Sudden "Surrender or Death" I

(Chapter - I)

Ni chu van laizawl ah a eng sut a,a sa em em mai bawk a,chu thlaler ram ro zet chuan mei rim a nam vung vung mai a,thli thaw ve te lah chu Hremhmun atanga lokal emaw tih mai turin a lum huam mai bawk si a,atuartu tan chu namailo tak tur a ni a.
.

Mahse,chu thlaler hremhmun hreh awm tak rawn paltlang tumtupa chuan mel tam tak a rawn paltlang tawh a,a hma lam mel sawmhnih vel lekah chuan khua a awm tawh a ni tih hre chuang miahlo chuan tumruh hmel takin a hma lam chu a pan tang tang a.A sakawr dum lian thelhthawlh tak mai pawh chu a chau tawh  ni tih hria in a tur hmanhmawh duh lem lova,Ngawi reng chuan hmalam chu an pan dun chhat chhat a.
.
Thui fe ankal leh hnu chuan ramngaw ni awm tak chu an hmu ta a,chupa sakawr pawh chu a phit deuh deuh dat a,tui rim a hria  a ni ngei ang le,a hma aia chak deuh zawk chuan a han kal deuh sauh a,tlan erawh a la tlan peih biklo pawh a ni mahna.Ramngaw chhung chu alo thelh nuam hle mai a,Sakawr leh mihring hnuhma tam tak an hmu a,khua an hnaih viau tawh a ring a,ngaihtuahna tam pawh ala hmang mumal theilo,an hma lawk a luite luang ri kar kar chuan a bengluah rih zwk tlat a ni.
.
Luite tui thiang vawt tha em em mai chu an putu chuan duh tawkin an han dut dun khawlh khawlh a,an taksate chu an tidai dun tawk tawh bawk a,kal mai tum chuan an han insiam a,chutih lai tak chuan a hnunglam atang hian hmeichhe ni awm tak hian,"I ban kha sang tak ah phar rawh" a rawn ti a,silai kau ri rap riin a zui nghal a,Chu mikhualpa chuan a rawn betu chu hmeichhia a ni tih chu a hre nghal mai a,mahse,tha taka ban phar nghal mai chu a finthlak rih zawkin a hria a,muangchang chuan a ban chu sang takah a phar ta a,chutih pah chuan inher mai a han tum a,Hmeichhia chuan,"Thupek dang i dawn hma chu i din ngai khan ding reng rawh,chutilo chu ka kap nghal ang che" tiin a han vau pah a,chumi pah chuan Mikhualpa chu fimkhur takin a pan phei a,a hnunglam atang chuan mikhualpa Pistol Pahnih paite chu phawisak a han tum a,Silai kawm a khawih hman chauh tih ah chuan Mikhualpa chu a han vir zawk a,Hmeichhe rifle ken chu a vai per lawp a,Hmeichhia chuan mak pawh ati hman kher awm love mikhualpa silai hmawr chuan alo en reng tawh a,Mikhualpa chuanhre awlo tak hian,"Uai hmeichhia lah ni reng chuan i vannei hle mai,chuti nilo se chuan...." Hmeichhia chuan,"Min kap ang maw?" alo ti thuai a.
.
"Maithei!!"
.
"Tualthah hmang ami inih a?"
.
"Tunge ka ni ti a?"
.
Mikhualpa chuan a silai chu a holster ah chuan nalh fahran hian a han thiat lut zauh a,chutah Hmeichhe silai chu chhar sakin a pekir leh ta a,"Ka tih palh a ni...Hmeichhia ini..." Mikhualpa chuan ri hman chauh a,"Nia,ka vanneih phah bawk a..." alo ti ve khauh a.
.
Mikhualpa nen chuan buaina engdang mah neilo chuan an titi dun ta mial mial zawk a,Mikhualpa pawh chuan chutiang ang hmeichhe hmeltha chu a hmuhlohna arei tawh bawk a,a bul a han tal khawtlai hlak pawh chu a pawi ti lemlo a ni.
.
Chu Hmeichhe pian nalh leh hmeltha zet mai chu an piah lawk a Ranch pakhat neitu Jack Jafferson a fanu Elizabeth Jafferson alo a ni a,chu khua ah chuan an ranch chu a lian ber pawl a nih thute,tuna an awmna atang a mel sawmhnih bawr vel leka hla a awm a nih thute chu Nula chuan a hrilh zung zung a.M ikhualpa chuan chuti taka a ringnghal mai chu mak pawh ati zawk hial a,a rilru la thiang hlim hleah a ngai mai a.
.
