TUALTHAHNA RAPTHLAK

CHANCHIN THALO!:

  "Laldinpuii(23) d/o Lalramhluna,Serchhip chu Ni 28.Aug.2013 (Zirtawpni) dar 2:00pm vel khan anchenna Inah thi a chhar a ni.

Postmortem result a alan danin Nula Laldinpuii hi pawngsual a thah zui niin alang a,a nghawngah engemaw a na taka hren niin thaw chham a thi a ni.Tualthattu hi man tuma ngawrh taka zawn nghal a ni a,misual hi a fimkhur hle a,hnuhma engmah a hnutchhiahlo niin kan Police lam chuan ansawi a,ansawi zel danin inrawkna engmah a awmlo a,suahsual hurherhna vang chauh anih anring a ni." tiin Vanglaini chanchin bu chuan atarlang a....

Chu thu chu Lalrammuana chuan a chhiar chhuak ngun tawh hle a,Engvang a chhiar chhuak tlut tlut nge a nih erawh hria an tamlo a ni.

Zirtawpni chawhnu lamah chuan Ni chu tlema adul deuh tawh avangin Lalrammuana chuan a Vawk In saklai chu a chhunzawm tan leh mek a.

Chutih pah chuan,a hma zan lama a bialnu nen an inhauh dante chu a chhuikir neuh neuh a,athiamloh anih zia lungdam takin a pawm tawh a,a hmangaih em em chu ngaihdam dil thuai chu a chak zek zek tawh a ni.

NULA KHAWNGAIHTHLAK: Suangtuahna ramah a chen veng veng lai chuan a nu chu hmanhmawh takin alo tlan haw lawp lawp a,inchhungah chuan lutin kawmchar lamah chuan atlan tlang zel a,chutah,....

"Mama,mama..Ma Dini athi a nih chu..!!"

tiin athu hriat chu afapa a hrilh nghal var a.

"Engtin maw,ka nu?"

"Ma Dini chu tuin emaw athat anti ania,thuchiang va ngaihven thuai teh.."

Rammuana chuan ahnathawh lai chu adah lawk a hmanhmawh baklengin Ma Dinite In lam chu a pan ve ta nghal a.

A thlen chuan a thil hriat chu a dik ngei a ni tih chu a hrethiam nghal mai a,mi chu anlo la tam lutuk lova,Ma Dini room lamah chuan alut tlang nghal a,Ma Dini naute hmeichhe pahnih chuan an hmuh veleh anlo kuah chuk chuk a,Rama pawh chuan lainat takin alo pawm ve bawk a.

A thian dangte pawh anlo thleng khawm ve ek a,an thiannu Ma Dini ruang lainat awm tak mai chu mittui nen lungngai takin ankil bial taih a,Police lam

nla nghak a ni.Nakinah chuan Police anlo thleng ta a,antih tur angte chu anti nghal zung zung a,antih zawh hnu chuan khum chung a kawisawi taka a mu reng Ma Dini ruang chu anmut that tir ta a.

Ma Dini ruang ansiam thatna lamah chuan Rammuana chuan engemaw a chhar a,ata ni turah ngaiin ngawi reng chuan a ak ve mai a,a ngaihtuah,zui lemlo a,a rilru ah chuan Ma dini lo chu a lenglo a ni.Nunna nei tawhlo Ma Dini ruang chu Rammuana chuan a thlir ngawih ngawih reng mai a.Theih nise zuk kuah a fawh vawng vawng mai chu anap a ni.Mahse, thilmawi a nisilo,a rilru chuan ngaihdam a dil mawlh mawlh a,a mittui chu a parawl kiang a,midang zi nuai nuaina karah pawh chuan chetve zai reng reng arel theilo a ni.Tichuan,Ma Dini ruang chu lumen pui turin an inbuatsaih felta a.

HNU CHHUI HARSA: Misual hnuchhui kawngah chuan Police ho chu anbangbo hle mai bawk si a,investigation han lak tanna mai tur pawh anla hrethiam chiahlo a ni.Tualthattu manlo chuan nikhat chu aliam ta a.chumi zan chuan an bengkhawn zawng tak thuthang anhre ta a!

Ma Dini thih ni chawhnu lamah chuan anvengah chuan Burma mi sumdawng pakhat a vak kual niin ansawi a,thuchiang hriat vat tumin mi chi hrang hrang chumi ni a In nghakve te chu anzawt kual nghal a,thudik ngei a ni tih an chian hnuah Myanmarsumdawngpa chu man tum chuan an zawng ta nghal char

char a.

