HMANGCHANG

*♫♫ Zu i intih buak palha,arim nam vut vut ihlauh chuan ligh ter hmet alh la,a buakna lai kha hliau thuak thuak rawh.*

*♫♫ Naute hnarping hi an khawngaih thlak hle, drop chi hman ngawt hi doctor chawh a nih loh chuan hman a tha lo, tui tlem chhuang la, chi al lep lep in, naute hnara thlawr ngam tur tawk vela lum pepin, tichuan thlawr rawh.*

*♫♫ Zanlai velah te engemaw thuta thin na ngawt ngawt vilh ang deuha a lo awm a damdawi a awm mai loh chuan chini tui thlum tawkin chawk la, no lian khatin in thin rawh.*

*♫♫ Vawksa i leiin en ngun rawh, a thau bawl deuh hrup ang chi hi lei suh- a hrisello. A thau ah khan rulhut te reuh te te chhumhlum theih loh an awm.*

*♫♫ Thingpui fe zikno hi hmarcha leh nghathu nen rawtin tui tak a ni tih i hre tawh mial em?*

*♫♫ Zunthlum thisen sang nei tan- anpangthuam chhum tui hi a tha hle, kaikuang hring hi a haw hle bawk.*

*♫♫ Mitna hri kan kai a,mitte alo thak a, tuisa te hian deh ngawt zel loh tur, a vung vak a, a thak zual thin, tui chhuanso dah daihin lapaw thianghlim taka hruk emaw, sil thin tur.*

*♫♫ I hriau leh pin i dahkhawm kha tuiek lo tura i duh chuan a bawmah khan powder phul rawh.*

*♫♫ I kawrah chewing gum a lo kai palh chuan fridge ah dahkhawngin a kheuh thlak theih.*

*♫♫ Ser kawr hi phoro la,chi nen rawt rawh….chu chu ha nawh nan i hmang dawn nia….i ha a lo var sawt mai ang.*

*♫♫ I bel mawng ilo chhuangkang palh a, nawhfai a harsat viau chuan soda phul teuh la,tui tlem nen chiah vang vang rawh….awlsam takin i nawt fai tawh mai ang.*

*♫♫ I fate ninhlei rual lekin i sofa ah oil lam chi an lo tikai emaw an tibua a nih chuan powder phul teuh la….zan khat emaw chiah la….a tukah khuihfai rawh a reh vek mai ang.*

*♫♫ Chhangban i ei hma in i kutah tel hel ei mai theih chi hnawih mawm hmasak hi a awlsam naupang eitir dawn phei chuan.*

*♫♫ Fridge ah sa i dah a, a lo khal a, a lo inchar khawm vek chuan chawhtawlh ah tuivawt tam deuhin chiah la reilo te hnuah awlsam deuhin i la hrang thei mai ang.*

*♫♫ Period laia taina ineih chuan tuilum ip ah tuiso dah la i mut pah khan i tai bawr vel kha dep thin rawh…thi chhuak tha theilo vanga taina te a ni thin a…tuilum saa i deh khan a na a ti ziaawm thei bawk a nia.*

*♫♫ I kut a chhia emaw, a ro rup a analh loh viau chuan sertui leh cream chawhpawlh in chiah thin rawh.*

*♫♫ I thawmhnaw ah perek emaw thir tui ek te alo kai palh chuan..sertui in minute sawmhnih bawr vel chiah la su rawh….afai duh.*

*♫♫ Vaipaden siam ang aw….tumbu aw….Tumbu kha no takin kheh la,dengsawm rawh.*

*Purunsen pum hnih vel zailep vek rawh..purunvar pum sawmhnih vel kheh bawk la.Sawhthing kutzungpui tia vel zailep bawk ang che.*

*Bahkhawr sin lutuka chan a ngai lem lochan lawk bawk la.Sarep hrang hnih vel kha sin tete in chan rawh…sarep i neih loh pawhin nghathu lam pawh a pawi lo.hmarchapui leh lengser awm bawk se,hmarcha hring i duh ang tawh rawt bawk la.*

*Belah chung i thil pawlh tur ho chu dah vek rawh…a inpawlh turin chawk vak la..chi leh hmehhan tlem thlak la….i chawhpawlh vek hnu ah tel tlem leih rawh….mawm tham silo in..tui tlem leih la chhuang rawh….tui kha leihtam suh ang che a tui ngai lo.Chawk char char la….tui a lo kang a, a la hmin loh chuan tuiso tlem leih leh la,vil reng mai rawh.*

*Tui a kang a, a hmin thak thlengin chawk reng la….a hmin i tih hunah suan la….rawtkawi darh la…chhin up hmak tawh rawh. Ei siam reng reng chhuan veng venga sawngbawl loh chu a tui ngai lo….kei chuan ei dawn tepa nimbu tui tlem sawr hi a tui ka tia…i ngaina ve a nih chuan sawr ve rawh. A tui duh lutuk tlat.*

*♫♫ I maian bai tur kha a ngap viau chian i silfai mai mai thei lo ang. i silna ah khan chi telh la, a ngap kha atla mai ang.*

*♫♫ Khua alo lum leh tan ta a…lotion emaw perfume leh inhnawih lam chi i hman hian lemon lampang hi hmang uar rawh, thlanchhuak rimchhia te a khuh ve thei a.*

*Tin a hrisel in a rim adai tlangpui a…put pawh a nuam bik….khawlum laia rimna tak tak hman hi mi a tirui thei in, midang tan pawh a hreawm duh thin.*