"Texas lamah chuan Jim Green tiin min hre thina chu chu la chhawm zel mah ila pawi ka tilo" nelawm hmel taka nui deuh sang chung hian alo ti a.Chutah,"Hetiang laiah te enge silai nen te itih ve reng reng a?" tiin thutak deuh hmel zawk chuan a han tih chhunzawm leh a.
.
Nula chuan,"Ni e,helai thleng thleng kal chu phalsak chu ka ni hranlo a,mahse,kan ram chin hi ka hre chak ve bawk nen,helai velah chuan silai hi roreltu ber a ni a,ken tel zel hi a finthlàk ber a ni."
.
Mikhualpa chuan nula chu a han thlek thuak a,rilru paukhauh leh luhlul tak a nih a ring mai a,chutah,"Chu,misual antam viau elaw?" a han ti leh a."Duhthusamin an tam a ni,Cowboy zurui atanga bawngruk,rel rawk hmang thleng mawle,hengho vang hi alawm buaina kan neih reng a,nunna tam tak kan in chan chhan chu.." Eli chuan a han ti vei tan tan a,Mikhualpa chu a nui ringawt a,engmah phei chu a sawi zui lem lova.
.
"Nuihzat thlak a awm ami?"
"Awmlo ve" tiin Green-a chuan alo chhang ve leh mai a.
.
Nula bawk chuan,"Nangpawh chungho zinga mi chu inilo maw!?" a hàn tileh hehaw a,Green-a chu a nuita chiam mai a,chuatah,"Chutiang chuan min hmu ami?" a han ti ve leh a.
.
Elizabeth-i chuan chu tlangval chu a hanthlek deuh vang vang a,fel hmel riau hian a hre bawk si a,ngainatna riau a nei tlat niin a in hria a,a chhan pawh engteh vak mah ansawi hmaa a chanchin a hrilh nghala,a ringnghal maite kha mak a inti letling hle a.Mahse,chu tlangval hmeltha tak mai,mitmeng dumpawl raih mai leh paliàn tawk tak mai chu mi mai mai chu a nih a ring lova,chumai bakah a pistol pai pahnih te kawm hnum that dan ahte chuan a hmang ngun thawkhat hle tih a hriat theih a,zuam mai mai chi chu a nih a ring lova,chulo rengah Nula chuan Green-a chu misual a nih a ring tak tak lemlo tih a hmelah chuan a hriat theih mai a.
.
Nula chuan an Ranch ah mi an mamawh lai tak a ni bawk a,Green-a chu hna te a zawng a nih ngai chuan an hnen chu pan turin a sawm a,Mahse,Greena chuan alo hnial rih zawk a,hnial tak tak phei chu a nilo a,khua han chuan chhuah ve phawt te chu a duh rih zawk a ni,Nula chuan kawngte chu a kawh hmuh hnu chuan an in then ta rih a.Greena chuan engtik emaw ah chuan DoubleJ(Jack Jefferson) Ranch chu va tlawh chu rilruk sa a ni.
.
Elizabethi pawh muangchang lovin an ranch lam chu a pan ve nghal bawk a,a mi chhar thar pa chu a ngaihtuah zui vang vang a,a hawiher leh che zia reng reng te kha a bu ang thlap ni mai hian a hria a,a mitmeng dumpawl raih leh a biangki kual nalh tak mai te,a darpharh hlai tha tak leh sa inphut tawk tak mai a a han ding kak deuh te chu a mithla vawng vawng a,fual deuh taka a pistol pahnih paite chuan a chawimawi hle niin a hria a,hmuhnawn leh a chak zek zek mai a.
.
Thawkleh khatah a rawn nui chhuak har har a,a chhan pawh chuti tak mai a Greena a vei zui chu mak a tiin a nuih a za letling zawk a,a ngaizawng nghalni tih chu phat rual a nilo.A sakawr a sen leh a var a tial ruai mai chu a han tur chak sauhva,karloh an Ranch chu a thleng ve ta,Ranch bathlar ah chuan apa leh an foreman chuan anlo thlir reng hi a ni a.
.
Jacka hmel chu a nelawm hranpa lo hle a,a fanu chu lungawilo hmel taka melh chung chuan a kalna vel chu a han zawt a,ngawireng in an foreman a kut an kah hliam avanga tuam bur mai chuan a lo thlir reng a.Eli chuan thiam tak maiin dawt leh thutak pawlh deuh nuai chuan apa chua ahan chhang a,chumi hnu chuan apa pawh chu a lungawi hmel ve ta deuh a,foreman erawh alo nui deuh tha thung a,dik tak chuan an pu chu eng anga thinrim pawh nisela a fanu chungah chuan a thinrim rei thei ngailo a ni tih leh Eli chuan dawt var sawi chu a thiamzia lah a hrekar mai bawk si a,chu vanga khi deuh sung mai hi a ni a.