Police ho chuan Myanmar sumdawngpa thlenna hotel chu an hre thuai a.Mahse,hotel nghaktu nu chuan Zirtawpni tlaiah khan hmanhmawh takin ahaw daih tawh alawm,Inrinni zan thleng bill min pe vek a,engmah pawh asawilo,achhuak daih a,tiin rinhlelh awm tak maiin alo hrilh a,Chu thu chuan Police-te mai bakah mipui vantlang chuan tualthattuah anngai nghal hmiah mai a ni.

Tichuan Burma sumdawngpa chu ngawrh takin an zawngta zel a,chutih lai chuan Police-te chuan Ma Dinite In bul lawk a vai mistiri hnathawk pakhat chu 'A rinhlelh awm ve a ni' tiin anla tel leh ta bawk a.Ravinder singh a ni a,Karimganj lammi ani a.Mahse,Burma sumdawngpa chu mi rinhlelh zawk a

ni a.

Chu tualthahna rapthlak tak chuan Zoram pum adeng chhuak ta thuai a,lallo party-in remchangah hmangin ruling ho chu silai hrang hrangin anlo sai ve pop pop a,lal pawlho lah duailo antihloh pui pui thlenga thiltha ti angin anlo insawi ve rawl bawk a.

Mi tam tak tawngtai pui lamah an tuan a,an tawngtai mum mum a,Kelkang lam thlengin tawngtai rualna chu hman a ni bawk a.Chutih mek laiin Zoram hmun hrang hrangah MHIP ten kawng zawhin an buai ve mek bawk a.Zoram mipuite chuan hetiang a rawng tak mai a tleirawl suasam duhtu chu tunge anih hriat anchak vek a ni!

Police-te chuan Ravinder-a chu thu anzawh fiah hnu chuan ani pawh chu rinhlelhawm thei tho niin an hria a.

RINHLELHAWM DANG: Zirtawpni chuan chu vai mistiri chuan hna a chawl a,a chawlh chhan chu tumahin an hrelova;Amah anzawh lahin Ma Dini chu athah anihloh thu tangna viau mahse khami ni a a thiltih chu asawi duh chuang tlatlo mai a,Police ho chuan an vaw tap pur tawh a.

Ma Dini ruang thlak tuk a ni a,Rammuana chu anmahni sitting room thutthlengah chuan thatchhe zetin a mu a,chanchinbu phek zial a hum tut mai bawk a.A mu chu a rawn tho thut a,a kawrkilh chhar kha la in,khami ni a ahak t-shirt nghawng nei chi chu ala chhuak bawk a.Mahse,kawrkilh chu a kawr ami alo ni reng reng lo a!Kawrkilh chu atuai let atuai let a,angaihtuah zuita vung vung mai a...!

Burma sumdawngpa chuan alo thleng hla hman hrep mai a,Vairengte gate ah anman thei ta hram a ni,chupawh chu mipui hriat an hlau hle a,a ruk tein Aizawl lamah an phur chho ta a.Tichuan,kan Police uisathiam chhuanvawrte chuan uluk mangkhengin thu anzawt fiah tan ta a,Burma pa thusawite chu adik reng em tiin anfinfiah nghal zung zung zel bawk a.

Police hoten chutianga uluk leh fimkhur taka chi hrang hrang hmanga andawp hnuah chuan chu Myanmar sumdawngpa chu Ma Dini thattu a ni theilo a ni tih chu an finfiah ta hlauh zawk a.

Chutianga an mi rinhlelh ber chu tualthattu anih tak silohah chuan mipui mit leh beng chu vai mistiri Ravinder-a chungah chuan a fu leh ta thup mai a.Ravinder-a lah chuan khami ni taka athiltih ahriat tawhloh thuin achhang tlat mai bawk si a,tactic hrang hrang hmang a andawp pawh chuan a inpuang mai duh chuanglo a,amah lah chu atap pur mai bawk si! Fanu naupangte a neihthu chu asawi chamchi a.Police ho pawh chuan anning hle a,an beidawng rum rum tawh a,tualthattu anih theih anringlo a;Mahse,a thiltih asawi duh tlat lova,chhuah ngawt chi chu niin an hre bawk silo,angaihna tak pawh an hre tawhlo a ni.

HRIAT RUKNA DANGLAM: Sunday a ni a,Rammuana leh a thiante ho inkhawm bang chu an Inah chuan anlut khawm a,thingpuite in in an titi luam hlawm a,thildang tak tak ansawi rei theilo Ma Dini thih dan chungchangah chuan an lut leh ta nge nge a.Anni thian ho pawh chuan Ravindera chu Ma Dini thattu anih ngei anring a ni,rin tur dang an awm miau silova an thiamawm viau tho mai!

