SE SAH

 Sesah hi Serchhip khuaa lui hming pakhat a ni a,khawchhung chhim lamah luangin Lunglei rd.NH54 in atan tlang a,motor servicing hmun pakhat a ni.A tangkaina leh a hlutna lam sawi ka tum lova hming alo neih dan danglam tak sawi kan tum dawn a ni.


Chumi hmain Serchhip khaw chanchin hmasa tlem lo tarlang lawk ila..

Serchhip khua hi kum 1903 ah lal Bengkhuaia fatlum Lalhrima leh a khuaten andin that leh a ni a.Lalhrima chu kum 1919 thleng a lala,athi a,anupui Lianpuithangi chu a lal zui ve lehta a.Mahse,hmeichhia mai a nih avangin afapa Sailam lal Sairuma chuan a awp tel a.Sairuma fapa Lalhanga chu kum 1928 ah lal tanin 1954 thleng a lal a ni.


Kum 1966 ah Mizoram chu independent sualin rambuai a ni a.He mi avang hian khaw tam tak sawikhawm anni a,Serchhip khua pawh an khaw hnuai lawk tlangdung thla 'Rulpui mual' antih(tuna Vengchung hmun)ah hian khâwm thlakve anni a.

He chanchin hi Lal Bengkhuaia Serchhip Kawlri a awm lai vel a ni a,hetih lai hian Serchhip hi tlâng pahnihah an awm a,Kawlri ah Bengkhuaia chu awmin Êntlâng lamah afarnu Lalrûmi chu a thu thunga.Lalrumi Serchhip khawhlui a awmlaia thleng chanchin a ni a.Chhum bung tak taka ka pi min hrilhte ka remkhawm leh anni a,chhiar a nuamlo a nih pawn min hrethiam ula..

Serchhip khuaah chuan Putar tawh tak mai pakhat hi a awm a,amah chu pa neinung leh khawsa thei tak mai a ni a.Fapa pahnih Rohmingliana(?) leh Bawkchaa a nei a,nupui fanaute neiin an indang ve ve tawh a.Bâwkchaa chu a naupang zawk niin an khaw thîrdêng a ni nghe nghe a.

Putar chuan ro tam tak nei mahsela a rote chu athihni thleng pawhin asem reng reng lova.A thih hnuah chuan a fapate pahnih chuan anpa ro chu an insemtaa. Mahse an ro insem danah chuan lungawilo zawk an awmta a,Unau karah buaina chu a intan dawn tan a ni.

Ro chungchang a lungawiloin reitak chhung an in hmelmak tawh a,an inrem hlei thei reng renglo mai a.Atawpah chuan Lal chuan an thubuai chu a remsakta ringawt mai a ni.Mahse,chu remna sa ui tan pawh chuan an buaina meialh chu a chhem mit zo chuang lova,ati alh zual sauh zawk a ni.

Lal thurem danah chuan fa û zawk,Rohmingliana chu a lungnilo rilru hle a,anau chu lal chuan duhsak bikin a hre tlat a.Mahse,ati lang chhuak duh chuang lova,amarawh chu ala puahkeh tho chu a ring a ni.

Tûkdang ang bawkin chumi zing ni chhuak chu a tha leh hle a.Rohmingliana chu pa tho thang tha tih takah hma takah thovin tih tur nei ni awm takin inchhungah chuan a vei ngun tawh hle a.

Anupui pawh chuan tih tur a nei em?tih a zawt hial a ni.Rohmingliana chuan a Hrei chu anâu tuai hriam tir a duh thu leh chumi ni a hman nghal a duh thu a sawi a.

Tlêm a Ni a tlângsân deuh hnu chuan a hreipui chu puin anâu Bâwkchaa-te In lam chu a panta ngoh ngoh a.Chutia a kallai chu Pitar pakhatin alo hmu a, ngaihthat loh hmel taka thlir vung vungin,"A náu chungah hian rilru thalo takte hi a pû a ni mai ang a? Kha leh chen in hmelmàk si a,tun ataka anaute In lam a pan tak duan duan.." ati rilru neuh neuh a,alo thlir reng a.Mahse,Rohmingliana hmelah chuan thinrimna a hmu lova,tha tak chuan a thlir liam zui ta a.

Bâwkchaa erawh la thophang tih hriat takin ala phak chial a,phur hmelloh takin a hna tan tur chuan Pûm-ah alût ve mek a.Chutih laitak chuan a û Rohmingliana chu Hreipui pu vohin alo langve hlawl mai a.Rei tak lo intlawh serh tawh annih avang chuan chutia a û rawn langta hlawl mai chu Bâwkchaa chuan mak ati rilru a ni.

"E,Bâwka itho tawh maw?hei Hrei ka rawn keng a,min tuai hriam sak ta che.."

"Ka tan dawn chiah a ni,tikhan dah la.."

"Vawiin a hman nghal ka duh deuh a,ka nghak nghal mai a nge..."

Bâwkchaa chuan engtinmah a chhang zuita lo chuan Meihawl chu la in thukah chuan a vûr belh mawlh mawlh a.

Chhêmthei chu la in a meihawl vur chu chhem kai tum chuan a kûn kût kût a,chutih laitak chuan a û Rohmingliana chuan,a Hreipui ken chuan Bâwkchaa tukhumah chuan chêkta bur mai a.Bâwkchaa chu a tho chhuak uaih a,thei leh thei lovin,"Ka û min van fiam na deuh ve.." ati a,atlu tawpa athi zuita a,a thisen chu namen lovin a luang a ni.Tichuan,Rohmingliana chu hlauin a mangang hle a,hmanhmawh takin a tlanbo zuita a ni.

Rohmingliana chetdan rapthlak tak avang chuan lal leh khawtlang chu an thinrim hle mai a,chutiang taka mi nunrawng chu aphu tawk hremna pêkve ngei tumin an zawng ta huai huai mai a.An zawn chiam hnu pawhin anhmu mai silova.Mahse tukkhat chu amah Rohmingliana anzawnna lamah a Sial-te chu an hmu fuhta hlauh mai a,an thinrim chuan ansâtta chiam mai a,chulai ruam chu thisenin a bual sen nguai a,chu laia lui pawh chu thisenin a luang hial a ni.

Tichuan,tunthlengin mipui thinrimin Rohmingliana Sial-te an sah sakna ngaw a Lui hi SE SAH LUI tih alo ni hlen ta a ni.