KHAWVELA HRIAK(OIL) THA THENKHATTE

1.Olive Oil* :
Bible ah pawh kan hre lar hle a. Taksa pum tan hian a thain a ngeih hle a. Sam, Vun tan bakah ei leh in ah a tha hle a ni. Damdawi danga atan hman uar tak a ni bawk. Israel leh Europe ram ah chuan hmasang atangin an hmang nasa hle a. Olive oil tha leh lar tak Borges pawh hi kum 100 an chuang fe toh a ni. Kan ramah pawh company hrang hrang siam a tam ta hle.



2. *Lavender* :
  He par rimtui hi a chi lain an her a, incheina Cosmetic ah an hmang nasa. Vun chuar tur a veng a. Olive oil ang tho in vun a timam nel nalh tha a, khawvel milar tak tak zinga mi sawi lang ve hrim hrim  atan - Catherin Zeta Jones pawh in a nalhna thuruk ah a hmang a ni. Kah rimtui (perfume) siam nan an hmang uar hle bawk.

3. *Chawhchhi hrik*
 (Sesame Oil) : A hriak chang lo a den leh a um te pawhin Mizote chuan kan ei nasa. Chhibung leh Chhipui te kan tia..chawhmeh tui tak a ni. Hriak hrisel tak mai a ni. Tunhma chuan Chhawhchhi herna te hi kan ramah pawh a awm nual thin a, a thar tam deuh chuan an ngei thei hle. A hriak engmah pawlh loh kan ram thar ngei mai han ei meuh chu kan tai tuk thei nia. Entirnan Manipur Thingtlang Paihte nula (Thlanchhip vel a mi) taitik tek, chak leh khal mam tha tak te khi chhawhchhi leh Maimu, mahni thar ngei (Organic) an ei nasa vang a ni. Tunah chuan kan hriak ei leh hman tam tak hi chu pawlh dal leh leitha hmanga chawm phai vai ram kutchhuak hi a tam zawk a ni tlat mai le.

4. *Canola Oil*
He thlai Antam chi khat hriak hi Canada atangin kan lo hmu ve a, hriak kan sawi tawh te anga chaw tha pai tha tak a ni a. Thau leh hriak chhia (cholesterol) pai lo, Omega 3, 6 leh a dang te a pai tha viau. Mizo te pawhin ei teh ah kan nei tan.

5. *Nihawi hriak*
Hei chu kan hre lar hle a. An thlawrfim ho phei hi chu tha leh chak thaw khat tak a ni. Damdawi ah pawh natna dotu tha tak a paipawn nual avangin mithiamte zirchian pawh a hlawh hle. Keini chuan nihawichi chip kan uar zawk mah awm e.

6. *Bekang hriak*
 A um hian Mizote chuan kan ei nasa. A chhum leh a tui hang hi sawi ngai lo va tha leh kan ngaihsan a ni. A hriak an la nasa hle, phai vai ramah mit tlin tawkin an ching a, Organic hmanga chawm ni thei phei se a tha lehzual tur.

 7. *Sacha inchi*
 Tun hnaia kan hriat lar tan, Burma rama an chin nasat tak a ni a. A rah pawh a tui em em a, a hmui hiam a, rim a tuiin ei a harsa lo. Kan la hre lar lo bawka tlemin lo sawi zau deuh bik ila.

Mizo tawngin kan nei chiah lova Par arsi kan ti mai dawn nge ni. A botanical 'Plukenetia volubilis' tih a ni a, an koh dan tlanglawn tak takte chu; sacha inchi, sacha peanut, mountain peanut or Inca-peanut tihte a ni nuk mai. Kum 3000 vel zet liam ta atang khan amazon rain forest-ah an lo ching tan tawh a. A hnuah Southeast Asia lamah la lutin an ching leh a, a bikin Thailand ramah an ching nasa zual.
A kung hi a zam chi a ni a, a zamna siam sak a ngai. A rah hi arsi ang deuh a ni a, a arsi ban zum hi pali atanga pasarih thlengin a awm thei. A chhung mu hi herin a hriak an la chuak thin.

Hriak tha dang ang bawkin Omega 3, 6 leh 9 te a awm a, chu mai bakah vitamin A leh E pawh a awm tel bawk.

*1. Cholesterol:* Sacha inchi hian LDL (thau chhia) a tihniam a, HDL (thau tha) a siam.

*2. Well Being (Awm a tinuam):*
Sacha Inchi-ah hian tryptophan a awm nual a, chu chu serotonin hmahruai a ni a. Serotonin hian mihring a tihlim thei a, rilru hah leh chau a chhawk zangkai thei. Omega 3 hian thluak chhe tur a veng thei a, lu na leh taksa nuam lo a tiziaawm thei bawk.

*3. Weight Loss (Rihna thlahniam) :*
 Sacha Inchi hian a tawk chauhin rihna a tihniam thei.

*4. Thluak tan (Brain Health):*
 Kan thluak hi hrisel tur chuan thau tha a mamawh reng a. Chu a mamawh chu Sacha Inchi-ah hian a awm. Thluak a hrisel chuan thluak a lo chak thin.

*5. Lung tan (Heart Health):*
 Sacha inchi hian thisen sang a tihniam a, thauchhia a paih a, taksa chhe tur a tidam a. Chutiang taka a that avangin lung a lo hrisel a, lung tan damdawi tha tak a ni.

*6. Diabetes :*