Thalrau Phuba lakna || a bianu thla - II

Thlarau Phuba lakna-2

(Then hnihna)

by: Mawia LeneX

☠️ Amah atawngtu Hriatpuia sawidanin ka rawn sawi tawh mai dawn a ni.

💀 Inrinni tuk a ni a,khua pawh a tha hle nghe nghe a,nileng thak a In a awm chu peihlo in chawhnu her hret ah,dai vel a sava veh mai mai tumin ka chhuak a.

Ka vahkual fe hnuah chuan thlanmual ah chuan ka chawl a,eng eng emaw ka ngaihtuah neuh neuh a,eng in nge min mawlh tehreng pawh ka hrelo! Maawmi thlan a kal a,ngaihdam dil chu tul tlata hriatna ka nei a ni.Ka thiltihsual rapthlak tak mai hi ka theihnghilh ngawt thei bik silo a.

Maawmi thlan chu ala vung thar a,a bulah chuan dingin ngaihdam dil chuan ka phun sup sup a,chutihlai chuan khawi atanga lo chhuak nge nausen,za em em a an nui hek hek ang mai hi alo ri chhuak ta phut mai a.Ka thilsawi chu ka tawp chawt a,ka inrin chian hma chuan,"I fapa pawhin anuihzat hle che a ni" tiin maawmi aw chiah mai chuan a rawn ti leh ta a,a sawi zawh chuan ani pawh chu za em em hian a nui ve leh ta chiam chiam mai a.

.

Ka hlau lutuk chu engtin nge ka awm chiah ka hrelo,reilo deuh chhung chu nikhawhrelo in ka awm ni chuan ka hria,ka harh fim deuh hnu chuan hmanhmawh takin In lam ka pan ta nghal a ni.

.

Chutia In lam pan a ka haw lai pawh chuan min zuitu awm ang mai hian ka hria a,engmah chu ka hmu chuanglova,ka beng bulah te chuan a phunri leh sur sur thin a,ka hlau a,ka khua hi sik nasa hle niin ka hria,khatih lai khan pangti lum ka neih pawh ka inringlo!!

.

In ka thlen chuan theih ang tawp khawkin inthup ka tum a,atir ah chuan ka nu leh pate pawhin min hrelo a,mahse,Maawmi thlarau chuan min chenchilh ve tlat tawh tih ka hriat chuan min delh rit em em mai si a,kar loah ka nungchang danglam chu min hre ta thuai thova,a chhan erawh min zawh pawhin ka hrilh duh chuang lova,an mangangin an beidawng hle niin ka hria.

.

Maawmi thla chuan min tibuai nasa telh telh a,"I thi ve dawn" tih ringawt hi asawi nawn reng a,zan a ka mut hilh dawn chiahte hian a rawn inlar a,min tih thaih a,min rek a,min sawisa chiam chiam thin a,ka nunna em erawh ala zuah ve zel a.

.

A chang leh ka muhil ka than harh te hian ka chungah naute sen hi alo thu leh vang thin a,min enkawr a,ka hmaiah te min liak kual leh vak thin a,chutiang ka nih zantin takah chuan a chhan ka hrilh duh silo;ka chhungte chuan mi â,ramhuai tihbuai ah min ngai ta a,tawngtaina chu mi chibhrangbhrang leh kan kohhran hruaitute pawhin min neih sak fo thin,mahse awmzia a awm ngai chuanglo a ni..

.

Mi zawng zawngin mi a ang chiahah min ngai a,amak ka ti lova,pawi pawh ka ti heklo.Ka nun chuan awmzia neiloin ka hria,thil reng reng chu,engmahlo maiag ka ngai a,engmahin minti hlim thei heklo,nung reng chung si hian ka thi hi a ni ber mai.ka rilru erawh a fim vek a,mi te leh ka chhungte ngei ngei pawhin mi a ah min ngai vek tawh tihte pawh ka hre vek a ni,mi a ang a awm kha pawi tihna lah ka nei tawh heklo,ka nun chu a hrehawm em em a,thih maite chu ka duh a,mahse ka intihlum ngam thlawt silova,ka mangang tak zet a ni.

