Khawvel a Sava Kawlhrawng ber ber te

Mihringte tan pawh a thihna hial thlen thei Sava hlauhawm sawm(10)-te:

1. Southern Cassowary: He sava hi alan ang ngawt hi a nilo;mawi danglam tak nimahse Guiness book of Record chuan khawvel a sava hlauhawm berah a ngai hmiah mai a ni.

A hmul dum sei tak leh a lu leh nghawng kawlh leh pawl phut mai si avang hian a danglamin a lâr phah hle a.New Guinea Rainforest leh Australia hmar lam ram thenkhatah te hmuh tur an tam ber a ni. Southern Cassowary sava te hian khawsakna hmun bik deuh annei thin a,an ram bial chhungah chuan an kawlhrawngin an thin a ram thei hle a, ram chuh anti na ve hle thin bawk a ni.

Hetiang sava hi 6ft aia sangte niin pound 130 chuang a rit te in an thang lian thei bawk a ni.An ke  hnung lamah Arpa angin Siak zum leh hriam tak mai an nei a,an invenna leh an ralthuam a ni a, an hmangthiam thin hle a,an siak zum leh hriam tak mai hmang chuan an hmelmate an back kick ta thin a,an tihfuh chuan an hmelmate chu awlsam takin an that mai zel a ni. An vawi khat back kick pawh a hlauhawm hle awm e!

2. African Ostrich : Khawvel a sava thlawk thei leh theilo chi ah chuan a lian ber a ni a, Arabian Ostrich an hriatchhuah  hma kha chuan  Ostrich species dam khawchhuak awm chhun niturah ngaih a ni hman a ni.

African Ostrich

Sava chi nimahse an pumrua alen thin em avang ringawt pawh hian an hlauhawm tham hle a ni. 7ft bawr vel a sang niin pound 230 chuang a rit te anni thei thin bawk.Heng sava te hi thlawk theilo mahsela an tlanchak em em thung a, darkar khatah 43 mel a chakte in an tlan thei a ni.

Heng sava te hian Mihringte beih an ching ve fo thin a,an taksa a lian in a hrawl a,an sut ana thamin an hlauhawm thei hle a ni. Hei hi an hreve ran emaw ni?An pumraw len leh an thahrui ngah chu an hmachhuan ber pawh a ni, an hmelma te chu an suin an chil zui ta mai thin a,Chaklo leh tê zawk tan chuan dam khawchhuah a har hle awm e! second reilote chhungin a hmelma te chu a ching hlum thuai zel a ni.

3. European Herring Gull : Heng tuipui sava te hian hmul var thianghlim em em mai leh tle siau mai neiin mawiin duhawm viau mahsela a hlauhawm ru ve tlat si a ni.

European Herring Gull

A rual khat deuh a an khawsak phei chuan hlauh pawh annei biklo an inti kawlhrawng thei hle thin a, Mihringte hial pawh an bei ve mai thin a ni.

Heng tuipui sava te hian an ke tin zum tak mai leh an hmui hriam tak chu an hmang thiam hle mai a,na takin an hmelmate  pawh an hliam awlsam thei hle a,hei vang hian Mihringte tan pawh pawngpaw zuam ngawt chi chu anni bik hauhlo ang !!

4. Great Northern Loon : Great Nothern Loon te hi Sava ai chuan Varak kan tih ang chi hi anni mah zawk awm e. Langsar vak silo ah chuan a hlauhawm ru ve pawl tak a ni.

Tui a cheng deuh chawt chi anni a,Boreal  leh Temperate Forest velah hmuh tur antam deuh ber a,Nothern Eurasia leh North America vel ah pawh tam vaklo chu hmuh tur an awm ve bawk a ni.

Heng Great Nothern Loon - te hi pound 12 zet a rit te anni ve thei a,hmui zum sei tak leh hriam tak mai an nei a sangha man nan an hmang thin a ni. A huai bak leh kawlhsen deuh te chuan mihring beih mai te an ching a, mihringte tan pawh an hlauh awm ve thei hle a,fimkhur loh avanga heng Varak ten an chuk hlum tak pawh sawi tur an awm nawk tawh a ni.

5. The Mute Swan: Mihringte chauh pawh hi kan loni biklo; Sava te pawh hi an lan dan ang ngawt hi annihna alo ni bik hlek lo mai!!

He Vatawk pawh hi a hmul var thianghlim tak chuan tuam in mawi danglam viau in lang mahsela,a ram awp chinah chuan a thinchhe ve thei hle mai a,a chenna bul hnai lui leh dil a kalte chu alo bei thut thut mai thin a ni.

A hlauhawmna chhan em em pakhat pawh he Vatawk Sava chak leh tihrawl ngah zet mai a ni a, a lian bawk a,a thla khawng leh rinawm em em mai chu a hmang tangkai thiam hle thin,tih thinrim a hlauhawm hle a, Nunna chan hial theih na a ni.

Mihring a beih reng rengin Mitmu a tum hmasa ber zel a,chumai bakah a hmui a a chilh hi a hlauhawm em em bawk a ni; An hmui hi a khawngin a hriam em em a,a chak tha em em mai bawk a ni. Saruh nazawng chu awlsam takin a chilh keh rep rep thei hial a ni. 