.
Sudden Surrender or Death
(Chapter -II)
.
Zeston khua chu pangngai ve tak mai a ni a,mihring pawh an tamin sum leng vak pawh a tam a,hei vang hian misual tam tak a hui khawm a,khawrura ve tak annih phah ta a ni ber mai a.Kawtthler awm dan chu a felfai ang reng hle a,tumlawk ang ngei a din a nih hmel a ni,Zeston khua hi a dinna ala rei lemlo naa a bul vel ram hi bawng vulhna atan ram tha tak tak,zau pui pui mai a pharh dei duai a,tin chumai bakah Rangkachak zawngtute tan hmun pawimawh tak a ni a,chhak leh thlang insumdawn tawnna hmun pawimawh tak pakhat a ni a.C huvangin,adin hnu rei vaklo ah khawlian tak alo chang ta thuai mai a ni.Cowboy hna zawngte tan chuan pan awm tak a ni a,Green-a pawh hian hei vang a pan hi anih a rinawm hle a ni.
.
Kawtthler lun lai tak ah chuan Dak In a awm a,a chhak deuh hlekah chuan Bank a awm bawk a,a epchiah chu Saloon lian tak tak a in tlar thluah a,a bak chu dawr leh In pangngai anni mai a,In leh lo reng reng chu ala thar in a that hmel hlawm hle mai a,Chhun lai a nih bawk vang nge,Nisa leh khawlum bawk nen,kawtthler chu a reh deuh ruih hian a hriat a.
.
Pony Saloon chhungah chuan cowboy pathum zu in hi bar dawhkan bulah chuan an ding a,tumah chu an inbe lem hlei lova,kil khatah chuan mi panga hian card an khel bawk a,anni pawh chu an bengchhenglo hle a,Meizial rim leh zu rim nen Saloon chhung chu a thang huam huam hian a hriat a,a reh ruih mai bawk a.Mahse,chung cowboy ho erawh chuan engah teh vak an ngaihloh hmel hle hlawm a.
.
Hun tam aliam hmanlo saloon kawngkhar then thei chu a rawn inhawng rawk a,hmeichhe te tuar ri in a zui nghal bawk a,saloon chhung a awmte chuan makti takin chulam chu an en hu hlawm a,tumah phei chuan tawng zai an rel chuang lova.Saloon chhungh chuan Pa pakhat kum 30 mi awm bawr vel hian nula la naupangte,kum 18 pawh ala tling dawn a mi tih tur hi a rawn pawm lut a,a hnungh chuan a thiante ni awm tak tak pathum hian an zui bawk a.An vai mai chuan pistol an pai vek a,an pistol pawh an hmang ngun hle ang tih chu an silai kawm leh an hmelah chuan a chhiar theih mai a.
.
An Hotupa ber niawm tak nula man bet tlattu chuan bar nghaktu hnen ah chuan a rang thei ang berin room a mamawh thu chu thupe aw ang reng tak chuan a han hrilh a,a thilsawi chu a ti tak hle niin a hriat bawk a,bar nghaktu chu tawng mai na chang pawh a hrelo,chutah,chupa bawk chuan,"Ka sawi nawn tawh dawnlo a nia".Bar nghaktu pa upa lam tawh mah chuan room chabi chu a han pe a.
.
An zinga pakhat chuan,"Hotupa, kha khan ka ba rul zo ngut dwn ami?adawt leh tur thum kan lo vawr a nge!" a han ti lar lar a,an nui ham ham bawk a.Pakhat leh chuan,"Tumah khan kawhmawh bawl tum suh ang che u,thih in duhloh chuan....kan awm chhung chu tumàh chhuah phal a nilo anga,luh phal a ni hek lo,in hna ngai kha chhun zawm ru..." a han ti tun tun a,chupa chuan an hotupa chu a han siai zauh a,In chung lamah chuan nula chu chhoh pui a tum ta a,chutih lai tak chuan Bar kawngkhar chu  rawn in hawng a,tlangval pakhat lian th thelh thawlh tak mai hi a ra2n lut chhar chhar mai a,chu tlangval chu Green a kha alo ni a,chung ho thusawi chu hre pha vek mahse hrelo ang mai chuan a awm a,dik tak chuan pawn lamah khan putar pakhatin a fanu anlak sak thu tap chung a midang a lo hrilh lai a hriat vang a ni.
.
