The Shroud of Turin

Lal Isua tuaman puan ni a an sawi kha: Khawvel a sakhaw thil hlui zinga an ngaih hlut ber pakhat 'The Shroud of Turin' an tih Turin khua a cathedral a an vawn that puan a Isua taksa thla lo lang a ruang tuamna puan an tih hi a chanchin kan hre nual tawh anga.He Isua tuamna puan an tih mai hi a chanchin sawi neuh neuh a tam in sakhawthil ah chuan chui chian hlawh pawl tak pawh a ni awm e. He Shroud Of Turin an tih hi puan 4.34 metres a sei leh 1.09 metres a hlai a ni a.

He puan ah hian mihring thla ang tak fiahlo takin a lang a. Sawidanah chuan heihi Isua thlana an phuma an tuamna puan kha niin sawi a ni. He puan hi a rawn lan tan na hmasa ber chu a neitu Knight pakhat, Geoffery de Charny-I in Liery, France rama kum 1353 a mipui hmun tur a a pho chhuah atang khan a ni. Hemi hnu hian a tunu Maguerite-i chuan Duke Louis of Savoy hnenah 1453 khan a pe a, 1532 khan Savoys te an dahna chapel chu a kan avangin a kang chhe tep a, hemi hnu 1578 khan Turin cathedral ah an pe ta a , hetah hian uluk takin an vawng tha ta a ni.

He puana mihring thla lang hi chuti takin a fiah lova, mahse 1889 kan thlalatu pakhat Secondo Pio chuan chu puan thla chu a la ta a, chutia a thla a lak chuan a thlalak chu print turin a negative an siam chuan a thlalak negative ah chuan chiang tak maiian mihring hmel leh taksa ruangam vel, mitlawnga hmuh thei siloh chu a lo lang tat lat mai le. Fiahlo taka a puan a lang riai ruai ang kha a nit a hlek lo mai.

Mihring hmel diktak khabe hmul nei , a banrek leh a kephah a hliamna nhuhma awm leh a hnungzanga hruihruala vuakna hnuhma awm chu a negative ah chuan chiang deuhin a lo lang ta tlat mai le. Tin, a luah chuan hling lukhum khumna hnuhma ang tak pawh a lang thei bawk. Mi tam tak tan chuan Lal Isua tuamna puan ngei a ni tih chu rinhlelh rual a ni talo. Heta hmel lo lang hi kum 30-40 inkar mi vel hmel a lo ni lehnghal bawk si. He Shroud Of Turin hi Lal Isua tuamna puan kha a lo ni tak take m the chu khawvel in a buaipui a lo nit a.

Tichuan mithiam ten uluk takin an han chhui zui ta a, carbon14 dating hmanga an han en chuan a puan chu kum 1260-1390 inkar ami a ni tih an hmuchhuak ta tlat mai le daih mai. Chuti anih chuan Isua tuam na chu ani theilo hrim ..chuti anih si chuan engtinge a thla hi a lan theih? Tu kutchhuak nge? Engtianga siam nge ni ta ang? Zawhna tamtak a awm thei ta tlat mai le…

Chutiang alo nih si chuan tiin an han zir chiang ta a..Kan sawi tawh ang khan alem hi mitlawng a en aiin thlalak a negative a en in mihring hmel leh pianphung hi a chiang zawk a, patling kut leh ke leh hnungzang vel a hliam tuar lem ani. Mahse uluk tak an han en in a hnung lam ami mihring thla leh hma lam ami hi a intiat lo tlat mai, tin ziah chawp, painting rawng engmah hman ani bawk si lo Catholic kohhran lah chuan an hlut ropui bawk si..engtinnge, tu in nge hetitak a thil ang leh tak ang hi siam ang? tih chu zawhna lian tak a ni ta.

Leonardo da Vincy bawk an puh leh ta mauh mai. A hun lai velah khan ani tluka themthiam leh thluak tha an awm lova. Mit lawng a hriat theih loh thlalak negetive atang choh a lang thei a siam thei tu tur chu amah chauh a ni tlat mai..amh hi PRIORY OF SION in an ruai anga Kristian ho te deusawh nan an siamtir anih an ring ta ber mai a. Kum 600 cuang a liam tawh si. Thudik hriat a har tawh awm..Photograpic system chikhat hmang in mihring tak tak taksa model ah hmang in a siam ani e an ti. Tin, a hmel atan amah a inhmang an ti bawk.

He puan thlalaka a lu leh a taksa hi a inmil chiah lova chuvangin Leonardo hian mihring taksa dang ah ama hmel hi a hmang niin an ngaih phah a ni. A enga pawh chu nise mi tamtak chuan The Shroud of Turin hi Isua tuamna puan tak tak anga ngai an la awm in tunah pawh hian uluk taka vawn that ala nit ho mai a.

Leonerdo khan lo siamchawp nitase engtinnge a taka lang si lova a negative chauh a lang turin a siam ang tih chu khawvel mithiam te lu ti hai tu chu a ni ta tho tho a ni. Chutah tunhnai mai khan ngaihdan thar a rawn piang leh ta tlat mai le. Tunhnai mai khan mithiamte chuan AD 33-na bawr chho khan Jerusalem velah lirnghing na tak mai a thleng a. Chu lirnghing chuan protons particles tamtak a tichhuak a, chumi chuan X-ray ang deuh in Lal Isua taksa thla kha a tuamna puanah hian a lan tir ta a ni an ti leh ta tlat mai le. He puan hi carbon 14 dating a an en nawn leh pawhin kum 768 bawr vel lek a upa ni in a lang a, chuti anih chuan kan Lal Isua tuamna puan kha chu a ni theilo hrim hrim mai a.

Mahse hei tak mai hi tunlai mithiamte chuan thermal neutron nitrogen nuclei a lo capture anih avangin a carbon 14 dating result hi a dik tak a ti lang thei lo a ni an ti ve leh tawh tlat mai...Inhnialna zawng a la ti awm zel dawn a nih hmel khawp mai.

*Source: Almanac Of The Uncanny/The Unexplained/Independent/Into The Unknown **Image: Google Image- Lal Isua tuamna puan an tih a thla lo lang chu