RUL IN MIN CHUK

Kum 2003 kum tawp lam hnaih a ni tawh a,thingtlang mite tan chuan buh seng hun a ni a,Keipawh school kan chawlh tawh avangin ka chhungte chu buhsenga pui ve turin ram lamah ka liam ve ta a.

Chumi ni tlai lam ni chu aliam dawn suar suar tawh a,kan zanriah tur bawlin thlam lamah ka buai ve hle mai a,kei chauh ka buailo:ka bul vela sazu leh sava te pawh chu an buai ve hlawm zar zar hle mai....


Vau hrul a kan bal lin tak tha zet zet mai chu Lenghmaser nen tui tawk a bai ka rilruk a,bal cho tur chuan vau lam chu iptepui nen ka pan hnak hnak a.Thui pawh ka kal hmanlo ka ke chu thip sa zawk hian ka hria a,ka en vat a,karei leh!..Rul hring ngelngual hi kalo rap vial ngawl ngawl mai a,ka rap ngei mai a,ka te tuarh nghe nghe a,chutih pah chyan ka ke chu ka thing ta chiam chiam mai a,Rul pawh chu ka thing per bo ta daih a.Ka ke zung tang ah chuan a chukna hnu hma(fangs mark)pahnih alo thi ser ser a:mahse ana hran lemlo a.

Chu rul chu a hring ngual a,kut zungpui ang tiat vel lek a ni a,a mei hmawr erawh chu a sen eng deuh thep a.Ka sawi dan atang chuan min chuktu rul chu Rultuha(Zawng ral) antih chu ni ngeiin kan hre ta a ni.

Rultuha/Zawng ral te hi a species name ah chuan Trimeresurus/Bamboo pit viper anti a,species chi li an awm a,note hring chi(Ovoviviparous) leh chhun eng lam a che chi(diurnal) niin rul che muang tak leh mi chuk hmang tak mai a ni.

India ramah hian rul chi hrang hrang 242 an awm a,chung zing a chi 54 chauh chu Venomous snake anni a,an zingah chuan rultuha/zawng ral kan tih pawh hi alar pawl tak a ni.

Ka pute chu ka au a,hmanhmawh takin anlo tlan nghal a,rul tur chuan eng ang takin nge min fan dawn a hriat siloh a,kan buai hle mai a,tihngaihna vak kan hre bawk silo a,ka putea chuan chempui chuan a  hukna hmuamhma chu zai teh belh atum ngial a,chempui bil nen a zai tim bawk nen a zai kak zo ta ngang lo a,mahse alo pawi lemlo,doctor-te chuan zai kak belh hian awmzia a neilo a,natna hrik luhna chance ati tam mai mai a,ana thlawn mai a ni anti a ni.

Method dang apply nghal tur chu ngaihtuah chawp leh nghal chuk chuk angai si a,tihdan tur kan hre mai lova ka bal chawh sa te chu kan zai lep a,a chukna hmuamhma ah chuan kan bel vel ta mai mai a.Mithiamte chuan hetiang a eng eng emaw hhmang a atur hip let tir tum pawh hi awm zia a awm tawhlo anti a ni.Rul tur ah hian chemical chi khat Hyalurondase a awm a,chi chuan rang takin taksa ah a sem darh nghal thin a ni,A tur luh hnu minute 3 ah phei chuan a tur lut zawng zawng 0.1% bak a hip chhuah theih tawhloh a ni.

Mitthla ah rul chuk vanga na tuarh te vawn vawn te,vung ber burte,mitthi te hial chu anlo lang zut zut a,mahse,mak tak maiin na pawh chu ka hre rih miahlo mai a.Mahse,tlem tlem chuan avung ve hret hret zel a,ngaihthatlohna em em pawh ka nei lemlo a,ka putea erawh chuan zan lam a anat viau a hlauh avangin haw mai turin min ti a.Tichuan,zanriah eikham,thim hlim det det ah chuan mau bati keng in ramhnuai ngaw karah chuan in lam chu ka pan tan ta a ni.

Kilometre 4 vel zet kawng chho hlir zawh angai dawn a,chupawh ramhnuai bawng kawng tum mai maiah mau bati englo zet nen lehnghal chuan ka zawh huphurh rilru hle mai a.Mahse,duhthlan tur dang ka neilo,haw loh chuan zanah aturin hna athawk anga ana viau zawk ang tih a hlauhawm bawk si a.Tupawh nise haw mai chu an thlang zawk vek awm e...

Zan thim hnuaiah chuan ngaw kar chu a thim chhah hle mai a,ka bati ken chau a en zaulo viau mai!Ka kal thui tulh tulh a,thisen lum vang nge a vung chak ta viau mai lehnghal a,rulchuk chu hahdam taka awm a,mut hahdam diai diai tur a nih laiin ka la kal hah dawn chauh a ni si a.Ka huphurh ve takzet a ni.

