THE SATANISM

Kum thum liamta mai a kan thil tawn a ni a,tun thleng pawhin ngaihtuahna a la ti thui thei khawp chuan ka hria a ni! Nia,Kristian ram 100% ti a inchhalna ramah chuan a mak viau thei awm e...!!
1
Ka pi hi lui lam sa leh sava sa chauh ei ve thin a nih a vangin ka hun awl chuhin Vahrit zàn riak kah sak ngei ka tum a ni.

Ni chu kàwlah a liam dawn suar² tawh a,ka nau hruai tur nen chuan kan in peih at tawh bawk a.Mahse,kan kalna tur hi thlànmual ram mai a nih avang leh chhùn lam a ka enfiah lawk vek tawh avangin kan hmanhmawh lo hlè a.Tichuan,thim-hlim thet² chuan kan chhuak ta chauh a ni.

Minute 20 emaw vèl lek kan kal chuan thlàn hmun chu kan thleng mai a,thla èng deuh ruai hnuaiah chuan Thlànlung phun te chu an ding vàr vu² hlawm a,hla lo te² chu chiang manglo chuan a hmuh ririai theih a,thil hmuhsual awl hun tawk vel lek ni awm tak a ni.

A reh deuh vung² mai a,ral leh lama zàn sava hram kùk² maite chu a fiah duh hlè a.Nakin lawkah chuan kan chhak lawk thim zingah chuan Sihal a rawn û ta tuarh² mai a,ka nau hruai chuan a hlau hlè a,kei pawh chuan sihal tih hre reng mahila kan awmna in a zirloh bawk avangin minti hlau ve lek² in ka hria a ni.

Tichuan,min 10 vèl lek kan kal leh hnu chuan kan tum hmun chu kan piah lawk chu a nita a,thawk lak pahin luikawr thim rep rup ah chuan ka nau hruai nen chuan kan thu chawl leh tè² a.Tichuan,ka nau hnenah chuan minlo nghak mai turin ka ti a,keimah chuan Vahrit pachal ngei mai chu kah tlak tum chuan ka veh phei ta tham² a..!

Ngati kher² nge mawni?chumi zàn chuan anlo riak hleklo mai a,an èk ka hmuhte kha a hma zàn lawk² a mi ni ngei khan ka hre si a,beidawng takin ka let leh ta a.Luikawr ah chuan reife chu kan awm leh deuh vang² a,chumi hnu chuan beidawn nan hrim² tiin ka va veh leh dak² a.Mahse,a ngai ang tho...!!

 Khawilam Vahrit mah hmuh tur reng² an awmlo tawp mai a.Haw san mai chu tha berin ka hre ta zawk a.

Tichuan,Vahrit duh a kal kha Vahrit duh bawk chuan kan kalna ngai ah bawk chuan kan lèt leh ta hnu² a.

Thlàn hmun kan thlen chuan thlànmual chin leh chin lo ah chuan mèi èng kan hmu ta tlat mai a.Tin,chulai atanga lo chhuak ni awm tak mipa chang sawi dual² ni awm tak kan hre tel bawk a.

'Tute nge maw ni a,a zàn² a anlo in vui tak mai le? Mithi vui hmanhmawh thlak chu sawiloh mithi hrim² kan neih awm reng² ka hre dèr bawk silo.Mak ka ti tulh² mai a,enge antih chiah chu hriat ka chak ta èm² mai a,en rùk tum chuan kan veh phei ta dàn² mai a...!!

An lan chianna lai hnimbuk phénah chuan kan thu ta kar a.Mi paruk hian meialh chu anlo din hual a,an inchei dan leh an awki ah chuan rawlthar tè² niin an lang a,an zà chuan puanthemin an hmai an tuam tlat hlawm a.An bethel emaw ka ti hman hial a..!!

Dingkual ho chuan an kut chu insuih zawmin in an vanva dàk a,an kut chu an phar sàng a,enge maw hi an chhamta dual² a.(Duhlian tawng pawh niin ka hrelo,tin,an thawm a ringlo in thawm an dím hle tih a hriat mai bawk a.)

Tichuan,an thuchham chu titawpin an kut pawh chu anla thla a,pakhat tih loh chu an thingthi leh ta vek a.Tin,thingthi velo ber chuan engemaw(plate ni maiin ka hria) hi a chhar(la) zauh a.

Vanlam hawiin a thil lak chu a chawisang vang² phawt a,chutah la thla in engemaw hi a chham pual vel a,chumi pah chuan meialh chu a kal hual a,a thil ken chu a kut a khawih zauh² in mei lam hwi chuan a thèn zoh² bawk a.

An thil han tih kual vel dan chu a makin a rapawm thei lek² in ka hria a,ka pu silai chu min thlamuantu awm chhun ber a nih miau avangin ka hum nghet sauh² mai a.Setana pawl,an awm tak² pawh ka lo rin ngailohte annih ngei chu ka ring rilru ta hle mai a..!Kan thlir zui reng a,ka nau hruai hlei² chuan mak a ti bawk a ni ang,tawng zai reng² a rello,a thlir vung² ringawt mai a ni.

Thil(plate) kengtu chu dingin van hawi zawng bawk chuan a chawi sang leh a,la thla leh thuaiin a hmui ah chuan a ti si zauh a.Tichuan, midang hmuiah pawh chuan ti si kual ta zauh² bawk a.

Ka thinlung chuan chutia Setana lo be ta mai te chu tute nge annih reng² ka hre chak ta hle mai a,va phawk thut chu ka rilruk ta a,a hnaih thei tur ang berah chuan ka pan phei leh ta zèl a.

An thiltih ah an rilru an pe bawk nge ka thawm hre awm pawhin an awmlo hlauh a,an bul lawk a tang chuan,"Hey...tute nge innih?Che tawh suh u,ka kap nghal dawn che u ania." ti chungin ka zuang chhuak ta phut mai a leh.!!

'Minlo bei lèt mai ang a.' ka tih rilruk te chu hnailo lutuk,bak-leng in a tlan chhe nghal vek mai a,chuveleh,ka silai chu van lam hawiin ka hmet puak ta hràm a,an hlau viau chuan ka ring,kàrloah chuan thimtham zingah chuan an relh bo ta vek a.

Plate ni ngeia ka hriat pawh kha a lo dik ngei a,an hmanhmawh lutuk chuan anla hman talo a ni ang..! A chhungah chuan thisen baw bang chu a lo la tling lang a,anmahni thisen thawh khawm a nih ka ring ringawt a..!!

Kan thil hmuh chu kan zepta tlat rih a.A chhan pawh a hranpa a man chhuah ngei kan tum a ni.Ka thian then khatte nen chuan vawi ruk zet chu kan chang leh thin tak naa,anlo lang ngai ta reng² lo a ni,A tlangthang zuita mai bawk nen..

ATAWP TA

..........................................