FAPA THUAWIH THEI
(Hetiang naupang fel hi awm leh tak ang maw?)
Kum 1798 August ni 1 ah khan France ram Emperor hmingthang Napoleon Bonaparte-a sipai rualte chuan East Asia ram hrang hrang an rûn a. Hetah hian henglai ram awpbettu British mite chu hnawh darh vek tumin indona lawnglian chhuanvawr pakhat “L’Orient” an tih hmangin
Mediterranean tuipuiah chuan an inkhalh chhuak ta ruau ruau mai a. Chu indo lawnglianah chuan chutih hunlaia laipui tha ber ber 120 lai an vuah fur mai bawk a, an hmelmate tan chuan hlau baklênga silipar phelha tlanchhiat chiam a awl duh viau ta ve ang.
Chutia thlamuang taka an kal zel lai chuan Aboukir tuipuiah British Admiral huaisen Horatio Nelson-a sipaite chuan an rawn nangchang ta thut mai a, nasa takin an inkapin, an inbei ta mup mup mai a. A then an inkap a, a then lo insat sawk sawk tawh lah bo lo, thenkhatin lawnglian chu hâl an lo tum vei râwl nen; an buai ta luih luih mai a.
Sipai huaisel pawl hnihte chu thih ngam lu pu-in an inbei ta luih luih mai a, tlai lam dar 4 vel atanga inbei tanin zan dar 9 thleng rawkin an inbei a ni.
Tichuan le, Napoleon-a sipaite’na an chhuanvawr êm êm indo lawnglian chu a kàng ta hluah hluah mai a, thelh theih mai chi rual a ni ta lo va, lawng sipaite chu an buai ta luai luai mai a. Chutia indona kara an hmelma lawng kàng ta hluah hluah mai an hmuh chuan British sipaite chu an phûr phah sawt bawk a. Nimahsela, an hmelma sipaite ni mah se an chhanchhuah vat loh chuan an zavaiin an thi vek dawn tih a hriat avangin British Admiral Nelson-a chuan a lainat ta êm êm mai a, chhan chhuak turin lawngleng a tir ta a.
Indonaah chuan tlâwm zawk an nih tak avang leh an inhumhimna ber an lawnglian a kan takah chuan France sipaite chu dawl zawrin an zawr ta a, British sipaite chuan lawnglengin hmun him lamah an thiar kai zung zung hlawm a, an thiltih chuan an hmelma sipaite rilru pawh a khawih hle nghe nghe a.
Napoleon-a indo lawnglian L’ORIENT ah chuan râldo tur sipai rual chauh an lo chuang awzawng lo mai a. Mipa naupang kum 10 mi lek, Napoleon-a sipai captain Casablanca fapa chu a lo chuang ve reng mai a, amah chu lawng sipai hna zirlai a ni nghe nghe a. A pa chuan indona hmunah chuan a mit ngeia a hmuh a, thil awmzia a hriatthiam ve theih nan a hruai ve hi a lo ni a.
Chutia an lawnglian a alh tak hluah hluah ah chuan an sipaite chu anmahni chhanchhuaktu an hmelmate lawng lianah chuan an chuang kai ta hum hum a. An hotupa Nelson-a kutah an inpe nghal zel bawk a. An inthiarkai fel ta maw tih ah chuan French officer thenkhatte chuan an mipa naupang hruai kha an la thiar kai ve lo tih an hrechhuak hnuhnawh leh ta chauh va. An lawnglenga chuang ve turin an àu lawm lawm a. Mahse mipa naupang erawh chuan, “Ka pa in ka thupek leh ka remtihna tel lo chuan khawiah mah kal suh min ti a ni,” tiin a chhâng a. Sipaite chuan, “I pa chu lawng chhuatah a let reng alawm; a thi tawh nghe nghe ania. Lokal thuai rawh, lawng lian kha a pil trep tawh ania,” tiin an han àu thin a, mahse naupang erawh chuan, “Ka pa thu hmu lo chuan khawiah mah ka kal sawn dawn lo. A thu chu ka awih mai tur a ni,” a ti tlat mai a. Sipaite pawhin tihngaihna an hre ta bik lo va, lainat taka thlir zui vawng vawng chungin an inthiarfihlim san ta a.
Nakin deuh lawkah chuan L’Orient lawnglian ropui leh hmingthang tak mai chu a alh nasat tak em avangin a puak darh ta vek a, a chhunga chuang naupang khawngaihthlak tak chu tuipuiah chuan a pil pui ta ruai ruai mai a ni.
