Tleirawl pakhat taksa ah a phir pui taksa thenkhat awm !!

      Philippines a hmeichhe tleirawl, school naupang pakhat chu a pumah a phîrpui tur taksa ṭhenkhat a awm avangin a khawngaihthlak hle a.

Veronica Cominguez hi IIigan City a cheng an ni a, a pum (stomach) ah hian a phirpui tur taksa ṭhenkhat a awm a, a ṭhanglian ve zel bawk. Veronica i hringtunu hian phir pakhat zawk hi a pai puitling lo va, Veronica taksaah hian a awm ta ni a rin a ni.

Kum 14, Veronica hi school kal lai ani a, a taksa a a phirpui tur taksa ṭhenkhat awm hi a ṭhang lian ve zel a ni. " Naupangte ka nih laiin ka taksaah hian ke(foot) ang deuh hi a awmin ka hre ṭhin a, ka lo ṭhanglian chho zel a, ka taksa a mi pawh chu a lian ve zel a ni" tiin Veronica chuan a sawi.

Veronica-i nu (mother) chuan, an chhungkuaah hian phîr nei an tam thu a sawi a, Veronica- i te a pai lai pawh hian phîr pai a, nei turah a inngai ax doctor pawh a pan lem lo a ni. Mahse Veronica-i phîr pui tur hi a pai puitling ta lo va, Veronica-i chauh a hring ta mai chu mak an tih thu a sawi bawk.

Philippines Children's Medical Centre a Veronica-i doctor, Dr. Beda Espineda chuan, Veronica i hi zai a nih tur thu leh a taksa a hetiang lo awm hi paih harsa a nih loh tur thu a sawi. Barangay Council of Kabacsanan thupuangtu chuan, " Veronica-i i zai turah siamfel vek ani tawh a, nunphung pangngai taka a nun tawh kan beisei. Veronica hi naupang fel tak, fing tak ani a, a taksa avang hian harsatna tam tak a tâwk a ni. Ni zawng zawngin kan khawngaih em em a, karleh lamah zai a ni dawn a, tunah hian nunphung pangngaia a nun leh theihna turin a nghâk mêk a ni" tiin a sawi.

Source: Lad Bible 1.8.2018 (Wednesday)

Lz Pautu
Tlaizawng Pâr