Tisa chakna Thlarau bawlhhlawh

INCUBUS & SUCCUBUS

by: Jonh Hnamte

WARNING : Explicit content

 

Heng thlarau bawlhhlawh pahnih te chanchin hi tun tum hian thlirdan kawng hnih in ka rawn sawi dawn a, ngun tak leh fimkhur taka lo hre ve turin ka duh che u ani. Thenkhat tan chuan chhiar a nuam vak dawn lo tih in lo hre hmasa dawnnia. 

Webster’s dictionary ah chuan:

INCUBUS – Hmanlai a hurna/Tisachakna thlarau chikhat mipa anga inlar thin, zan lama mihring hmeichhia te tisa chakna hmang a khawsakpui thin an ni.

SUCCUBUS – Hmanlai a hmeichhe thlarau ni vethung in, mihring mipa te ngaih ah itawm taka inlan in, mipa te chu tisachakna hmangin an khawsakpui thin.Hetiang lampang hi kan mizo thawnthu thenkhat ah pawh kan hmu thin a, a tlangpuiin mizoten kan sawi thin dan ah chuan hmeichhia an ni a, LASI kan ti mai thin.Hmanlai thawnthu ami ni a I ring anih chuan I ringsual hle ang. A chhan chu heng thlarau te hi a tak tak an ni. Mizoten mangpui ka mang a, kan tih fo pawh hi tun tum ah hian zirchianna ni angreng insawi fiah kan tum pah ang.He thil chungchang a buaina I nei anih chuan I taksa leh thlarau then thianghlim a, Pathian I hnaih a ngai tak meuh ani.

Nu pakhat chuan zan alo nih hian namen lovin muthilh hrehawm a ti thin a, a chhan chu heng kan sawi ramhuai thlarau Incubus hian a ngaizawng tlat mai ani. A Muthilh tawh chuan zel ang a awm in, chu thlarau chuan a mutpui ta thin a, a mumang mai ni lovin, a taksa ah chuan kuttin a ham na thla te leh a nghawng ah te chuan sehna hnuhma a lang thluah mai zel a ni.

Nu pakhat leh chu, anpa chu pastor lai ani nghe nghe a, zan lam a mipa a mang lam a a lokal thin thu leh a mutpui thin thu an pa hnen a asawi chuan, an pa chuan I mang mai mai anih chu tiin a ngaihsak lem vaklo ani. Mahse ani pawh hi, zing a a han thawh chuan namen lova sex hman a vang a taksa na nei ang hian a chau ngawih ngawih mai thin ani. A ni erawh hi chuan kohhran hruaitu te leh rawngbawl tute puih na in a zalen ta ani.

England a rawngbawltu hmeichhia pakhat chuan March 18, 1997 khan ti hian a sawi “ Kristian hmeichhia te zing ah hian 10 a 9 vel hi chuan heng thlarau te hi an hmelhriat ani” ati ( 10 a 9…rapthlak tak ani.)

A hnuai ami te hi Tisa chakna thlarau sual te hming koh hrang hrang chu a ni.*INCUBUSSUCCUBUSINCUBISUCCUBIELDONNA*

"Sex with demons - Nightmares, Incubus and Succubus" tih lehkhabu, Erica Joseph ziak Breakthrough Missions, 4514 N. 34th St., Tampa, Florida 33610 –a tanga lakchhuah ani.

Tunlai ah phei hi chuan hetiang hurna thlarau te nen a inkawp mi hi tamtak an awm angaih ani a, heng an kawp tawh te hi, an thlah mai mai ngai lova, an damchhung zawng in an khawsakpui ta thin. Mihring te taksa in a dawl zawh loh khawp hial ang te in an khawsak pui a, thenkhat te phei chuan riru lam ah harsatna liantak an neih phah fo thin. Thlarau bawlhhlawh pai, ramhuai tihbuai hrim hrim ten en hian an danglam daih a, a chhan chu anni hi, an chetdan a lansarh loh vang hi ani. Mahse an taksa then thianghlim a an awm chuan an che na thei khawp thung.  