A thiante zinga Ramnunsanga kawrkilh chuan Rammuana mit ala ta tlat mai a,enchian sak dan chu adap ru ta ran a,nakinah chuan athiante hmuhloh lai takin Ramnuna thutna zawnah chuan kawrkilh chu a vawm pheita zauh a,reilote anghak det a,chutah,"RN kha i kawrkilh ami,i thutna hnuai a kha atla ania.." a hanti zui leh zat a.

Ramnunsanga chuan kawrkilh chu a chhar vei vut a,"Anih hi,antla duh lutuk,hmanni ah pawh ka tibo tawh." tih pahin a kawrkilh tla lai chu a zawng vut vut a,a kawrban lehlam chu tuai vut vut pahin,"Helai lah chu hmanni a tla tawh a ni bawk si a" tiin a ak tha ta a.

Chu kawrkilh chu Ma Dini ruang an buaipui laia khum a Rammuana thil chhar,engmah ngaihtuahlo a a ah tak daih kha a ni a.Kawrkilh chu a neitu a hreta a.Mahse engvanga Ma Dini khumah khan lo awm ve ringawt nge anih a hrelo a,mak ati hle a,khami ni khan Ramnuna kha alo kal ve bawk silo!

Mahse,thilmak tak chu Ramnuna kawrkilh chu lo nita se,Engvanga a sunday kawr ber kher kilhna chu tla nge ni ang?Zirtawpni khan aha awm tawp silova,chubakah Ramnuna chuan chutiang thilrapthlak tak chu atih ngam aring lova,A thianpa arinhlelhna chu dik lovin a hre lehta zawk a,a inthiamlo rilru hle a.

VAIPA INPUANNA: Vai mistiri chu an thiam ang ang chuan thu anla zawt reng a,tualthattuah chhuah talh antum hi a ang tawh zawk mah a.Mahse,Ravinder-a chu a tangkawh ve nasa mai si a.Nakinah chuan officer pakhat ningta deuh chuan chu vaipa chhungte thlalak lek va pah chuan,"I inpuanglo anih chian i chhungte zawng zawng pawh hi kan man vek ang!" tiin a vau ta ringawt a.Mahse anti fuh dawn khawp mai,chutah le,Ravinder-a chuan,"Ka pu,ka chhungte chu man velo hram rawh u,engkim ka hrilh vek ang che u." tiin a inpuang tan ta a.

  Vai mistiri Ravindera inpuanna ngaithla tur in officer ho chuan an din hual tuau a,Ravindera chuan thlaphang aw leh Mizotawng pai tak maiin khami ni Zirtawpni-a athiltih dik tak chu asawi tanta a,a aw chu a khur deuh dut dut a,amah chu adang lup tawh mai bawk a,akhawngaih thlak awm tawh zawk a ni.

Vai mistiri hmel chhelo leh lian tha thelh thawlh tak mai chu an Insak lai contractor nupui chuan alo it tlat a ni aniang chu,amah kawm turin vawi tam tak alo sawm tawh thin a,chumi ni zirtawpni pawh chuan alo sawm leh pek a,ahma zanah api chuan alo phone niin asawi bawk a,api chuan an khawsak dan chu miin an hria anih vaih chuan amah chu athah tur thuin alo vau lawk vek a,chuvang a sawi mai ngamlo chu alo ni a.

Tichuan,Ravindera chuan api nena an khawsak dan bawlhhlawh zawng zawng chu chiang takin Police ho chu a hrilh faita kelh mai a.Police ho rindan leh beisei dan a nita hauhlo a,Tualthattu a anrin rilruk laia chutiang inpuanna anngaithla daih chu anhrilhhai lek lek zawk a ni.Chu nu bawlhhlawh tak pawh chu anman ve ta nghal bawk a.

BEIDAWN THLAK: An mi rinhlelh no.2 chu tualthattu a nilo tiin afihlim lehta then mai si a,mipui hawihai puhmawh tur hre bawk silo chu an phun nuai nuai a,sorkar lakah chuan an tuanta ringawt hlawm a.

Ma Dini boral atangin karhnih zet aliam leh tawh a,Police ho chuan hma anla sawn thei chuang lova,mipui lam chuan tualthattu chu man vat turin annawr ut ut tawh mai si a,anni lah chuan chet lak ngaihna an hre der tawh silo! Aruk tak chuan an beidawng hle a ni.