.

Hunrei tak chhung chu,chutiang chuan ka lo tuar tawh a.Mahse,chutiang ringawt chu nitheiin ka hrelo,vawi tam tak Pathian hnena tawngtaiin ka sual chu ka puang thin a,mahse awmzia a nei ngailo.A aia tihdan tha ka hre chuanglo a,Pathian auh chu ka thulh chuang heklo,vawikhat chu mi zawng xawng hriat a inpuan hi a tul niin ka hreta tlat mai a,chumi hnuah pawh chuan vawi tam tak inpuan chu ka tum fova,ka thulh leh thin a.

.

Ka hun tawn leh zel tur ka ngaih tuahin ka tuar ngam tawh bawk silova,ka huaisenna zawng zawng sawm khawmin heti hi kan thleng ta a ni.Ka thil tihsualah Ani'n min ngaidamlo mahse Pathian chuan min  ngaidam hram rawh se...

.

Hemi hnuah hian Police lama hlan turin tih a ni a,khua ah Police post a awm veloh avangin ni hnih khat lai mai police lo thlen hun chu nghah a ngai dawn a ni.Chumi avang chuan,kalkhawm hote chuan an thu hriat mak leh rapthlak tak mai chu Police ho lo thlen hma chu puanzar loh tur anti a,a ruk thei ang berin police lam hriattir tur pawh chuan mi an intir ta a ni.

.

Hetiang hian thu chu rel bawk mahsela,khua ah chuan a thang darh nasa hle a,mahse a hrechiang tur a anrinten engmah ansawi duh tlat siloh avang chuan tuman alang chuan ansawi chuanglo a ni.

Chutiang thil athlen tuk zan lawkah chuan Hriatpuia boral thu chuan khua chu a deng chhuak leh ta a.Zanlai a pel tawh a,Hriatpuia te In atanga tap ri rawih rawih avang chuan a hria apiang chu an tlankhawm nghal a.

Hriatpuia chu ama room chhungah chuan Inawkhlum a hmuh a ni a.A room chhung vel te chu chinleh vak ang mai hian a hnawk nuaih mai a,amah Hriatpuia lah chu sawisak hrep ang mai hian ataksa hmun tin mai chu a pemin a duk thlehthluah mai a,thlabar mitmeng tak chung chuan a thi mengkur mai bawksi a,hmeichhia leh dawihzep deuh tan chuan a rapawm hle a ni.

.

Lam ahlasi a,police lam lo thlen nghah chu tha ti viau mahse,chutia a ruang chu lak thlakloh a dàh ngawt chu tihchi niin an ngailo a ni.Hriatpuia chuan thuziak tamfe mai alo hnutchhiah a,chu thu erawh a chhungte leh mi tlemte chauhin an hria a,Police hnenah an hlan bawk a ni.Thenkhat chuan a thuziak chu a sual puanna niin Maawmi a thah dan chanchin kim chang taka a ziakna niin ansawi a,thuchiang tak erawh kan hre ve ta lo a,Maawmi a thah chhan ber chu afa apai tak vang niin ansawi a ni.

.

Thilthleng vel leh Hriatpuia danglam dan velah chuan Maawmi chuan Hriatpuia fa apai ngei ni chuan alang a,a thah chhan tak a ni em tih chu hriat nimah suh se mite sawi dan ber chu a ni.Thil pawi tak a khawih hnuah a thupbo tumin a aia pawi a khawih zui leh ta si a,ama nunna hialin a tawrh phah ta a ni.Mite chuan Maawmi thlarau chuan Phuba ala ni ngeiin an ngai a ni.

.

Thuchiang fak a hriat nilomahse, Maawmi a thah dan ansawite pawh rapawm leh nunrawn thlak tak hriattur a awm a,Mahse,heti lam hi a hunlai khan a chhungte pawhin sawisak lo hram turin an khaw mite kha an ngen tawp a ni a,chuvangin hei erawh a hriate tan kan thuruk tawp ni mai rawh se.

.

.23/4/2021

.