An hotupa chhoh tum pawh chu chho rih lo chuan nula kuah bet run chung chuan inring hmel tak siin a ding kak deuh tai mai a,midang ho pawh chuan engmah sawilo mahse an kut chu an silai hlatah an dah meuhlo a ni tih pawh Green-a chuan a hmu ru reng a ani pawh chu a in ring hle bawk a.Engmah hre awmlo tak chuan,"Whisky" tiin bar nghaktu ni a a rin lam pang chu a han melh a,bar nghaktu chuan No khat pem pawmin a han thlit thuai a,lo lut tharpa chuan a han tlak nghal pap a,chutih lai chuan boruak ziaawm deuh dawnin a hria nge nula kuahbettu chuan In chung lamah nula chu chhoh pui mai tumin a han che hrut a,..
.
"Nula kha thlah rawh"
.
"Engvang chuan?"
.
"Silai a ka tin reng vang che pawh hian...."
.
Chuveleh,chung mipali ho chuan ansilai chu chuh ve mai an rilruk a ni.Lo thlengthar pa chuan,"Kei chu ni ila ka ti hauh lo ang..." a tih leh tak ah chuan àn tum chu an thulh leh ta a.
.
"Nula kha kal tir nghal rawh,chutilo chu i thi ngei ang..." Lo thlengthar pa chuan a tih leh tak ah chuan an hotupa chuan nula chu a chhuah ta a,chupa chuan Green-a chu huat hmel tak hian a melh zui ram ram à,Green-a aw zawi thawp sat leh vawt deuh raih mai chuan,"Buaina siam hi ka duh lova,kawhmawh bawl tum in awm a nih chuan ka cho tho a nia".a han ti zui leh ngat a.Saloon chhung chu a reh ruih mai a.
.
Chutia mikhualpa in Devil Dock-a hote a han ti ngam mai chu mak anti hle a,thenkhat chuan Green-a chu â anti hle a,a thi ngei turah pawh an ngai a ni.Thenkhat ve thung chuan tu emaw mi turu tak a nih an ring ve thung a,nula tlanchhuak ta khan midang alo va hrilh darh hlawm a ni ang,Saloon tukverh ah te chuan an rawn bih duk duk hlawm a.Boruak chu a vawt ruih mai a reh thuap a,Greena chuan a pistol chu a holster ah chuan rang fahran hian a thiat lut leh mai a,chu pawh chu thenkhat chuan â anlo ti hman hle a,a in ringlo tih erawh a ni hauhlo ang le!.
.
Docka hote chu an rum tlang el awl hle mai achuti tak a mipui hma a vau ngamtu chu chhuah an tum hauh lo ang tih a chiang sa reng mai a,an hotupa chuan muang ban chet chawt hian a hote awmna lam chu a pan phei chhat chhat a,a kal zawng chuan a spur vuah chu a ri chhek chhek a,chu chu thawm awm chhun chu a ni.
.
Docka hote pali chu an ding tlar pat a,Greena hma zawnah chuan tawlh chhuakin zawi zawiin an in zar pharh hret hret a,Green a awmna atang a pen za vel ah chuan hlam dan lek lek a hlatin an ding tlar ta pat a,silai chuh mai chak hian an kut chu anti muke thu hlawm a,Greena pawh chuan a kut pahnihte chu a silai bulah chuan a thlak thla ve zan a,atan hmun chu tlem a han her rem hret bawk a.Midang lo awm ve te chuan silai mu leng vak tawn fuh hlau in an an insaseng sang sang hlawm a,thenkhat chak zawk tur inrinsiakin anlo in chawi laih laih bawk a,chung zawng zawng pawh chu hmulo leh hre ve awm pawhin chung Cowboy in hmatawna ding ho chu an lang a.
.
A reh thuap mai a,banga sana lian khai chu a kal ri chuk chuk a,chung cowboy ho lah chu milim ang maiin a ding khawng reng hlawm a,an kut hmawr erawh a che hret hret a ni tih chu chik lem loh pawhin a hriat theih a.Vawi leh khatah silai chu a puak thuai a,chianglo tak chuan vawihnih puak ni in a hriat a.

.
Docka hote pali chu an vir nawk a,chhuatah chuan an tlu khu rum rum mai a,an hotupa tih chauhlo chuan pistol pawh an phawi chhuak ve hmanlo a ni.Green-a erawh chu a din ngaiin ala ding reng a,A silai chu a holster ah chuan a khung tha leh ta thuai a,mipui ho pawh chu anlo bengchheng ngam ve leh ta deuh a.

By :-

Rinfela pa

⬇️Chhunzawm zel tur


Tlaizawng Pâr