Ramhuai pai hnawhchhuah ai mah hian heng hurna thlarau pai ho thenthianghlim hi a harzawk niin sawi thin ani. An muthilh chuan an ngaihtuahna chu tisachakna lam ah herkawi in an ngaihtuahna a an duhthusam angzan mai a hmeltha chuan mihring ngaih ah an inlan ta a, mihring te chuan an mumang mai niin an ngai tlangpui, mahse an mumang anilo. Thenkhat ah chuan mumang hi setana khawvel ruangam niin sawi ani bawk.

 

DELIVERENCE tih hian kha, a thlarau tihbuai thin khan a tibuai tu kha a duh tawh lo ani tih chiangtakin a lantir angai thin a, mahse thenkhat te chuan tisa chakna anlo hmanpuithin thlarau khan an rilru a hnen thin em vangin buaipui pawh an har thin hle a, mi thenkhat ten mihring ang mai a chiang a an hmuh a an khawsakpui thin laiin, thenkhat te chuan milem dukdaklo an hmuh ngawt pawh in an danglam chawpchilh nghal mai thin. Helai ah hian ka sawiduh tak chu, hetiang thlarau te pawh hian mihring ngaihtuah na a zirin mi an control thin ani. Thian hova film bawlhhlawh enlai a I awmdan leh nangmah chauhva tuma hmuh lova I en dan chu a danglam daih ang. Chubak ah Isua film vawi 10 en ai chuan Film thalo a ngai hlir pawh vawi 20 I en duh zawk ang. Heihi mihring kalphung pangngai ani tawh lo. I rilru ah khan engemaw I hriatthiam siloh normal anga ngaihtir tlat tu che a awm tawh reng tihna ani.

Naupang zawkte tana chhiar nuamlo deuh tawngkam sakhat tak tak, heng thlarau te chungchang sawi dawn hian chuan hman thin angaih vangin khawngaih a min hrethiam turin ka ngen tel leh a che u.

Sawidan tlanglawn ah chuan Incubus te hi mipa niin chetsual pui tur hmeichhia mihring te zing ah an zawng reng a, Follet tiin French ho chuan an sawi a, german tawng chuan alp ani, Spanish ho chuan duende an ti a, itallian ho chuan folleto an ti a, an mahni nihna letthawk a thlarau pakhat leh chu Saccubus te hi anni. Anni hi magistellus an ti a English chuan familiar an ti mai bawk, heng thlarau te hi, a tlangpuiin hmelhriat tawhsa, tisa chakna hmanpui atan kan it em em te ang hian an inlan thin a, a chang chuan hmelhriat chiah ni silo e.g film star, porn star e.tc. heng vang hian an hming pawh hi magistellus tih an ni nghe nghe. Heng thlarau te hian mihring te zing ah sex hmanpui tur an hmuh loh chuan ransa te chung ah pawh an in hrithla mai thin niin sawi anni.

An ze diktak hi mak deuh maiin, an duh hun hun ah an thlak thei a, hmeichhia ah leh mipa ah an inlan thin, hmeichhia a an inlan chuan mihring mipate laka an dawn mihring chi ( Sperm) kha mipa a an inlan leh hun ah mihring hmeichhia te hnen ah an hlan chhawng veleh thin a, an hmel tha in duhawm viau mahse hetiang a an mutpui tawh te chuan Incubus te laka chi ( Sperm ) an dawn hi vur ang mai a vawt leh nunna neilo niin an sawi thin. An mahni hi thlarau sual dinhmun sangtak chelh anni lem lova, mahse mihring te hneh thei takmai anni thung. Saccubus te hi a hmeichhia zawk sawina ( Feminine) atan hman ni mahse, Medieval Latin Word ah chuan mipa nih na sawina ( Masculine) ani, a chhan chu ramhuai te hian nihna anneih loh vangin an sawipawlh tihna a ni.

(HEMI CHIN AH HIAN DUHTAWK PHAWT ILA..an koh chhuah dan te, mihring te an khawsakpui dan te chu tawngkam bawlhhlawh atam em avangin sawilang lo mai ila, hemi chin a kan hriat hi a tawk ah i ngai mai ang u….)

.

....