Mi thenkhatin a chukna hmuam hma hi hren khalh theih a nih chaun hren khalh atha antih chu ka hre ve a,changel hrui chuan ja hren khalh ve a,a hrenna chu ka sawn chho ve zel a,ka kal lum hnu phei chuan sawn a ngai zing ta hle mai a.Mshse,hetiang a hrenkhalh pawh hi doctor-te chuan a thalo a ni anti,abikin hetiang tisa ei chhe thei tur pai chuk reng reng chu hre khalh miahloh tur zawk a ni.A chhan chu kan hrenna khan thisen kal tibuaiin hrenna chinah a thi(gangrene) vek thei a ni.

Beisei phak loh in ana lemlo tlat mai a,chuvang chuan kawng pawh ka kal chak thei viau mai a,ka chhuah hnu lawk a min rawn um leh tu ka u pawhin In ka thlen thlengin min umpha zo talo a ni.

A vung nasat hnu chuan kawng kal pawh ati harsa talh tawh a,a rit luk tawh mai a,tiang hael tur. Hu ka la a,ka la in hawl kal ve tauh tauh zel a.Hah pawh a sawi theihloh arang thei ang bera In thlen hman chu a ngai si a,eng ramhuai leh ramsa kawlh hlauhna mahin khatih lai khan min tuamlo..

In ka thlen meuh chuan avung nasa tawh bur bur hle mai a,Zu in hi atha khawp mai antih avang chuan zu te chu ka in a,ka rui em em lehnghal a,ruih chhung na na na chuan ana chu a chhawk khawp mai!! Doctor-te bawk chuan Zu lam chi reng reng hi tem loh tur anti ve leh thung tlat bawk a ni.

Zu hnathawh a reh hma chuan ka muhil ta daih a,na ti miahloin chu zan chu ka hmang zo ta der a.A tuk zing khua alo var chuan ka ke na chuan min tur tho ta hlawl mai a,a na chu a tur ngan ngan hle mai a,a tur ut ut mai a,thlifim chhem zawngte chuan ana ta vawng vawng zel mai a,Hrehawm viau mahse han tawrh zawhloh em tur chu a nilova,Pathian zarah na em em lovin rul chuk chu ks tuar dam thei ta hlauh a ni.

A hmeichhe thu dawn takin... min chuktu chu rultuha nilovin rulngan te alo ni zawk ang tihte chu ka hlau hnuhnawh a,rultuha chuk paeh kha na tik tek viau mahse vannei ka inti tho tho mai!!

"Rulngan hi khawvel a ransa zingah chuan a hlauhawm ber a ni" tiin Prof.BD Sharma chuan alo sawi hial a ni.

Rulngan(King cobra) hi rul finf tak mai a ni a,mihring a bei hmasa ngai lova,mahse,a thin ti urtu chu a chhinchhiah kar thei a ni.Rul tur neiah chuan alian ber leh alar ber a ni a,South East Asia leh South India ram zimte laiah chauh an cheng a ni.

Rulngan leh King cobra hi sawi hran tum tlat pawl kan awm a,Mahse,kei chuan thil thuhmun niin ka hria a ni.

Rulngan hmu ni a insawi tam takte sawi dan a in angli nuaih a.mahse,saei dan tlanglawn berah chuan,"Rulngan chu dum tke ziar mai leh rawng dangin a pawlh miahloh a ni a,nupa a khawsa in savate angin bu an chhep ve a,tah chuanantuite pawh an nupain an awp dun thin a ni.

A lu chhip laiah tak chuan phuhlip var bial kalhin a awm a,engemaw changin a hram/kak leuh leuh thei a.Tin,a che rang em em mai a,fei khawh ang maiin a inkhawh zawr thei a,a ri pawh a fiak thak thei a ni" anti a.

Snake wrangler ho chuan,rul dum hlang hlak chu khawvelah hian pakhatmah a awm lova,Black mamba leh tiger snake te hi dum tak nimahse an hlang bawk silo a ni anti a.

Rulngan chu bu chhep a note awp keu thin niin ansawi a,khawvel a rul awm zingah hian King cobra te chauh hi savate anga bu chhep a no awp ve thin awm chhun anni.

Tin,rulngan tleng chu fei khawh ang mai a ri fiak ri thak thei anti a.Ri fiak thak thei tur khawp a chak chu ri aia a kal chak zawk angai dawn tihna ani a,record danah chuan khawvel a rul tleng chak ner chu Black mamba a ni,rul chukna em em mai niin Africa ah chauh a awm thin a.Darkar khat ah 12kms a chakin a tleng thei a:Chuan kan rulngan tleng chak sawi chu hei aia let za dawn laia chak a ni tihna anih chu...!! Chak awm fia fia...!!!?

Mizoram hmun hrang hrang a rulngan ngei ani antihte pawh ram pawn lam mithiam hetiang lam chhui mi(Herpetologist) hrang hrangte pawhi an endik pawhin Rulngan kan tih hi King cobra ngei a ni e anti a ni.A lu a phuhlip var awm ni a ansawi pawh hi Cobra ho hriat hran nana an hman ber (large occipita) a ni.Chuvangin,Rulngan leh King cobra-te hi thil thuhmun,rul chikhat a ni a,sawi hran chi vak a nilo...