MIZO DAMDAWI

ASTHMA : Balhla tuai,a zung chawp a lak a,a kung chu meiah rawh uai a,sahsawm a a tui sawr tur a ni a,chu chu Khawizu nen chawhpawlhin nikhatah No chanve(tea cup) in vawi 3/4 in thin a tha.

°°° Thingfanghma emaw Kawldai hnah emaw Tawtawrawt par daihlim a dahro,meizial anga zuk pawh hi Asthma chhawk nan a tha a ni.

°°° THAWHAH A ZUAL LAI A ENKAWL DAN : Hnungzang ruh bawk,nghawng bul atanga chhiar a apalina thlengin kutzungpui leh zungchalin a bawk laiah 1,2,3,4 thlenga hmeh thlak a,dinglam leh vei lamah 3,4 zawn,zangruh sir tisa ah zungpui leh zungchalin hmeh bawk tur,chutiang hlir chuan minute nga(5mins) tih a,chawlh deuh det det a tih leh thin tur a ni.

FIG 1.0

AWMVEL : Samtawkte rah rawt sawm hnawih emaw thing leh kham pang a awm thin 'Awmvel' tui sawr hnawih a tha hle.

AR PUL HRI : Uihlo hnah chhum tui intir a tha.

B.P SANG : Kawldai hnah chhum tui,tak tha takin 15ml in nikhat ah vawi 3 tal in atha.

B.P HNIAM : Sunhlu rah den sawm,a mu tellovin chaw tlem nen a bilh a,atui in a tha.

CHUAP NA/THALO : Balhla kung den sawm tui sawr,thingpui in no khatin nikhatah vawi 3 in thin a,ni sarih(1week) chhung in thin atha a ni.

CHHUL LAWNG : Tatkawng thing pil emaw Teak thing pil den sawm a,tui in dar 12 vel chiah deuh vang vang hnu ah thlit fim a,15ml in nikhat ah vawi 3 in thin a tha.

CHINGCHIP SEH : A sehtu chingchip pum chhung a atui hnawih atha.(A sehtu thah ngei ngei ngai dawn nih chu,...! Mak thei e...P)

HA NA : Khuangthli hnah tuisawr in emaw hnawih emaw thialsawm pawh a tha.

°°° Mutih var hnah leh thinghmarcha den pawlh emaw thial pawlh emaw pawh a tha.

KAL THALO : Perhpawng chaw/Hnim thuamthum a kung leh hnah nen densawm tui a chiah deuh vang vang hnu a in a tha.15ml in nikhatah vawi 3/4 in a tha.

KAL/ZUN KAWNG : Khamhlo hnah,darkar khat vel chhum tui,tak tha tak no khat(tea cup) in nitin vawi 3 inziah a tha.

°°° Ram Lakhuih emaw Lakhuih(Pineapple) hnah densawm tuisawr emaw chhum tui in a tha bawk.

°°° Hlonuar zung chhum tui in a tha viau bawk.(Thenkhat tan...) 

KHAWIHLI : Hnahchhah hnah hem uai a,a hmuamhma a bel thlawp mai a tha.

LU NA : Purunsen rawt diak a,bekah leh kut hnungah dah a mut vang vang a tha.

MIT THIP/MIT THAK : Ngiau thing hnah no,thuai sawm sawk sawk a,tuiin dar 12vel chiah a,mit sil nan hman a tha viau mai.

NAUNEI HNUTE TUI NEI HARTE TAN : Thingfanghma hnah hnuai lam thai rang vak a,hem uai a,hnute hmur tellovin tuam tur emaw Changkha hnah rawt sawm bel a tha.

(Reilote hnuah hnute tui a awm nghal thei e antih chu,,,mak ve reng reng....)

PUMPUI : 1) Ngiau hnah den sawm a,tuiin darkar khat vel chiah hnuah thlitfim a,khawizu nen chawh pawlhin nikhat ah 15 ml in vawi thum emaw vel tal in a tha.Pumna thut ang chi ah pawh a tha viau a ni.