Rammuana pawh chuan ama tawk chuan Ma Dini khawihtu awmang chu angaihtuah rilru ve reng thin a,mahse ani pawh chuan rintur avan rak rak hle mai a.A thianpa Ramnunate chu a ringhlel thar leh ut ut mai thin a.

Rammuana leh Ramnunate ho chu inkawm reng anni a,thian inngaina leh inkawmngeih tak pawh anni a.Rammuana chuan chutianga an thian hova an khawsak hona ah chuan Ramnuna khawsak dan leh mizia chu dang deuh tlata hriatna a nei thin a.Mahse engmah asawi chhuak ngai chuanglo a,a chang erawh chuan angaihbel mai mai anihte aring leh rum rum zawk thin a,athianpa khawsa zia chu a mitmei ru ta reng thova.

RINHLELHAWM THEI!: A thianpa Ramnunsanga chezia chuan a rinhlelhna chu nemnghet zelin a hria a,mahse chutiang chuan aring bur ngam bik lova,angaihdan pawh chu tumah mihrang ahrilh ngam lova,aunaunu erawh chu ahrilh a,tuma hnenah sawi chhuaklo turin achah zui bawk a.

Tuk khat chu a nu chaw ei siam mawlh mawlh lai chuan Rammuana chuan Ramnuna message adawng a,athianpa chuan Ma Dini thattu chu an hre tawh niin arawn sawi a,tak tak a ni em? tia a zawhna a ni a.Rammuana chuan engtinmah a chhang lova,phone chuan tu emaw abe ta zawk a,chumi zawhah chuan message in,'O an man tawh anih chu,amah a inpe a niawm e,chawei khamah va chian ila' tiin athianpa message chu a reply leh ta a.

Chaw an ei mawlh mawlh lai chuan Rammuana phone bawk chu a zai rat rat a,a kut lehlam chuan remlo zetin phone chu a han pick up a,nichin lawka tualthattu ni a inchhal kha Mi a zurui pakhat mai mai alo ni a,tih thu Ma Dini nauin alo hrilh a,chutiang chuan a chhungte pawh chu a hrilh chhawng ve leh a,Ma Dini chanchin sawi chuan an chhungkua chuan phul hlut hlawm a.Rammuana unaunu Zualtei chuan a U in Ramnuna a rinhlelh rilruk dan chu anu ahrilh ve ta vek mai a,Rammuana erawh chu angawi reng thung a.

Rammuana nu chuan Zualtei thusawi chu ala thutak hle mai a,Rammuana chu a zawt ta sek sek a,atawpah chuan Rammuana chuan angaihdan kimchang tak chu a nu chu a hrilh fai veta vek a,A nu chu a ngawi deuh vung vung a,a ni thei ve dawn riaua hriatna anei ve ta a.

Chaw an eikham chuan Rammuana nu chuan phone hmangin tuemaw a be lawng lawng a,leng turin asawm a.Anu chuan apu Zoliana Police SI abia tih a hre nghal mai a,achhan pawh achiang viau awm e!

INRIN MANNA: Rammuana'n a thil hriatte a rawlh ruk avang chuan athianpa Ramnunsanga chu Police-te chuan ala ve ta a.Khawtlang abarakhaih hle a ni,a chhungte hlei hlei chuan mak anti a ni.

Tichuan,Ramnunsanga chu motora phurin Police hmunpui lam anpanpui ve ta a,antlan liam hnu chuan ahria leh hman chu thil chinchang ngaihven turin Police Thana lamah anliam ve sup sup a,Rammuana pawh chu anzingah chuan atelve a.

Ramnuna chu stool pakhatah thut tirin Police officer rothap hmel tak tak ho chuan an din hual khup a,rum leh thip tak takin an melh khui khui hlawm mai bawk a,Ramnuna chuan a hlau hle a akhur ru der der reng a.

"Hetiang thil hi ka tih a nilo,khami ni kha chuan leiletah ka kal daih alawm,Ma Dini thih hun lai vel...." ati hman dek dek a,Officer zing a palian leh hmel bumro tak mai,arsi pahnih bel chuan,

"Dawt...dawt...dawt... khami ni khan leiletah i kallo,in hnathawkte kan zawt vek tawh,ka rek hrep mai tur che a nia..."

tiin a han vau chhur chhur a,Officer hnar tawk sen tur mai leh sang ria khauh mai chuan,"Dawt isawi leh chuan kan hlap hrep ang che" tiin a senior thusawi chu alo tuihnih ve bawk a,chutah zet chuan Ramnuna chu atang ngam talo a ni,Police ho rin phak bak a ni,an beisei loh takin Ramnunsanga chu tualthattu dik tak chu alo ni reng mai a,amah hretute chuan mak anti em em zel a,amah Ramnuna hi hetiang hanti duh chi niin an hrelo a ni ber mai a.Mahse,mihringte hi kan landan ang ngawt hi kan nihdan a ni kherlo!

