TIBETAN HO CHANCHIN MAK

✍️ Khawvelah hian thil mak tak tak a tam em em a, mahse a hnam hlang angah chuan Tibetan ho anga thilmak ngah hi khawvelah an tam lo maithei ani.

Tibet khi a ram a pilril avang te, an sakhua leh nun dan a danglam em avang te hian hmanlai atang tawh in chanchin mak tak tak mai thawnthu ang deuh ten a ngah em em mai a. Heng te hi ka han sawi tum ber an ni lemlova. 

Tun tum a ka rawn sawi tum tak chu an sakhua leh culture a thil mak tak bet tel ve tlat ho hi a ni.

SHAMBHALA/SHANGRI-LA: An sakhua ah khian hmun pakhat an hmun thianghlim Shambhala (Shangri-la) an tih chanchin hi a bet tel ve tlat mai.

Shambhala hmun chu an mahni sawidan chuan hmun thianghlim, Buddha pawn a zirtirna a dawn na hmun, hriatna leh thiamna hmunpui, khawvel civilization dang zawng zawng te aia upa, chuta cheng te chu tar/upa ve theilo kum za tamtak dam thei a ngaih a ni.

He hmun hi phai ruam hring nuam tak mai, tlang sang tak tak ina a hual vel, mi nazawng ina an kal pawh theih loh, a mi cheng ten a an hnena kal tura an duh te chauh ina an hmuh theih ni in an ngai bawk. Tin, Tibet leh China ram inkar vur ram khawiah emaw awm in an ngai a ni.

Thenkhat erawh chuan Shambhala chu he khawvel ami nilovin, khawvel dang, dimension dang ami ni in an ngai thung. Sawidan pakhat ah chuan Shambhala hi lei verh kawng in Dalai Lama Lal in nen a ruk in a inpawh an ti.

AGHARTI: Shangri-La ni lo khawvel dang chanchin an sawi leh bawk chu lei hnuai a khawvel a chhunga mi cheng te chu thil tih theihna mak tak 'Vril' an tih mai, ngaihtuahna hmanga engkim tih theihna nei te chenna Agharti an tih hmun chu a ni. 

Agharti hmuna cheng te chuan engkim hi an rilru ngaihtuahna 'Mental power' in an control thei vek ni in an ngai a, tin, he khawvel hi chu he lei chhungril lam a awm niin an ngai.

Hitler-a kha hetiang thil mak lampang atchilh tlut mai hi ani a, Agharti ho thiltihtheihna chu khawvel lak atum na atan khan tangkai dawn riauva a hriat avangin a zawng turin expedition team vawi tamtak a tir chhuak a mahse an hlawhchham thung a ni.

TULPA: Mak ve tak chu a ni, Tibetan Monk ho khian an ngaihtuahna ringawt in mihring ang duh duh a vak vel thei, hmuh theih an ngaihtuah chhuak thei a sawi an ni tlat mai. Hetiang hi 'thoughtforms' an ti.

Tibetan ho chanchin zir thin Alexandra David Neel-i chuan an tih dan zir in 1920 kum khan hetiang 'tulpa' an tih ang hi concentration hmang in a siam ve tlat mai. 

Puithiam thau nelhnulh nungchang tha tak hi a ngaihtuah chuak a, mahse a rei hnu chuan a lang cher tawlh tawlh a, nungchang tha deuh thin kha a rawn inlar apiangin buaina a siam ta ziah mai a.

David Neel-i bungrua te chu a lo ti darh vak zel a, amu lai te khawih a ching ta a. He a Tulpa ngaihtuah bo leh tur hian thla 6 chhung ngawt a beih leh a ngaih phah hial ani. 

Heng Tulpa te hi hna han thawh tir chi an ni lo. Anihna takah chuan thlarau ang deuh kha inlar turin an ngaihtuah chhuak ani ber mai.

TUMO:Tibetan ho chanchin a thil mak deuh pakhat chu ‘Tumo’ an tih mai taksa khaw vawt hrelo tura tih lum theihna hi a ni. Hetiang thiam tur chuan Yoga te nen taksa leh rilru thunun dan rei tak an zir thin a; Tumo thiam te chu vur zingah thawmhnaw engmah inbel lo pawn an thu zankhua thei a ni.

