The Leap Castle Hrâng Chanchin

Kulh hrâng an sawi țhin lar tak mai Leap Castle hian thawnthu ropui leh thui tak a nei a. Mahse tawitein kan tarlang dawn nia.

Leap Castle hi Roscrea, Ireland a awm a ni. A chhunga cheng mi nunrawng leh tawrawt tak tak avang hian chanchin ropui leh ngaihnawm tak tak a ngah hle.

.

He Kulh hi 13th -15th Century vela sak nia hriat a ni a.1250 AD vela 0'Bannon chhungkuain ro an rel lai a ni. A tir chuan "Leim Ui Bhanain (Leap of O'Bannon)" tia koh a ni.

.

Kum 1513 khan Earl of Kildare chuan he Kulh hi rûnin, lak a lo tum tawh a, mahse a hlawhchham a. A hnu kum 3 velah a rawn thawk tha leh a, a la ta a, a țhiat țhen nual bawk. 

.

Kum 1557 khan O'Carrolls te hian an la let leh chauh a ni.

An unau hi iner tawnin nasa takin an intibuai țhin a. An unau pakhat chu puithiam (priest) a ni a. Mipui pungkhawm tam tak a kaihhruai laiin a unaupa pakhat chuan ngunhmanin a rawn vithlum ta thut mai a ni. Chuta țang chuan he biak-buk hi "Bloody Chapel" tih a lo ni ta a ni.

.

He kulh hi an tuai that lai hian hnathawk te chuan tan in (dungeon) mi tam tak thihna an hmu chhuak a. An han then fai zel takah chuan ruhro tawlailir 3 vel phur zawh tawk an hmu a chhuak hial a ni.

.

1991 atang khan Sean Ryan chuan neitu chan a chang ta a, a lo ropui tawhna zawng2 chu ngai awhtir leh vek khawpin a rawn cheibawl ta a ni.

.

He Castle ah hian mi tam tak thah, hrem hlum leh nghaisak an nih avangin a lo hrang ta niah an ngai hmiah a ni.

.

Murder Hole Room , Muckle Room tia an koh hmun bik pawh a awm a, thisen kai hmuh a ni bawk. A chhan niawma an hriat chu an unuauin neitu nih inchuha an inthahna vel a nih an ring.

.

Red Lady an tih mai, thlahrang chu mi tam takin an tawng fo va, khandaih hriamtawn/chem lian kengin mi tihhlum tum angin a lo tihțhaih thin a. He nu hi tunge ni ang, tia an han chhui let chuan O'Carrolls-an hmeichhia pakhat tharum thawhna nena a lo pawngsual, nau rawn pai ta si, a naute pawh chu a thahsak zui tak leh a pawngsualnu pawh a intihlum zui tak chanchin nen an chhuihdawn ta a ni.

.

Hmeichhe naupang 2 - Emily leh Charlotte te thla an hmu thin bawk a. Enge maw changin an infiam a, leilawn ah te an tlan zawt zawt lai an hmu bawk.

.

 Emily hi kum 11 a nih laia Indona kulh bang atanga tla hlum kha a ni, an ti. Chumi thla chu mi tam tak hmuh lai ngeiin a rawn tla thla a, lei a thlen hmain a bo leh daih thin a ni. Charllote thla ve thung chu a ke lehlam chhe tawh tak hnukin a kal ve hnek hnek thin bawk a ni..

.

Kum  1604 / 1605 khan Ely O'Carroll ram hi Kings county in a rawn beih lain O'Carroll-a fanuin Darby hi a tlan chhuah theih nan a lo pui a, a hnuah pasal atan a neih phah ta a ni. Chumi hnu kum 1642 khan Darbys chhungkaw hnenah hian he Castle hi hlan a ni ta a. 

Darbys chhungkaw  mi Mildred Darby chuan kum 1909 khan heti hian lo sawi. "Gallery ah dingin chhuatpui (main floor) lam ka en reng lai chuan ka dârah hian kut rawn Inbâng hi ka hre (feel) ta tlat mai a. Chuta ka thil hmuh zet chu Beram tiat vel, mihring hmel - hmai pu, mihrinnaa erawh nei miah si lo hi ka bulah chuan a lo ding reng a.Taksa pum zahve lai țawih tawh si, hnungzang kaw chek chuk mai, mit meng hur tak chung hian mi han en vung vung a. Uih rimchhia hian ka hmai a rawn ur chu, thihpui khawp thawthawngin ka luak a tichhuak a, a rim chhiatzia chu sipai rual ruang thi uih a ang ber a ni", a ti.

.

 Khaw chhunga chengte chuan zan reiah hian a chhawng chung bera tukverh ah te hian meichher/khawnvar second reilote chhunga alh sup sup an hmu țhin bawk a ni.

*Pic: Leap Castle, Ireland.

-Valpuia Leo Chawngthu