2) Thuamriat thing pil chhumtui in pawh a tha (Thisen erawh a heh deuh maithei...a kha em mai!!!P)

3) Chhawntual thing pil chhumtui in a tha khawp mai.(Hei hi chu ka apply ve tawh a,a tha viau mai,ei a hrehawm bawk silo,athlum phak deuh chauh a ni,buaithlak ta ber chu hetiang thing hi avang khawp mai...!)

PILE THALO : Hlonuar sen chi hnah rawtsawm a,bawnghnute nen inzat a pawlh a,atak nen zing karah ni sarih chhung ei/in thin a tha.

RIL NA: Fartuah hnah den sawm a,darkar khat vel tui a chiah deuh vang hnuah thlifimin nitin zing leh tlaiah Glass no chanve vel lek lek a in thin a tha.

RUH TLIAK : Nauthak hnah no,Artui hel pawn var leh dawidim rawt pawlh a puan pan deuh a,ruh tliak laiah chuan tuam hnan atha a ni.

RUL CHUK : A chuktu rul chu tan bun hmawk a,a chukna hmuamhmaah chuktuah in a tur hip chhuah tir tur.

°°° Dawl kung tan bun hip tir pawh a tha.

°°° Vakep kung pil emaw a hnah tihsawm bel/hnawih a tha.

°°° Changel/Balhla tui sawr in a tha. (Rul chukah kher hi chuan Dr te thusawi leh ramhmul damdawi hi a in anglo thei hle,min chuk tawh a,Ramhmul damdawi ka ngaih zawk, ,)

RINGWORM : Uihlo hnah rawt sawm tui sawr a tha.

SCIATICA : A damdawi siam dan :-

Bawnghnute = 1ltr

Tui = 4ltrs

Purunvar = 150g

*** Purunvar hi densawm tur a ni a,chawhpawlh a chhum char char tur a ni,1.250ltr anih thleng chhuan tur a ni.Chumi hnuah thlitfim a atui in a tha.

Dosage: 25ml(two teaspoon full)

in nikhatah vawi 5 in/ei a tha.

SANTEN OR ZUN THI : Hnahchhah hnah den sawm tui sawr leh Chini emaw thilthlum chawhpawlh a in atha.

SERH THAK(Hmeichhia) : Sunhlu kung pil densawm a,tui a chhum bawrh bawrh hnuah thlit fimin zing leh zanah Serh sil nan hman thin tur a ni.

THIN LIAN/MITLIAM : 1) Mitthisunhlu sahsawm a tui a chhum a,thitfim hnuah 15ml in nikhatah vawi 3 in a tha.(He damdawi ei lai hian Hriak leh damdawi dang eiloh tur.)

2) Theikelki hnah/Theiherawt hnah chhum tui,chaw eidawn a piang a in a tha.(Hei hi chu ka apply ve tawh atha khawp mai..P)

3) Chakai hring densawm tui leh tak ei a tha.Tin,lui lam sa hi a thaviau bawk...

TONSIL/HRAWK NA : Khuangthli hnah ro rawtsawm  tui sawr,thifiante khatin nitin zingah leh tlaiah ei tur..

THISEN CHHUAK DANNA : Hnahchhah hnah tui sawr hnawih a tuam hnan a tha.

°°° Balhla/Changel tuisawr a tha.

*** Japanhlo leh tlangsam hnah tuisawr a tha.

TIT SEH/KHAWMUALKAIKUANG SEH : Panhnah rawt sawm bel emaw Lenghmaser ei emaw hnawih pawh a tha.

THIN LIAN : Uihlo chhum tui no chanve in nikhatah vawi 3/4 vel in a tha.

THA NA : Ram hnim chi khat 'THASUIH' antih chhum tui in tha na lai zut a tha hle.

VUNG/ULH/BILH :Keptuam hnah nuai zawr a tuam hnan a tha,kawng na leh ruh na tan pawh a tha.Tin,a bulbawk zai lep liah zeu zeu hi rannung tur nei seh damdawi a ni bawk.

*** Artukthuan hnah den/nuai sawm tuam hnan hi Ulh/bilh tan a tha hle.

VUN THAK : Tengtere hnah den sawm tuisawr hnawih a tha.Phurhsi ah chuan Saisiak hnah chhumtui a inbual a tha khawp!

@@@@@@ Follow on Mizo Damdawi Facebook Group