ZAN TIHBAIAWM !

  Fùr lai tih takah ruah mal chu a tla phuar phuar reng a,zàn boruak pawh a ti vawt ruih mai a ni.Zàn chu a thim èm èm a,thli a thaw vùk vùk reng mai bawk a,kàwl chu de zawr zawr reng a,a khàt tawkin a ri leh rum rum thin a,kàwlphe èng zuai zuai kårah chuan chhùm lei vàk tawlh dùl dùlte,van lam chhum dum in vial tup tup maite chu a lang leh zuai zuai thin bawk a,khaw awm dàn chu thli tleh vak tur ang mai hian a in mùng mèk niin a hriat a,a ngaih that thlak loh hle a ni.


Thim hlim tè mahnise ka nawmsam loh èm vang chuan thenawm lawka khawhar In ag pawh kal peihlo in ka khumah chuan ka in thawlh fel leh dèr tawh mai a.

Mu chung chuan thenawm a khawhar khuang ri bek bek chu ka ngaithla ve reng a, "Engvanga hetia in àwkhlum duh hial nge maw anih chu le..!?" tiin khuang rìk bek bek nachhan chu ka ngaihtuah neuh neuh a.

Nula fel tak leh duhawm tak ni mai khan ka lo hre thin si a,an sawi dàn chuan, 'a bialpa in a then a,a rilru nà a in àwkhlum ta mai a ni!' anti mai si a.A lainat awm hle in ka hria a,Hmangaìhna pawh hi kan lo in làk nat hleih thin awm hle mai tihte chu ka ngaihtuah mai mai bawk a.

Ka lo muhil a ni chèk ang chu,ka han harh chuan zán chu a lo reh thiap tawh a,khawhar khuangri pawh hriat tur a awm tawhlo a,ruah chu a la tla deuh phuar phuar reng tho a,kàwlphe de zawr zawr kara a ri kal leh ruih ruih thinte leh thli thaw ri vùk vùk mai thinte lo chu thawm hriat tur a awm tawhlo a ni..!

Ka mutna atang chuan ka tho chhuak a,ka chhungte pawh chu an lo mu reh thiap tawh a,light an lo off vek tawh a vang chuan a thim hlè mai a,ka phone chu hmet èngin toilet lam chu ka pan phei ta a,chhungte muhil thaw ri suk suk leh banga sana inkhài chek ri tlek tlek lo chu chhunglam ah pawh thawm dang hriat tur a awm tawhlo a ni.

Electrict chu on tumin switch chu ka hmet ri karh naa.mahse a èng thei chuanglo,current a awm leh tawhlo a nih dawn hi tiin Toilet chu pan uk tawh mah ila pàwn a chhuah chu ka chàk deuh tlat a ni ang,kawngkhar lam chu ka pan leh ta zàwk a..!!

Pàwn boruak chu alo vawt vín tùk mai a,a thim èm èm mai bawk a,kawlphe zuai zuai reng chuan mit a ti vai mum mum a,min mawlh tu awm nge ni ang vawt hle mahse veranda ah chuan ka ding deuh vung vung a...!

Hrechhuak ta thut ni awm takin luh tum chuan ka in her vut hman a,chutih lai taka kawlphe èngah chuan kan garrage ah chuan mi tu emaw? Hmu thàn hian ka in hre ta tlat a,ka phone èng chuan kan chhun ngial a,a èn thuilo bawk si a,in chhùngah lùtin torch light chu ka la chhuak a,garrage vel chu ka èn kual deuh pup pup a.Mahse tumah hmuh tur an awm dèr silo a,ka mitvài vèl mai mai a nih chu ka ring ta a..!

Mahse,thil lo thleng mai tur awm hian ka hre deuh tlat a ni ang,enge ka beisei tlat pawh ka hre chuang silo a.Ka light chu ka hmet thim a,ngawi reng chuan veranda ah chuan ka ding leh ta a...!

Rei pawh ka din hmà chuan garage lamah bawk chuan thil enge maw ri deuh hrùk hrùk hi ka hre ta a,Light chuan ka chhun thuai a,"Tunge inih,khatah khàn enge itih?rawn chhuak thuai rawh,khatah awm kan phallo a nia" ka ti satliah ngawt a.Mahse,chhànna reng reng ka dawng silo a.

Garrage lam chu ka pan phei ta tham tham a,ka beisei ang in engmah ka hmulo a,awm chu awm se ka hmuh hmaih hauh awm silo a,ka awm chu nuamlo tan ta viau mai lehnghal a..

Ruah mal a rawn tlàk leh tàk phuar phuar a vang chuan luh leh mai ka tum hman a,Mahse,nichin a thawm ri hrùk hrùk ka hriat chiah mai bawk kha ka hre leh ta thut mai a,ka phu tep a lawm le...Chu thawm chu Motor(car) chhung chu ni tlatin ka hria a,ka light chuan ka chhun nghal vat a...!

Ka thil hmuh chu ka rin leh beisei phàk bàk a ni....Nimin lawk a kan vuiliam zawh tak,kan thenawm nula ngei mai chuan hmài dàng bèm leh mit khur tla kuam tawh chungin driver seat a thuin minlo en ve reng mai a lo ni a,Chutah zet chuan ka phu chiang kher mai a,rei pawh en ngamlo in In chhùng lamah ka tlan lut ta nghal a.

Ka thil hmuh chu ka råp hle a,kawngkhar chu ka kalh sawk sawk a,ka khumah mu in che lo changlo in ka in lukhùp ta tlat a,ka thil hmuh chu ka hlàu èm a,ka mit vai mai mai nge a tak tak tih pawh ka chiang ngamlo...!!

Ka tiril chu a khùr der der a,reife ka in khuh hnu chuan ngam leh ngamlo chuan ka in hawng ta dèk dèka,engmah ka hmu thei chuanglo a,inti pachangin ka phone chu ka hmet èng a,..!

Ka mutna sìr lawkah chuan thenawm nula chuan hruizèn awrh hnuang chuan minlo la en reng mai a nih chu...!ka tè ta chiam mai a,ka thawmah chuan ka chhungte pawh anlo harh ta hlawm a..karloah khua pawh chu a vàr zui ve ta bawk a.

A hunlai kha chuan mumang ti bàkin ka sawi ngailo a ni,he nula hi a thih hnu ah hian sawi neuh neuh a ngah hle a,A mah hringtu apa ngèi pawhin a hmu a ni anti....!

A TAWP TA
........................