BOPHAL PSYCHO KILLER IN A BIALNU A THAH DAN

He pa hi serial Psycho killer a ni. Bhopal-a mi ina a inhlawhpui chu thatin a phum nghal nghe nghe. Hei ai maha thințhawng zawk chu kum 2010 khan a nu leh pa thatin a phum nghal niin police-te chuan an sawi. Police-te thu laknain a sawi danin hetianga tual a thah chhan chu TV series lar tak "The Walking Dead" a en vang a ni.

Tun thlenga a chanchin:
He thilthleng rapthlak deuh mai hi a thattua puh an man hian a hnathawhpui chu thatin a chenna in chhuat hnuaiah a phum zui ta a ni.



Thlalaka kan hmu hmeichhe ruang hi Bankura ațanga West Bengal-a lokal a ni a, zirtawp ni khan darkar reilote chhunga pharh a ni.

Tualthattua puh Udyan Das kum 32 hian he nu hi rek hlumin thir bawmah a ruang a dah phawt a. Marble platform hnuai chu a tihsual thup nan a siam ta a ni.

SP Virendta Mishra chuan "Zing dar 4 bawr khan drilling machine hmangin a ruang lakchhuah a ni a. Posmortem tura thawn mek a ni a, thu zawhfiah pawh a ruk deuha tih a ni" tiin a sawi.


Police sawi danin Udyan hian a thah tak hi social media hmanga țhiana a siam a ni a, tualthattua puh hian police-te hrilhin December 2016 kartawpah khan engemaw thila an thu inbât fuh loin a thinrim chuan Akanksha chu a rek hlum ta mai a ni.

Das chuan hrilh chhunzawm in Akanksha a thah hnu chuan a ruang chu thir bawmah dahin platform hnuaiah a dah ta a. Thirbawma ruang a dah hnuah hian cement-in a leih zui a, bawm lian zawkah a khung leh a, chu chu cement bawk chuan a char leh ta a ni.

Police te sawi dan chuan he tualthattu hian kawng hrang hrangin a intidanglam a. He a thah tak nena an inlaichin dan thlengin. A tirah chuan a thah tak nen hian Bhel Kaliba temple-a innei angin a insawi a. A hnuah New York-a innei angin. Mahse New York a tlawh ngai lo tih hriat a ni leh a. Hetiang tehnuai a nih avang hian Govindpura police station-a officer pakhat chuan, " A thil sawiho hriat chian tumin tunah pawh kan la buai kal zel," a ti.

Police te sawi danin tualthattu hian Akanksha hi 2007 khan a vawikhat nan a hmu a. Social network hmangin an inbe zui a. Tichuan inthlak danglamin a thah tak nena nikuma fb lama an ințhian hnuah a bula cheng turin a lokal ta a niawm e. "Nun dan tlaran taka nungin car manto tak taka zin kual a ching," tia sawiin, " Thil kimchang kan finfiah zel a, vawiinah court-ah hruai a ni ang," police officer chuan a ti.

Akanksha chhungte chuan an fanu chanchin an hriat tak loh avanga W.Bengal police station-a thubuai an thehluh tak thu an sawi bawk.

Akanksha pa chuan a fanuin June 2016-a in a chhuahsan thu sawiin phone chuan an inbe reng a. Nikum december thla ațanga message hmanga an inbiak tak thu sawiin US-ah hna thawka a awm thu a hrilh niin a sawi.

An fanu awmdanah ringhlelin phone number an enfiah a. Chu number chu an chenna lai vela register a lo ni lek si a. January ni 5 khan thubuai an thehlut a. West Bengal Police-te chuan Udyan phone hman vel chu an thlithlaiin an record a, niminah Bhopal thlen hnuah an man ta a ni.