2020 July zân a Thlarauin min chhanhim dan mak!!

Hmun dang ang bawkin kan khua Vltf duty te chuan an ham strict ang reng hle a,taima takin hlawh pawh nei hranpa lovin mipuite kan him tlan zawk nan tiin chawlh hahdam pawh sawi thei lovin an duty a,an zahawm hle a,mipui lam pawh in an thuawi chu kan bat ve liau liau niin ka hria.Mi tlawmngai tak tak hmuh tur tam tak kan la kat nuk mai hi kan vannei em em in ka hria!

Hripuiin len lai a ni a,chetvel pawh a harsa hle a ni.july thla laihawl vel kha a ni a,chawhmeh thlaite pe in vltf hriatpuina thlapin khawpui lamah kan kalpui a,amaherawhchu hla viau mahse riah leh kawng laka khua ah te riah an phallo a,kan hman hun hun a kir leh nghal tur a thupek kanni a.Chutiang tur chuan pik up motor hmangin kan chhuak ta a ni.

Ruah a tlak deuh reng avangin chawhnu her hret ah kan chhuak a,july thla ah chuan chutiang baka khawtha chu kan beusei lemlo a ni.

Tichuan,tluang takun kan tum ram chu kan thleng thei a,kan tih tur tul ang ang kan tih zawh chuan let leh nghal tur chuan kan inbuatsaih lehnghal zung zung a,hetih lai hian dar 11:00 a pel tawh a ni.

Zan chu rei viau mahsela thuneitu te lam thupek ang chuan mahni khaw lam pan chuan kan let leh nghal ta vang vang a.

Ruah la chu a tla duhin a sur tam tulh tulh leh nghal a,tlan pawh a ti harsa hle a ni,kan beisei angin kan khua chu kan thleng thei dawnlo niin alang a ni.

Kan pathum chuan kan chuan ho rei tawh vang nge sawi tur kan hre tawhlo tlang hle mai a,kan ngawi leh vung vung thin a,ruah sur ri buan buan avang chuan tawng ri pawh inhriat tawn a harsa hle bawk a ni.

Kan khua chu 30kms emaw velin kan thleng lova;khaw kar kawng ramhnuai kan tlan lai chuan namen lovin ruah chu a sur ta buan buan mai a,han tlan luih chi rual a ni ta lova,remchang lai hmasa berah din chawlh rih mai chu kan tum ta ni.

Tichuan,muangchang leh fimkhur takin kan tlan zel a,zan a rei tawhin khua chu a vawt deuh vur mai bawk a,ka bul a mite pahnih lah chu an muthlu leh lawp lawp thin a,ngawi rengin ka motor chu kawngthlag zau laiah chuan ka site ta a.Zun zung a han chhuah theih ziazang a nilova,ruah chu a sur buan buan reng mai a,thli a thaw leh vuk vuk thin a,kawl a phe leh zuai zuai thin a,khawpui chu a ri kal rum rum reng mai bawk a,kawng sir a tuihawk luang pawh a thawm atang chuan a so bulh bulh ngei ang tih tur hi a ni.

Chutia kan han din takah chuan ka bul amite pahnih pawh chu anlo harh ve ta a,meizuk te siamin kan titi zui leh ta mai mai a.kan eitur pai ang angte chuan kan in hnawh puar bawk a.Chutih lai tak chuan kawl a rawn de zawr zawr a,a engah chuan engemaw mihring ruangam ang deuh hi kan hma kawngah chuan awm tlatin kan hmu hlawm a.

Motor light chu ka han on a,kan mitvai ani hauhlo mai,kan thil hmuh chu alo la awm reng mai a,mihring pangngai nitheiin kan hrelo,ruah nasa tak sur hnuaiah chuan kan lam hawiin hmeichhe pakhat avar vek a inthuam chu alo ding reng mai a,kan thianpa phei chuan a hlau hle a,a khur ru der der a,tawng pawh a tawngchhuak hlei thei meuhlo a ni.

Chutia che changlo a kan thlir reng lai chuan chu hmeichhia chuan a kut chu rawn phar in min rawn hui ta zauh zauh mai a,dik tak chuan kei a upa ber pawh chuan ka hlau ru ve deuh a ni.