Heng sava te hi khawvel hmun hrang hrangah hmuh tur awm  ve bawk mahse Eurasia North America huam chhungah hmuh tur an tam deuh ber a ni.

6. The Barred Owl: Heng Chhimbuk te hi sa hel ei chi sava te zingah chuan an tè bik hle a,alian pawl pawh pound 3 vel chauh a rit te anni ve thei a.Nimahsela, a aia rannung tè zawk te tan chuan ral hlauhawm tak anni ve tlat thung awm e. Anni tan chuan an tuktin tukthuan anni mai si a !! 

Heng Chhimbuk te hi United State chhimlam Swamp forest antih hmunah an khawsa tam deuh ber a ni.

An hmul nem leh mawi tak maite hian a tuam mawi satliah mai nilovin thawm ri chhuak tur lakah a veng a, a eizawnna kawngah nasa takin a tangkai pui hle. A sa man tur ten an hriat hma in a chet khalh zung zung hman tlat zel a ni.

An thil man te chu an ke tin zum leh hriam tak hmang chuan nghet takin an lu ah tak an tham beh sak a,an hmui hriam leh kawm van mai chuan an pet thla ta hlawk hlawk mai thin a, An sa beihte reng reng hi an lu ah antum deuh kher thin bawk a ni.

Pacific Hmar thlang lam ramah hmuh tur an la tam ber a ni.

7. Lammergeir: Mu chi khat,fing leh remhre zet mai a ni a. A hming hi German tawng niin a awmzia chu Lamb Vulture tihna a ni. Lamb vulture niringawt mahsela, rothap leh koham tak tak vek anni lawi si a, Ruh chhung a thlingte hi an chaw tui ber a ni nghe nghe bawk a ni.

Saruh lian pui pui te chu tham betin Van sang takah an thlawh chhoh pui a,an hnuai a lungah chuan an thlak keh ta thin a,thling lo baw chhuak te chu tui ti takin an ei mai tawh thin a ni.

Heng saruh an put te thlak kehna tur hian lung chung hi thlanna chang an hre ve tlat mai a,an eizawnna pakhat tur a khuanu ruat a nih tlat avangin....nikhua an hriat theih tirh atangin hetiang Saruh thlak keh dan hi an inzirtir tan nghal thuai thin a ni.

Mihring leh Ran chak vaklo leh chau rau tawh tak tan phei chuan an hlauhawmin an chimawm em em mai a,an sa eitur te chu an thih hun nghakin an hel an hel tawh mai thin !!!

8. Snowy Owl: He Chhimbuk hi hmartawp vur ram lam a khawsa chi a ni a,Sava fing leh remhre tak mai niin,Mihring te pawh beih ve zauh zauh a ching hle bawk , Hetianga, a mi beihte reng reng chu an hmai tumin anmit mu kher chhuah sak talh tumin an ke tin zum leh hriam tak mai chuan an ham chiam mai zel a, En ai hian an hlauhawm reuh hle a nih hmel !!! 

Arctic tuipui kam vel ah hmuh tur anla tam ber a, chenna hmun an  thlang vawt thei hle mai a,  -50°degree hnuai lamah an cheng deuh ber thin bawk a ni.

9. Falcon: Arabian Pennisula ram velah chuan hmasang hun atang tawh khan heng Mu te hi an hre lârin ngainat leh ngaihsan hlawh pawl tak an ni thin a.Mahsela, Sava hlauhawmte zingah chhiar loh theihloh a ni ve tlat lawisi a ni.

Ral rel a thiam hle a,A ralbeihna ah reng reng timna leh hlauhna eih a nei ngai lova,chumai bakah inven let dan a thiam em em mai bawk a ni.

A huhovin an huaisar thei hle a,ke tin zum hriam tak mai an neih bakah hmui zum leh hriam tak an nei bawk a,an hmui hmawr hi a kawm van mai a, a khawng em em mai bawk !!  Hengte hi a ralthuam famkimte chu a ni a,an hmang thiamin an ral beihte chu an ring ruh a tum chawt zel a, harsa lo takin an chilh tliah sak zung zung mai thin a ni.

10. Red-Tailed Hawk:  He Red-Tailed Hawk hi Mutê fing leh remhre tak mai a ni a,a rual a  mihringte an bei anih chuan an hlauhawm ve thei hle thin a ni.

Fimkhur leh uluk takin an ralbeih turte an veh a, hun remchang an hmuh veleh chak taka thlawkin, an thil man tur chu an tin zum leh hriam tak hmang chuan nghet tak a thamin chak takin an thlawhchhuah pui nghal ta thin a ni. 

An ke tin sei tak leh hriam tak mai hmang a,aia chaklo zawkte theihtawp a,a han tham chu dawrawm zawk tan chuan damkhaw chhuahna chi rual a ni awm love!!?

👉Youtube : Sava Kawlhrawng ber ber 10

* Mawia Lexnex

.

.

.