HRIATNA LAMTLUANG

Hun chhiar dan in ang lo
Ethiopians-ho chuan 12 September,2007 khan khawvel kum 2000 kimna chu an lawm ve chauh a, English Calender hmangte nen millinium kan hman hun hi ni 2,811 ngawtin a inthlau a nih chu.
Ethiopia, Orthodox Christian ram chuan kum khata thla 13 awm chi an hmang a. An calendar hman hi khawvel ram tam zawk ten kan hman, Gregorian calendar ai hian kum 7 zetin a tlai a ni.

Mihring Piang leh Thi Zat
Kan chenna khawvelah hian nikhatah darkar 24 a nih loh pawn 1,440 minutes anihloh pawn 86,400 seconds zel a inher chhuak a, chumi ni khat chhung chuan chawhrualin nitin mi 364,478 an piang a, mi 151,650 an thi bawk.

Sana
Atomic sana hmasa ber chu USA ah 1928 siam chhuah a ni a, 1957 kum khan USA vekah battery sana hi siam chhuah a ni bawk. 1969 khan Quartz sana hi Japanah zawrh chhuah hmasak ber a ni thung.

Hun
Video Film pakhat en nan hian chawhrualin hun second 5,000 chuang kan khawhral a. Mihring dam chhung kum 80 ah hian 2.5billion second aia tam hun kan nei a, chawhrualin 800 million second hi mut nan kan hmang tlangpui bawk. Minute 1- Seconds 60, Darkar 1 – Seconds 3,600, Ni 1 – Seconds 86,400, Kar 1 – Seconds 604,800, Kum 1 – Seconds 31,536,000…etc

Khawvela Temperature san berna hmun
13 September 1922 khan Al’Aziziyah, Libyan thlaler chu khawvela sat berna hmun tia record a ni a, hemi ni hian 57.8C in a sa a ni. Tin, July 10, 1913 khan California, USA a temperature chu 56.6C a kai pha bawk a, Thihna ruam tia record a ni bawk.

Khawvela Hmun Ro Ber Chile rama Atacama thller ah hian kum 400 chhung ruah a sur tawh lo va, khawvel hmun ro ber tia chhinchhiah a ni.

Khawvela Hmun vawt ber
Mihring chenna hmun vawt ber chu Norilsk, Russia a ni a, average temperature chu -10.9 a ni.