Kum 1798 August ni 1 ah khan France ram Emperor hmingthang Napoleon Bonaparte-a sipai rualte chuan East Asia ram hrang hrang an rûn a. Hetah hian henglai ram awpbettu British mite chu hnawh darh vek tumin indona lawnglian chhuanvawr pakhat “L’Orient” an tih hmangin
Mediterranean tuipuiah chuan an inkhalh chhuak ta ruau ruau mai a. Chu indo lawnglianah chuan chutih hunlaia laipui tha ber ber 120 lai an vuah fur mai bawk a, an hmelmate tan chuan hlau baklênga silipar phelha tlanchhiat chiam a awl duh viau ta ve ang.
Chutia thlamuang taka an kal zel lai chuan Aboukir tuipuiah British Admiral huaisen Horatio Nelson-a sipaite chuan an rawn nangchang ta thut mai a, nasa takin an inkapin, an inbei ta mup mup mai a. A then an inkap a, a then lo insat sawk sawk tawh lah bo lo, thenkhatin lawnglian chu hâl an lo tum vei râwl nen; an buai ta luih luih mai a.
Sipai huaisel pawl hnihte chu thih ngam lu pu-in an inbei ta luih luih mai a, tlai lam dar 4 vel atanga inbei tanin zan dar 9 thleng rawkin an inbei a ni.
Tichuan le, Napoleon-a sipaite’na an chhuanvawr êm êm indo lawnglian chu a kàng ta hluah hluah mai a, thelh theih mai chi rual a ni ta lo va, lawng sipaite chu an buai ta luai luai mai a. Chutia indona kara an hmelma lawng kàng ta hluah hluah mai an hmuh chuan British sipaite chu an phûr phah sawt bawk a. Nimahsela, an hmelma sipaite ni mah se an chhanchhuah vat loh chuan an zavaiin an thi vek dawn tih a hriat avangin British Admiral Nelson-a chuan a lainat ta êm êm mai a, chhan chhuak turin lawngleng a tir ta a.
Indonaah chuan tlâwm zawk an nih tak avang leh an inhumhimna ber an lawnglian a kan takah chuan France sipaite chu dawl zawrin an zawr ta a, British sipaite chuan lawnglengin hmun him lamah an thiar kai zung zung hlawm a, an thiltih chuan an hmelma sipaite rilru pawh a khawih hle nghe nghe a.
Napoleon-a indo lawnglian L’ORIENT ah chuan râldo tur sipai rual chauh an lo chuang awzawng lo mai a. Mipa naupang kum 10 mi lek, Napoleon-a sipai captain Casablanca fapa chu a lo chuang ve reng mai a, amah chu lawng sipai hna zirlai a ni nghe nghe a. A pa chuan indona hmunah chuan a mit ngeia a hmuh a, thil awmzia a hriatthiam ve theih nan a hruai ve hi a lo ni a.
Chutia an lawnglian a alh tak hluah hluah ah chuan an sipaite chu anmahni chhanchhuaktu an hmelmate lawng lianah chuan an chuang kai ta hum hum a. An hotupa Nelson-a kutah an inpe nghal zel bawk a. An inthiarkai fel ta maw tih ah chuan French officer thenkhatte chuan an mipa naupang hruai kha an la thiar kai ve lo tih an hrechhuak hnuhnawh leh ta chauh va. An lawnglenga chuang ve turin an àu lawm lawm a. Mahse mipa naupang erawh chuan, “Ka pa in ka thupek leh ka remtihna tel lo chuan khawiah mah kal suh min ti a ni,” tiin a chhâng a. Sipaite chuan, “I pa chu lawng chhuatah a let reng alawm; a thi tawh nghe nghe ania. Lokal thuai rawh, lawng lian kha a pil trep tawh ania,” tiin an han àu thin a, mahse naupang erawh chuan, “Ka pa thu hmu lo chuan khawiah mah ka kal sawn dawn lo. A thu chu ka awih mai tur a ni,” a ti tlat mai a. Sipaite pawhin tihngaihna an hre ta bik lo va, lainat taka thlir zui vawng vawng chungin an inthiarfihlim san ta a.
Nakin deuh lawkah chuan L’Orient lawnglian ropui leh hmingthang tak mai chu a alh nasat tak em avangin a puak darh ta vek a, a chhunga chuang naupang khawngaihthlak tak chu tuipuiah chuan a pil pui ta ruai ruai mai a ni.
Comments
Post a Comment