SERMON PAHNIH

"Lalpa chu ringla,thil tha ti rawh;He ramah hian awmla, Rinawmna ûmzêl rawh"(Sam 37:3)

*. Rinawmna chu enge?
» Sawifiah vak ngaihna pawh a awmlo a,'Rinawmna' han tih hian a fiah ber zawk awm e! Thil dang leh midangte laka tih tur tha taka hlenchhuak thinte,ze nghet tak neia,dikna pawh huaisen taka mualpho pui ngam thinte,thlipui leh ruahpui,hrehawmna leh manganna lo thlengte pawhin an tih danglam theihlohte hi mirinawm,rinawm kan tihte chu anni a.


Rinawmna chuan duhsak bik a neilova,dikna nen ankal kawp tlat avangin rethei leh hausa,mi à leh fingte pawh a thliar hrang ngai lova,abul vela thil awm zawng² lakah a rinawm mai thin a ni.

*. Rinawmloh hi apawi em?
» Rinawmloh hi thil pawi tak mai a ni a,tisa leh thlarau lamah pawh nasa takin nghawng a nei ve ve thin a ni.Tin,kan rinawmloh hian mahni kan inbum lek fang a ni zawk si!

Rinawmna tello chuan mihring a khawsak ho reng theih lova,atello chuan a inkawp rem theih ngai loh a ni.

Kan Pathian pawh hi athianghlimin a rinawm em em a,a rinawm zia pawh tam tak kan hmuin kan hria a.Tin,sam 100 ah kan hmuh angin kum tam tak pawh vei mahsela a thutiamah arinawm reng fo thin tih kan hmu a ni.

Matt.23:23 ah chuan mirinawmlote chung pik thute kan hmu a,rinawmloh hi Pathian huat zawng tak a ni tih hi vawng reng ila,ama tan kan rinawm em? Tih hi inzawt nawn fo ang u..

Kan rinawm tawkloh na avangin kan ram pawhin atawh miah loh tur harsatna tam tak atawh phah a;Kan nih tur leh thlen tur kan niin kan thlen phak loh phah bawk thin a,hmasawnna tam tak turah kan thuanawp phahta thin a ni.

Kan rinawmlohna avangin thenawm leh thenawm thinrim hmaisenin kan in tawnga,thisente hial aluan phah thin a ni.Kan rinawmlohna hian rah duhawmlo tak tak athlen thin a,sawi tur pawh tam tak a awm thei awm e..

Mirinawmlo tak inih chuan tumah ibulah an awm tha duhlo anga,va hnaih ve thin mahla annin an hnaih duhve siloh che chuan itan beidawnna mai a ni tawh ang.Mahse kan Pathian chuan thinlung kehsawm a,an sualnate inchhir a,simna tak tak thinlung pu-a amah hnaih thintute chu a hnaih thin a ni.

*. Rinawmna chu engtia ûm tur nge?
» Rinawmna ka ûm tia va tlan chiam² lam kha a nilova;a hranpa rinawm tum em² lam lah a ni ber lo a ni.
Pathian hian ama tana rinawm taka ding thin,tawrh atul hun pawh a tuar a,malswmna adwn pawha lwmna chang hriate,amah ngaia,amah tihtute tak tak chauh hi a ni Lalpan a duhzawk chu..!

Pathian tihna tak² neilova,pawnlam mawina zawngtute,rinawmna tak² neisilova engemaw changa phatsan fo thinte,phûr chang chang a Pathian hnaih tute hi kan Pathian hian a hnaih ve kherlo! Hla pakhatin 'Lalpa hretu nimahla Lalpa hriat inihloh chuan Chatuan nunna i neilo' ati a,a dik dwn hle in ka hria,Pathian tan rinawmna tak tak kan neihloh chuan chatuan hremhmunah kan boral dawn a ni.

Thinlung taka Pathian tihtu,Krista hi Lal leh Chhandamtu a pawm tak taktute,buaina leh harsatna lo thlen changte,anuamah pawh a hrehawmah pawh nghet taka Krista vuan tlattute hi Lalpa tana sipai rinawmte chu anni.

Chuvangin,Rinawm taka awm tur chuan Pathian tihna tak² neih angai a ni.

Kan Pathian hi Rinawma,a  thianghlima,PATHIAN anihna ang hian bia in chawimawi ila,kan tun hun apiang hi atan i hlan zel ang u.'Thih thlengin rinawmin lo awm rawh,tichuan nunna lallukhum ka pe ang che' titu Pathian a ni tih hre rengin kan damchhung ni reilote ah hian atan Rinawm takin awm la,Rinawmna ûmzêl rawh..

Amen!

..........................................

RINNA NGHET

   Khawvel chu lungawiloh hmel takin avir vut vut reng a.Mahse, engvanga lungawilo nge anih hriat a nilo a,Ngaihtha lo takin a her mèk niin alang a ni.

Khawvel a changkang tawh em em a,thil chi tin rengah hma kan sawn em em vek mai a.A climax a ni tawh hial ang tih tur khawpin kan changkangin hma kan sawn a ni.

Mifing tak tak ten chiang hmel tak taksi,fiahna rintlak tak tak awm chuang silo in,kan Bible thianghlimte pawh abul thum rêt rêt atangin an in hrilhfiah siak mek a ni tawh a.Thil nithei leh awm ang tak takte,hriat chianna tak tak awm silovin an thu tak chei a,mifinglo zawkte lah chuan chutiang ho chu kan lo ring ve mgawt zel a,an thusawite chu bible nen a inmil em? tih enna chang kan hre lova,luang thli chhem ang maiin kan âwn dual dual tawh mai a.

Khawvel finna nasa tak avangin Pathian ngaihnepna hialte alo awm tan ta a.Han hawi vel ila Krista ringlo mi zawk hausa tak tak leh keini aia khawsa nuamsa tak tak Zawk hlirin an khat tût mai bawk si a.Hetiangte kan han hmuh hian Rinna chaklo tan chuan tlûk rawk rawkna tur hlir hi a ni mai a.Chu tak chu a ni Rinna nghet tak neih a pawimawh na chu...

Lal Isua Krista hi tih mai mai a zui chi a nilova.Chuvangin hetiang sual thlemna rip tak tak karah pawh hian KRISTA ZUITUTE chu nghet taka din a,kan vawn Krista hi thlah miah loh tur a ni.Tluk leh din fawm chung chuan kan Pathian hi a zui theihloh a ni.Sual Thlipui leh ruahpui pawh lo thawk sela chhel taka tawrh hram hram angai a ni.

Chutiang Rinna nghet leh chak nei a,Hneh theihloh nun kan neih theuh theih nan Krista hnenah i in tulût deuh deuh ang u..

Amen!