MIZO NULA NGAIHSAN THINTE

Kum 1830-1900AD ah chuan sa kâp thei, khawtlanga an chhuanvawr nopui dawm thei an ngaisang a, hei vang hian khaw khata tlangval mi ang pangngai chin chuan nopui dawm phak nih an tum vek a, sa ropui tak kap thei nih an tum vek bawk a, sakei pawhin an vawk rawn la se an chhuhsak leh thei. Heng hunlai hian India ram hmun thenkhatah chuan khuaa sakeiin ran a rawn lak chuan khua an chhuahsan phiar mai thung.

Kum 1910-1930 Feren-a kal pha chin, sipai tang an ngaisang a. Mizo tlangval zawng zawngin sipai tan vek an tum a, Darfeng val an nih vaih chuan khuaa nula tha tha an thing nalh nalh mai tawh thin.


Kum 1930-1960 Sipai an ngaisang nghet tlat a. Sipai tang lah an tam narawh e.

Kum 1960-18980 vel lai chuan hnam sipai an ngaisang leh a, India ram atanga Mizoramin Independent a sual vel lai a ni a, hnam sipai an tam a, thih ngam lu puin vai sipai an lo kap thin.

Kum 1980-1990 vel lai kha chuan Driver an ngaisang leh a, Driver an han luck tak tak chu khaw khat nula hmeltha pui pui pawh driver zunah an uai a, driver a tan kha mizo tlangval dream lian ber a ni.

Kum 1990-1994 chho vel kha chuan IAS an han ngaisang leh a, IAS emaw IPS emaw-a tling an tam leh hle mai a, mizo tlangval tum lian ber chu IAS a nih vang a ni.

1994-1996 chho vel khan lehkhathiam Officer an ngaisang a, India rama lehkhathiam state ni pha hial khawpin Mizo tlangval lehkhazir lamah an tang nasa a, BA val an kat nuk mai a ni.

1996-2002 chho vel khan Probationary Pastor leh BD zirlai an ngaisang leh a, Mizo tlangval te’n Aizawl Theological College-ah Pathian thu an zir sung sung mai a.

2002-2008 chho velah zaithiam an ngaisang a, Vanlalsailova zunin mizo nulate thinlung  a chhun keh a, Sailova angin T-Shirt sen an ha fer fur a, sam an han ti phir bawk a, zaithiam lar nih tumin mizo tlangval an phe suau suau mai a ni.

2008-2012 chho velah inchei nalh thei tak leh Bike nei thei chin an ngaisang leh a, thawhchhuah phu lo khawpin mizo tlangval te’n inchei kan ching a, rui thei deuh pawh an ngaihsan tel tlat avangin ruihhlo ngai kan pung.

2012-2016 chho velah sum ngah deuh an duh avangin vai mistiri pawh an nep zo tawh lo a, an nei ta pawp pawp mai a.

Mizo nulate ngaihsan nih hi mizo tlangval duhthusam lian ber a ni. An ngaihsan zawnga awm pawh kan duh vek. Mahse tunah chuan Korean te, sap te min ngaihsan san a, mizo tlangval rilru hi a vân a, kan kawng hi a thim vekin kan hria a nih hi.

Kuthnathawk taima te hi ngaihsan nachang hria ula, kan ram hi ei leh barah kan intodelh a ni mai tur. In ngaihsan zawng ang apiangah kan thle dual dual a, kan moral min tihchhiat sak a, hnamdangah min uiresan leh ta si a maw! Mizo tlangval hi chhanchhuak turin leh kan ram a lo intodelh theih nan aw nula I ngaihsan zawng kha han thlak lul teh....


💮🍡💮🍡💮🍡