ka muthilh dawn apiangin, Maawmi thlarau kha ka bulah alo kal a,min bei a,ka nghawngah te rekin,"Sawi rawh,i sawi chhuah vekloh chuan i thi dawn" tiin min vau ziah a, min sawisa hrep zel a ni' tiin.He thu hi a ât tak tak hma deuh a asawi niawmin ansawi a,ngaihtuahna a tithui thei hle! 

Chutiang thu a rawn darh chiam mai chu a mak a,asawi hunlai chuan lo hre nghal ila tihdan dan te pawh a awm mahna.

.

Chutiang a rinthu leh ngaihruatna kan lo zam kan lo zam kawi lai chuan thumak tak mai aleng leh ta a.Thenkhatte chuan,"Ka rin rilruk chiah a ni" anti ru leh sup sup anga, thenkhatte erawh chuan mak anti hle thung dawn a ni.

Lalhriatpuia nu leh pa te chuan an veng Kohhran leh YMA hruaitute ko khawmin an fapa neihchhun Hriata inpuanna chu ngaithla a,hriatpui ve turin anti a ni.

.

Inchhungah chuan an mi sawmte chu an awm thrap tawh a,an fapa mi â Hriatpuia pawh chu a fai deuh vuk a,mi â pawh a ang leh tawhlo a,an mi sawmte lah an bangbo a,enge antih ber tur an hre hlawm bawk silo a,Hriatpuia chungchang chu anih ring tho mahse,thil chu amak vel vek a ni.

Hriatpuia chu a tawngchhuak ta a,mak ang reng takin tawng pangngai fiah fel tak leh inthlahrun hmel tak si chuan,a thusawi tur chu a sawi tan ta a.An Inlengte chuan mak tih hmel tak a en ho chung chuan an thut hual thap a.

Hriata chuan,Aw pangngai si;Mahse,khur deuh lek lek si chuan A thiannu Maawmi a thah dan chanchin chu a sawi tan ta a ni. Chutia a inpuan tak nachhan pawh Maawmi thlarau chuan zantin mai a tihbuai a,a inpuanloh chuan a thah tur thu a sawi fo thin vang a ni. a ti bawk a.A thilsual tih lian tak mai chu atirah chuan athupbo mai theih a inring hle a,Mahse,amah ngeiin asawi,"Thilsual enganga ruk pawhin ti ila,thup theih a ni chuanglo,Pathian hian a phallo a ni,tih hi ka ring tlat tawh a ni.tiin hruaitu ho hnenah pawh chuan asawi a ni.

.

Chutia a inpuan hnu chuan kan veng hruaitute chuan a bawzui zel dan tur chu an rel zui a,Police awmna hnai ber khua pan a,hriattir hmasak ber chu angai tih pawh an hria a..

.

Hriata pawhin a thil tihsual a puan tak avang nge,a pangngai leh sawt viau tawh a;Mahse,a thil lo tihsual tawh chuan ala delh rit hle tih erawh a hriat theih a ni.

Chutiang boruak chu a nih vel nuaih nuaih lai chuan thu dengkhawng tak an hre zui leh ta thut mai a.Chu thu chuan khawtlang a barakhaih hle mai a.

Ole hemi chinah hian kan duhtawk leh rih anga,

. A chhunzawmna, Maawmi thlarauin Hriatpuia a tihbuai thin dante,A thihdan mak leh rapthlak tak chanchinte  rawn sawi leh zel ka tum dawn nia.

👉 Youtube: Thlarau Phuba lakna

.

.9/4/21/friday