Serchhip khua hi khaw upa leh lar tak,Kumpinu sorkar in Mizoram a awp hma pawha khaw lian tak lo ni tawh,Zawlbuk pawh pahnih nei a ni a,Chhim Khawpui tia sawi thin a ni.British in min awpa Chhim leh hmar ramri a siam takah khan Serchhip chu hmar lamah a dahta zawk a ni.
Serchhip tih hming a put dan hi sawi dan hrang hrang a awm tlat mai a.Chungte chu sawi zawr zawr mai ang:-
1. Hman laiin he tlangah hian 'Sera' hi a awm a,British in Mizoram a awp tan laia Serchhip a kulh an siam lai khan an sulhnu atangin Sapho chuan 'Sera Chief' tiin an lam a,chu chu thangtharten 'Sera Chief' ti lo vin,'Serchhip' an ti ta a ni ang e, tih ziak a awm.Mahse,pawmawm hle in lang mahsela Sera,lal sulhnu hmuh tur emaw han tan chhan tur a vang hle a ni;Chubakah British in Mizoram an awp hma pawh khan Serchhip tih alo ni tawh a ni.
2. He tlanga lo awm hmasaten,mualpawng pakhatah hian Ser kung lian tak mai hi a mal din luah mai a,Chumi chawi chuan Serchhip an ti ta a ni ang e,ti a sawi a awm bawk a.
3. Chhak lam atanga Mizorama thlangtla hmasa Kawla hi a awm a,heta khua an dintirh lai hian Ser kung hi a tam hle mai a,chuvang chuan 'Sertlang' kan ti dawn em ni?te an ti a.Mahse,chu hming chu puttir ta lovin,Serchhip an ti ta a ni ang e. Tiin upate chuan an sawi bawk a ni.
'Serchhip tih hming a putna hi chu a rei tawh hle a ni ang,Lallula thlangtla tur kha AD 1765 ah N.Vanlaiphai a kai a,chuta tangin Piler a kai leh a.Piler atang hian Bawngchawm kai lehin,Bawngchawm atangin Ser-chhip ah a insawn leh a.Hetah hian kum engemaw zat hnuah Diarkhai ah a insawn leh a.Diarkhai awm lai hian a fapa naupang ber Vuttaia a piang.Hei hi AD 1776 a ni,tiin K.Zawla History chuan a sawi.'
SERCHHIP KHUA THLALAK HRANG HRANG:
 |
| SERCHHIP KHUA,VIEW FROM CHANDMARY VENG(EAST) |
 |
| VIEW FROM VENGCHUNG(WEST) |
 |
| SERCHHIP AOC VENG & ASSAM RIFLE TLANG |
 |
| CHAWNGPUII NU LUNGLENTLANG,KAWLRI |
 |
| KAWLRI(SERCHHIP) LAL BENGKHUAIA IN HMUN HRIATRENGNA LUNGPHUN,KAWLRI |
 |
| SERCHHIP VENGCHUNG KOHHRAN BIAK IN |
 |
| KHAWKRAWK,MAT LUI |
 |
| TUIRIHIAU,THENZAWL |
 |
| SERCHHIP VENGCHUNG,SARON VENG,DINTHAR,CHHIM VENG |
 |
| SERCHHIP BAZAR,TOWN HALL VIEWING FROM KAN IN CHUNG |
Comments
Post a Comment