TUALTHATTU INPUANNA: Police officer ho chuan tualthahna chanchin dik tak anngaithla tawh dawn a ni tih hria in an vai mai chuan Ramnuna chu an din hual thup a,Tlangval kum 24 leka upa Ramnunsanga chuan athiannu athah dan rapthlak tak chu thup nei miahlo in asawi tan ta a.

"Khami ni zirtawpni chhun khan Ma Dinite Inah hian ka kamis nawt turin ka kal a."

"Ma Dini kha In ah a awm tih i hre sa ami?"

"Ai,hre sa lo,kan chen khawmna in a ni a,kan tlangnel em em thin a,tupawh lo awm mahse ka pawiti lova."

"Sawi zawm zel rawh!"

"Chuan,Ma Dini chiah alo awm a,a nawmsam loh avanga class a kal peihloh thu min hrilh a.Mahse,damdawite eiin a zia awm viau tawh thu asawi a,inbual hial tumin tui alum mek a,chutih lai chuan ka innawhna tur chu ka siam vel mek a,chutihlai chuan current chu a thim hlauh mai a,tichuan nghah pahin Ma Dinite thutthlengah chuan ka mu ta mai mai a,minute 15 hnu velah chuan current chu alo awm leh a,ka innawh chhunzawm ta nghal a,chutihlai chuan Ma Dini pawh inbual tumin bath roomah alut ve chiah bawk a.

Ka kamis kati taknaa ka kekawr pahnih lai atel bawk a,kamis chu nawt zovin ka ha vei than a,tichuan kekawr chu ka nawh chhunzawm leh ta a,ka innawh zawh a,ka thil lak hnawkte ka dahfel leh meuh chuan Ma Dini pawh chu a inbual zo ve chiah bawk a.

Ma Dini chuan towel chhing taka bihin alo chhuak a,amal varno tak chu alang thui hle a,ka rilruah sual alo lut nghal thuai a,amah chu kalo itsa avang chuan a inthlak lai chu bihthlak ka tum ta a,rooma aluh hnu chuan ka bihthla ru ta a.

Ma Dini chu darthlalang hmaah saruakin alo ding teu mai a,ataksa no nalh tak mai chuan min ti phur hle mai a,darthlalang hmaah chuan a inpost nasa hle a,ka lam hawiin a in her a,a hnute kawh vah mai leh a kap chiang manglo a lang thei chuan minti zauthau tawh hle a,tichuan thawmhnaw a inhak lai mek chuan ka istiri hman dah luh chhuanlam chuan ka lut ve ta thut mai a.

Ma Dini chu alo inthlak zo hmanchiah bawk a,engah vak alo ngai lova,ka englo kawh vu mai chu a hmuh hlau takin ka thup hram hram a.Mahse,vanneihthlak takin enpawh minlo enlo chuan minlo hnungchhawn hlauh a,"Tikhan lo dah mai rawh" ati a,darthlalang ringawt chu a awl mawh a.

Engemaw la tura almira a hawng chiah tihah chuan ahnunglam atangin istiri hrui chuan anghawngah ka hreng ta thut mai a,kan inchai nual hman a,ka kawrkilh pawh kha heta a pawh thlak hi a nih ka ring,reiloteah chuan azawi vek a,mahse ala thaw pangngai reng a,chutah chiah chuan ka tihtur chu ka ti ta a ni.

Ka duh tawk ka ngah hnuah chuan athawmhnaw chu ka hak that tir leh a,tichuan,ka hreng hlum zuita a,muangchanglo takin ka chhuahsan ta thuai a.Vanneihthlak takin khamini khan mi anreh hle mai a,kan in ka thlen leh thleng pawh chuan tumahin min hmulo niin ka hria.Ka thil tihah hian ka inchhir tak zet a ni,mi zawng zawng ngaihdamna ka dil a ni." 

tiin a thusawi chu atlip mawi ve bawk a.

SI palian leh bumro zet mai chuan ahan bengthuai a,Central jail lama thawn turin an lockup zuita a,mipui pawh anlo pungkhawm ve mek a.

A TAWP TA

............