ALEXANDER GRAHAM BELL (1847-1922)
Thirhrui hmanga inbiakna (Telephone) hmanga ram hla tak kár dana mîte kan inbe kual thei ta mai hi thil mak tak a ni. A hmu chhuaktu Alexander Graham Bell-an a hmuh chhuah dàn hi a ngaihnawm hlê.
www.zolinks.com
Kum 1875 June ni 2 khán Bell-a chu a puitu Thomas Watson-a nên an laboratory ah an buai dûn hlê a, thirhrui pakhat hmanga signal chi hrang hrang thawn dàn zirin, enchhinna an neih lai hian Bell-a rilrûah ngaihtuahna thar a lo awm ta a, thirhrui hmang chuan signal chauh ni lovin, ṭawng ri pawh a thawn theih ngei a ring ta a.
Bell-a chu thirhrui signal thawn lo dawnsawnna pindanah chuan a awm a, chutih lai chuan Watson-a chu pindan dangah a awm thung a. Watson-a chuan thirhrui hmanga signal a rawn thawn zawh chuan a kutin thil a tiri a, chu chu Bell-a chuan pindan dang aṭang chuan a lo hre thei ta hlauh mai a, Bell-a chu hlim takin Watson-a hnênah chuan a va tlân a, a thil tihrîk ri a hriat thu chu lâwm êm êmin a va hrilh a.
Enchhinna dang an ti leh a, inbiak theihin an siam ta a.
Thirhrui hmanga thu thawn hmasa ber, “Watson, Watson, lo kal teh ka mamawh che,” tih thu Bell-an a han sawi chu a lo ngaithlatu Watson-a pawh Bell-a tluk thovin a lâwm ve a. Tichuan, an thil siam chu changkâng zâwka siam ṭha zêlin, kum 1876 phei chuan tláng hriat a lo ni ta a. Kum 1877-ah chuan Bell Telephone Company hial din a lo ni ta a.
Bell-a hi kum 1847, March ni 3 khán Scotland rama Edinburg khuaah a lo piang a, Boston khuaah a seilian thung a. Kum 25 mî a nihin Boston khuaah hian bengngawng leh ṭawng theilo tán sikul a din a, a hun âwl neih ang ang chu bengngawng leh ṭawng theilo te tána ṭangkai tur hmanrua siam nân a hmang ṭhin a. Chutiang a buaipuina lamah chuan thirhrui hmanga inbiakna hi a siam chhuak ta a ni.
Thirhrui hmanga signal thawn dàn ṭha zâwk siam tuma enchhina a neih lai hian a ṭhian ṭha tak, hetiang lama tui mi, Thomas Watson-a hian kawng tam takah Bell-a hi a pui thei ta a. Tichuan kan sawi tâk ang khán kum 1875 June ni 2-ah thirhrui hmanga thu thawn hmasa ber chu hlawhtling taka enchhin a lo ni ta a ni.
A thil siam chhuah entirin khawvêl hmun hrang hrang a fang a, a hming a lo thang ta hlê a. Kum 1877 August thlaah nupui a nei a, ‘honey moon’ an hmanna ah a kháwl pakhat chu a keng nghe nghe a. Honey moon an hmang zo lo hàw hnu kár khat lekah chuan a thirhrui inbiakna kháwl chu ‘House of Common’-ah an hmang ṭan ta a. Rorêlna ina an thil rêl chu awlsam takin chanchinbu chhuahna hmunah an thawn a, rang takin an chhuah zung zung thei ta a. Kum 1877 November khán thirhrui hmanga inbiakna kháwl chu Berlin khawpui chhúng hmun hrang hrang inbiakpawh nân hman a lo ni ta nghâl a. Kum 1878-a Bell-a USA-a a awmin USA-ah pawh an lo hmang ve tawh a. Kum 1915-ah phei chuan tuifinriat mawngah, mél 3400 laia hlaah thirhrui hmanga inbiakna chu an lo thlunzawm ta hial a. Chu inbiakna chu a hawng turin Bell-a chu an sáwm a. Ani chuan mél 3400 laia hlá, a thirhrui hmáwr lehlamah chuan Watson-a a awmtir a. Tichuan a hawn ni chuan Bell-a chuan thirhrui hmanga a ṭawng hmasa ber, “Watson, Watson, lo kal teh ka mamawh che,” ti bawkin Watson-a chu a han be leh a.
Watson-a chuan nui chungin, “Ka pu, tûnah chuan ka lo kal thei lo, ka awmna a hla lutuk a, i awmna lo thleng turin kár khat zet a ngai ang,” tiin a chháng a. A tira pindan hnaitê kár dana inbia kha tûnah chuan mél 3400 danah an inbe thei a lo ni ta reng mai!
