Nausen tawih theilova vawn that rei ber!!

Italy rama Palermo hmunah Dec 13, 1918 khan Rosalia Lambardo hi a lo piang a. Kum 2 a tlin hma hret Dec 6, 1920 khan Pneumonia vangin a thi.

.

Rosalia a thih hian a pa Mario Lombardo chuan a tuar em em a. Mitthi ruang țawih thei lo tura sawngbawl thiam tak Alfredo Salafia hnenah țawih thei lo tura sawngbawl turin a ngen ta a ni.

Tun thleng hian a taksa chu tha taka vawn a la ni a. 

An zalhna hi Capuchin Catacombs, Palermo,

Italy ah a ni. He hmuna mihring taksa țawih thei lo tura sawngbawl upa ber a ni.

.

A kuang hi glass a siam a ni nghe nghe. Mihring taksa vawnhim țhat ber a nih avangin kum zabi liam tawha mihring taksa sawngbawla dah țhat dan hriatna pawimawh tak a ni. En mai chuan tui taka muhil berh berh a ang hle.

.

Kum tam vak lo liam ta khan anthropologists te chuan țawih thei lova vawngtute thuruk chu hai chhuakin a taksa khawih danglam miah lova țawih thei lova siam tu chuan kum 1933 khan thlanah a zalh tih hmuh chhuah a ni.

Chuta an thil hriat chhuah chu Rosalia Lombardo taksa vawng țhatu atan chuan heng formalin, zinc salts, alcohol, salicylic acid, leh glycerin chawhpawlh hi hman a ni tih hriat a ni bawk. Chung an thil hman țheuhte chuan hnathawh chi hrang theuh an nei a. Formalin chuan bacteria a that a, salicylic acid chuan fungi ho a lo that bawk a, alcohol chuan a taksa a tih ro bakah a vawng țha a, glycerin chuan a taksa ro lutuk tur a veng bawk a ni.

.

A chhûngte boral zo tawhin an taksa Thlanmualah țawih ral vek tawh hlawm mahse nausen Rosalia taksa chuan hmuh theihin khawhar takin Catacomb a hmun pakhat a la luah ve rân a ni.

.

- Valpui Leo Chawngthu

----------------------------------