Amah chu zui turin minti ni ngei ka hria a,ka thiante pahnih chu ka han rawn a,ka bul thu zawk chuan aw lawi deuh rut hian zuilo tur a min tih pah chuan motor light pawh chu a off nghal a,keipawh chuan ka hnial em em bik lemlo!

Ngawi rengin enge lo thleng zel dawn tih chu nghak ru deuh hruin kan thu ngawi thap hlawm a,tumah chu kan tawngchhuak chaklo a ni ber mai,ruah lah chu ala sur tam em em reng mai bawk si a,boruak chu a ritin a hahthlak hle a ni.

Hlauthawng ru tak a kan awm mek lai chuan kan motor chu sawi deuh luai hian kan hria a.Mahse,engmah a thleng zui leh ta lem lova,hun reife chhung chu thil lo thleng mai tur awm a kan hriat tlat avangin kan nghak ru ran mai a ni.Mahse,kan beisei angin thil engmah athleng zui ta lova,tlemin kan thla pawh a muang ve leh ta deuh a ni,hetih lai vel hi zinglam dar 1:30 bawr vel a ni.

Han titi a,han tawng rik te pawh chu a nuamlo kan ti a ni ang,kan ngawi thuap a,mutchhuakin min rawn zem chiai chiai a,ka bul a mite pahnih pawh chu an chau deuh bawk a ni ang, anlo muttui leh hman viau niin ka hria.

Ka harh hlawl chuan ni chu tar ang vah alo ni tawh ang,ka bul a la hnar suk suk pahnih chu ka sawi harh nghal a,kawngkhar chu hawngin pawnah chuan ka chhuak ta nghal a,kan thilhmuhna bawr vel kha va chian mai mai ka tum a ni.

Mahse,thilmak tak kan tawng ni ngeiin ka hria,kan dinna lai chu ka hai zawk nge,Waitingshed ansakna chu pel hretin a kawtzawl sirah khan motor chu site ngei khan ka in hre si a,Waitingshed kha alo awm ta reng reng lo mai a,mak ka tiin ka thiante chu ka ko chhuak nghal a.

Anni pahnih pawh chuan ka hriat ang chiah chuan an hre ve thova,mak kan ti tlang hle a ni,tun a kan awmna atang chuan Chawlhbuk te chu kan hnunglam kawi khat vel lekah chuan a awm niin kan hria a ni,a dik pawh a dik ang,he kawng na na na hi chu kan hre bel thawkhat viau a ni.

Kan hriat sual mai a nih kan ring theilo a ni.a chhan pakhat leh pawh kan thil eina hnawm hnawk glass kar atanga kan paih chhuah maite pawh chu hmuh tur a awm ta hleklo mai a,glass bottle kan paih pawh engmah hmuh tur a awmlo a ni.A mak kan tiin angaihna kan hrelo hle a ni.

Tichuan kan inrawn tlang a,kan dinna ni ngei a kan hriat chu va chian leh ngei chu kan tum ta a ni,kan hriat dan ang chiahin kan dinna lai waitingshed chu kan hnung kawi khatah chuan alo awm ngei mai a.

Mahse, mak tak maiin achhak ko sang a lung chu nasa taka tawlh in kan dinna lai chiah ni a kan ngaih ah pawh chuan lungphek lian em em mai hi alo insawh bur vu mai a,mak kan ti hle tawh a ni,motor atanga chhukin rang takin kan han bel chiang thuai a,abulah chuan kan thil eina leh bottle ruak pawh chu alo awm ngei mai a.

Chutah zet chuan engmah kan hresuallo tih kan chiang ngam ta,mak kan tiin kan hmeichhe thlarau hmuh khan kan nunna min chhanhim sak ni ngeiin kan hria a,kan motor sawi luai luai a kan hriat khan min chawisawn a nih chu kan ring ta deuh ber a ni.Mahse,tu thlarau nge ni ang tih erawh kan hre biklo a,tu thla pawh nise thlarau tha tak anih ngei chu kan ring a ni.

- Rinfela pa

.

.