Bell-a hi pa hawihháwm leh zaidam tak mai a ni a, kum 1922 khán kum 75 mî niin USA-ah a boral ta a ni. A thih ni hian amah vui nân USA-a thirhrui inbiakna zawng zawng minute khat chhúng an han chawlhtir ta ṭhuap mai chu, rei lo tê chhúng pawh an thil hmuh chhuah tel lova nun a harsat tawhzia a lang chiang hlê a ni.
https://tlaizawngpar.blogspot.in
www.zolinks.com
Kum 1875 June ni 2 khán Bell-a chu a puitu Thomas Watson-a nên an laboratory ah an buai dûn hlê a, thirhrui pakhat hmanga signal chi hrang hrang thawn dàn zirin, enchhinna an neih lai hian Bell-a rilrûah ngaihtuahna thar a lo awm ta a, thirhrui hmang chuan signal chauh ni lovin, ṭawng ri pawh a thawn theih ngei a ring ta a.
Bell-a chu thirhrui signal thawn lo dawnsawnna pindanah chuan a awm a, chutih lai chuan Watson-a chu pindan dangah a awm thung a. Watson-a chuan thirhrui hmanga signal a rawn thawn zawh chuan a kutin thil a tiri a, chu chu Bell-a chuan pindan dang aṭang chuan a lo hre thei ta hlauh mai a, Bell-a chu hlim takin Watson-a hnênah chuan a va tlân a, a thil tihrîk ri a hriat thu chu lâwm êm êmin a va hrilh a.
Enchhinna dang an ti leh a, inbiak theihin an siam ta a.
Thirhrui hmanga thu thawn hmasa ber, “Watson, Watson, lo kal teh ka mamawh che,” tih thu Bell-an a han sawi chu a lo ngaithlatu Watson-a pawh Bell-a tluk thovin a lâwm ve a. Tichuan, an thil siam chu changkâng zâwka siam ṭha zêlin, kum 1876 phei chuan tláng hriat a lo ni ta a. Kum 1877-ah chuan Bell Telephone Company hial din a lo ni ta a.
Bell-a hi kum 1847, March ni 3 khán Scotland rama Edinburg khuaah a lo piang a, Boston khuaah a seilian thung a. Kum 25 mî a nihin Boston khuaah hian bengngawng leh ṭawng theilo tán sikul a din a, a hun âwl neih ang ang chu bengngawng leh ṭawng theilo te tána ṭangkai tur hmanrua siam nân a hmang ṭhin a. Chutiang a buaipuina lamah chuan thirhrui hmanga inbiakna hi a siam chhuak ta a ni.
Thirhrui hmanga signal thawn dàn ṭha zâwk siam tuma enchhina a neih lai hian a ṭhian ṭha tak, hetiang lama tui mi, Thomas Watson-a hian kawng tam takah Bell-a hi a pui thei ta a. Tichuan kan sawi tâk ang khán kum 1875 June ni 2-ah thirhrui hmanga thu thawn hmasa ber chu hlawhtling taka enchhin a lo ni ta a ni.
A thil siam chhuah entirin khawvêl hmun hrang hrang a fang a, a hming a lo thang ta hlê a. Kum 1877 August thlaah nupui a nei a, ‘honey moon’ an hmanna ah a kháwl pakhat chu a keng nghe nghe a. Honey moon an hmang zo lo hàw hnu kár khat lekah chuan a thirhrui inbiakna kháwl chu ‘House of Common’-ah an hmang ṭan ta a. Rorêlna ina an thil rêl chu awlsam takin chanchinbu chhuahna hmunah an thawn a, rang takin an chhuah zung zung thei ta a. Kum 1877 November khán thirhrui hmanga inbiakna kháwl chu Berlin khawpui chhúng hmun hrang hrang inbiakpawh nân hman a lo ni ta nghâl a. Kum 1878-a Bell-a USA-a a awmin USA-ah pawh an lo hmang ve tawh a. Kum 1915-ah phei chuan tuifinriat mawngah, mél 3400 laia hlaah thirhrui hmanga inbiakna chu an lo thlunzawm ta hial a. Chu inbiakna chu a hawng turin Bell-a chu an sáwm a. Ani chuan mél 3400 laia hlá, a thirhrui hmáwr lehlamah chuan Watson-a a awmtir a. Tichuan a hawn ni chuan Bell-a chuan thirhrui hmanga a ṭawng hmasa ber, “Watson, Watson, lo kal teh ka mamawh che,” ti bawkin Watson-a chu a han be leh a.
Watson-a chuan nui chungin, “Ka pu, tûnah chuan ka lo kal thei lo, ka awmna a hla lutuk a, i awmna lo thleng turin kár khat zet a ngai ang,” tiin a chháng a. A tira pindan hnaitê kár dana inbia kha tûnah chuan mél 3400 danah an inbe thei a lo ni ta reng mai!
Bell-a hi pa hawihháwm leh zaidam tak mai a ni a, kum 1922 khán kum 75 mî niin USA-ah a boral ta a ni. A thih ni hian amah vui nân USA-a thirhrui inbiakna zawng zawng minute khat chhúng an han chawlhtir ta ṭhuap mai chu, rei lo tê chhúng pawh an thil hmuh chhuah tel lova nun a harsat tawhzia a lang chiang hlê a ni.
https://tlaizawngpar.blogspot.in
Comments
Post a Comment