Hetiang thiam chu puan huh vur tui a chiah in an tuam a, vur zing ah an thut tir a, an puan kha an taksa lumna in a tih ro velah an chiah huh leh zel a, chutiang chuan zankhua a an tih pawn vawt an ti ngai lo.

Hetiang Tumo thiam te hi mithiam ten an enchhinna ah chuan an body temperature hi 8 degree centigrade vel in an ti sang thei in an hria a ni.

LUNG-GOM: Tibetan ho thiamthil dang mak deuh mai pakhat leh chu ‘Lung-Gom’ an tih hi a ni. 

Hetiang thiam chuan an taksa rihna an ti zang a, hah/chau thei lovin chak tak takin vur zingah thui tak tak an tlan thei thin a, thu thawn keng tu berah an hmang thin.

Mahse hetiang 'Lung-Gom runner' an tih ho te hi an tlan lai a lo biakbuai emaw an concentration lo tihbuai hlauh chuan an tlu tawp a an thi animai. 

Mithiam ten an enchhin na ah chuan hetiang Lung-Gom runner pakhat chuan 20 km chu 20 minute chhungin a tlan thleng hman a ni.

Mak tak mai in hetia an tlan lai hi an thla lo lak an phal ngai miah lo.

ALIENS IN AN TLAWH TAWH EM NI: Mak leh deuh mai pakhat chu Tibetan hnam zinga Dzopa an tih hnam ho khi 1017 AD kuma an ram a Sirius star system atanga rawn kal a an thlawhna chetsual vanga Tibet a rawn tum Aliens ho thlah niin an insawi tlat mai.

Heng Dzopa hnam ho hian thir ang deuh a phek (metal disk) eng tawng emawni leh thil in ziak rang nuaih mai hi an nei a, Aliens ho pek niin an sawi. He an thir phek hi a mak na em em chu a changin a rit em em a, a changin a zang leh em em a. Hetiang ang thil hi khawvel hmundang ah a awm hriat ani ve lo.

REINCARNATION: Tibetan ho hian piannawn lehna, reincarnation hi an ring nghet bur mai a, tuna an Dalai Lama pawh hi a hma ami rawn piangnawn ni ah an pawm thlap. 

1933 khan Dalai Lama -Thupten Gyatso chu a thi a, Buddhist ho puithiam lal ber , pathian tluk hiala an ngaih ropui a nih avangin Buddhistho tan chuan channa nasa takah ngaih awm, chuti tehchiamin a tuar vak lo tlat mai, a chhan pawh Dalai Lama chu a rawn piang nawn leh dawna an rin vang ani.

Tichuan a ruang chu chhim lam hawi zawng in an thut tir a, ni rei vaklo hnu ah chuan a ruang chuan khawchhak lam a lo hawi ta daih mai a . Tichuan khawchhak lam ah chuan an Lama senior ho chu Dalai Lama thlak tu tur zawng turin an chhuak ta a. 

Kumbun Monastery a in pakhat ah chuan kal a lang tlat mai a, chutah chuan an va kal a, nupa leh an fapa kum 2 mi an lo awm a, an va kal chu mipa naupang chuan puithiam ho anmahni inchei danglam vek a va kal chu tute nge an nih a lo hre nghal ta tlat mai.

Puithiam ho chuan naupang chu Dalai Lama lalinah chuan hruaiin uluk takin chihrang hrang in an test ta a. 

Chu naupang chuan Dalai Lama thil dahna zawng zawng tumah dangin an hrelo tura an ngaih te pawh chu hre vek mai a.

Tichuan 1940 'Year of the Iron Dragon' thla hmasa ber ni 14 na ah chuan chu naupang chu Dalai Lama 14 na chu 'Lion Throne' ah chuan thut tir ani ta ani. He naupang hi Buddhist ho chuan Dalai Lama rawn piangnawn leh kha ni ngeiin an pawm nghet hmiah mai ani. Heng bakah pawh hian Tibetan ho chanchin mak tak tak hi a la awm nual mai a, mahse hemi chinah hian lo duhtawk dawn mai ila.

Tibetan ho chanchin i va hre ve, Tibet ah i awm ve tawh emni in ti anih pawhin a chhanna chu-Awm lo, tih ani tawp mai.

 Dalai Lama Lal in- Potola Palace, Lhasa

👌 Big Daddy Hmahmatea